Nepal flood bank gold rescue 2026 Nuwakot Agricultural Development Bank flood
नेपाळमध्ये (Nepal Floods) भोटेकोशी आणि त्रिशुली नदीला आलेल्या अचानक आणि अत्यंत विनाशकारी महापुरामुळे सर्वत्र भीषण हाहाकार माजला आहे. पुराच्या पाण्याच्या तुफानी वेगामुळे अनेक गावेच्या गावे नकाशावरून नष्ट झाली असून घरे, रस्ते आणि पूल पाण्याच्या प्रवाहात वाहून गेले आहेत. या सर्व विनाशकारी आपत्तीदरम्यान नेपाळच्या नुवाकोट जिल्ह्यातून एक थक्क करणारी घटना समोर आली आहे. पुराच्या चिखलात आणि गाळात पूर्णपणे गाडल्या गेलेल्या एका बँकेच्या शाखेतून बचाव पथकाने ५० कोटी नेपाळी रुपयांचे सोने, दीड कोटींची रोख रक्कम आणि मौल्यवान कागदपत्रे सुरक्षितपणे बाहेर काढली आहेत. सध्या या थरारक बचाव मोहिमेचा व्हिडिओ सोशल मीडियावर प्रचंड वेगाने व्हायरल होत आहे.
मिळालेल्या अधिकृत माहितीनुसार, ही घटना नुवाकोट जिल्ह्यातील त्रिशुली भागात असलेल्या कृषी विकास बँकेच्या ‘त्रिशुली-ढुंगे’ शाखेत घडली आहे. भोटेकोशी नदीला आलेल्या अचानक पुरामुळे संपूर्ण बँक परिसर काही मिनिटांतच पाण्याखाली गेला. पाण्यासोबत आलेला मोठा गाळ, दगड-धोंडे आणि चिखल बँकेच्या मुख्य इमारतीत घुसल्याने बँकेचे तळघर आणि लॉकर रूम पूर्णपणे बंद झाले होते. सुरुवातीला पाणी लवकर ओसरेल अशी आशा बँकेच्या अधिकाऱ्यांना होती, परंतु सलग काही दिवस परिस्थिती अत्यंत गंभीर राहिल्याने लॉकरमध्ये अडकलेला कोट्यवधींचा ऐवज सुरक्षित स्थळी हलवण्यासाठी अखेर विशेष मोहीम हाती घेण्यात आली.
जागतिक घडामोडी संबंधित बातम्या वाचण्यासाठी येथे क्लिक करा : Nepal Floods: नेपाळमधील त्रिभुवन त्रिशुली शाळेची थरारक कथा; बोधी वृक्षाखाली एकत्र आली मुले अन् डोळ्यांदेखत वाहून गेली शाळा
नेपाळ पोलीस, सशस्त्र पोलीस बल आणि स्थानिक बचाव दलाच्या संयुक्त पथकाने २६ ऑगस्टच्या पुरामुळे बाधित झालेल्या या बँकेत हे थरारक ऑपरेशन राबवले. बँकेच्या मुख्य प्रवेशद्वारावर आणि लॉकर रूमच्या समोर अनेक फूट खोल चिखल व गाळ साचला होता. अशा धोकादायक आणि गुदमरवून टाकणाऱ्या वातावरणात अत्यंत सावधगिरीने काम करावे लागले. सुमारे ८ तास सलग चाललेल्या या मोहिमेदरम्यान सुरक्षा दलाच्या जवानांनी ऑक्सिजन आणि विशेष उपकरणांच्या मदतीने लॉकर रूम गाठली आणि तिथे सुरक्षित असलेले मेटल लॉकर एकामागून एक बाहेर काढले.
We saw how some people were snatching jewellery from the bodies of those who lost their lives. But here is another man who found gold jewellery in a floating cupboard and is sharing the details so that the rightful owners can be traced. Kindly share this widely so that the… pic.twitter.com/At710qpubq — Radharamn Das राधारमण दास (@RadharamnDas) August 28, 2026
credit – social media and Twitter
या यशस्वी बचाव मोहिमेनंतर समोर आलेली आकडेवारी थक्क करणारी होती. बँकेच्या लॉकरमधून अंदाजे ५० कोटी नेपाळी रुपये मूल्याचे सोने, सुमारे १.५ कोटी रुपयांची रोख रक्कम, चांदीचे दागिने आणि अनेक मौल्यवान वस्तू सुरक्षितपणे ताब्यात घेण्यात आल्या. याव्यतिरिक्त, बँकेच्या खातेदारांच्या सुरक्षेशी संबंधित अनेक अत्यंत महत्त्वाचे दस्तावेज आणि डिजिटल रेकॉर्ड्स देखील सुखरूप बाहेर काढून सुरक्षित स्थळी हलवण्यात आले आहेत. ही सर्व संपत्ती बाहेर काढतानाचा व्हिडिओ सध्या सोशल मीडियावर मोठ्या प्रमाणावर फिरत असून नेपाळी पोलिसांच्या या धाडसाचे कौतुक केले जात आहे.
जागतिक घडामोडी संबंधित बातम्या वाचण्यासाठी येथे क्लिक करा : Russia Petrol Crisis: रशियाने चुकवली युद्धाची मोठी किंमत; तेलाच्या महासत्तेची उलटी गंगा; रशिया भारताकडून घेणार पेट्रोल?
नेपाळच्या राष्ट्रीय आपत्ती जोखीम निवारण आणि व्यवस्थापन प्राधिकरणाने (NDRRMA) दिलेल्या माहितीनुसार, या वर्षीच्या पावसाळ्यात आलेल्या या महापुराने देशाचे अपरिमित नुकसान केले आहे. पुरामुळे रस्ते तुटल्याने आणि संपर्क यंत्रणा कोलमडल्याने अनेक जिल्ह्यांचा उर्वरित जगाशी संपर्क तुटला आहे. चितवन, पूर्व व पश्चिम नवलपरासी, गोरखा, नुवाकोट, धादिंग आणि रसुवा या आठ जिल्ह्यांना या नैसर्गिक आपत्तीचा सर्वाधिक फटका बसला आहे.
सध्या बाधित क्षेत्रांमध्ये नेपाळ सैन्य, पोलीस आणि आंतरराष्ट्रीय बचाव पथके युद्धपातळीवर शोध व मदत कार्य राबवत आहेत. हेलीकॉप्टरच्या साह्याने अडकलेल्या नागरिकांना सुरक्षित स्थळी हलवले जात असून औषधे व अन्नधान्याचे वाटप सुरू आहे. पुराचे पाणी आणि चिखल ओसरल्यानंतर आता मालमत्तेचे नुकसान समोर येत असून, बँकेतील ५० कोटींचे सोने आणि रोकड सुखरूप बाहेर निघाल्याने बँक प्रशासनाने आणि स्थानिक नागरिकांनी सुटकेचा निश्वास टाकला आहे.
.png "Videos"){kind=small}
