Nepal Rasuwagadhi flood news Bhotekoshi river flash flood
नेपाळमधील (Nepal Flood) रसुवा (Rasuwa) जिल्ह्यात एका भीषण नैसर्गिक आपत्तीने थरकाप उडवला आहे. तिबेटच्या (चीन) दिशेने अचानक आलेल्या पाण्याच्या प्रचंड प्रवाहामुळे भोटेकोशी आणि त्रिशुली नद्यांनी रौद्र रूप धारण केले आहे. या अचानक आलेल्या पुरामुळे सीमेवरील तिमुरे बाजार, अनेक रस्ते, महत्त्वाचे पूल आणि जलविद्युत प्रकल्पांचे अतोनात नुकसान झाले आहे. प्राथमिक अंदाजानुसार, या महापुरात सुमारे १,००० नागरिक प्रभावित झाले असून अनेक जण पुराच्या पाण्यात अडकल्याची किंवा वाहून गेल्याची भीती व्यक्त केली जात आहे. पुराचे पाणी इतक्या वेगाने आले की लोकांना सुरक्षित ठिकाणी जाण्यासाठी वेळच मिळाला नाही.
मिळालेल्या माहितीनुसार, सकाळी ९ च्या सुमारास भोटेकोशी नदीच्या पाण्याच्या पातळीत अचानक मोठी वाढ झाली. तिमुरे आणि स्याफ्रुबेसी भागात नदीकाठच्या सखल भागांत पाणी वेगाने शिरले. या पुराच्या तडाख्यात सीमावर्ती कस्टम्स ऑफिसच्या आवारात उभी असलेली वाहने, मालवाहू कंटेनर्स आणि व्यापारी दुकाने वाहून गेली आहेत. याशिवाय, स्थानिक प्रशासनाने गेल्या वर्षीच्या पुरानंतर नुकताच नव्याने उभारलेला रसुवा गढीचा मुख्य पूल देखील पाण्याच्या तुफानी प्रवाहामुळे पुन्हा एकदा वाहून गेला आहे. यामुळे चीनसोबतचा सीमावर्ती संपर्क आणि रस्ते वाहतूक पूर्णपणे ठप्प झाली आहे.
Today, a devastating sudden surge in the Bhotekoshi River has caused widespread destruction, with fears that several people may have been killed or swept away. 📍Rasuwa District, Nepal, along the China border. pic.twitter.com/52if8LGlO9 — Weather Monitor (@WeatherMonitors) August 26, 2026
credit – social media and Twitter
जागतिक घडामोडी संबंधित बातम्या वाचण्यासाठी येथे क्लिक करा : BRICS Summit 2026: रशियात ‘चाणक्य’ जयशंकर अन् चीनमध्ये अजित डोवाल; भारताच्या दोन दिग्गजांची जागतिक पटलावर मोठी खेळी
या घटनेत सर्वात चिंतेची बाब म्हणजे तिमुरे परिसरात तैनात असलेल्या सशस्त्र पोलीस दलाच्या (APF) तुकडीशी संपर्क तुटला आहे. स्थानिक माध्यमांनुसार, सुमारे ३० पोलीस कर्मचारी व सुरक्षारक्षक बेपत्ता किंवा संपर्क क्षेत्राच्या बाहेर आहेत. पोलीस ठाण्याच्या मुख्य इमारतीला वाचवण्यात यश आले असले तरी प्रत्यक्ष घटनास्थळी तैनात असलेल्या पथकाशी संपर्क होऊ शकलेला नाही. नेपाळ प्रशासनाने तातडीने मदत आणि बचाव पथके (Armed Police Force & Nepal Army) बाधित भागांमध्ये रवाना केली असून वैद्यकीय मदतीसाठी हेलिकॉप्टर्सची व्यवस्था करण्यात आली आहे.
Today, a flash flood has swept through markets, settlements, and hydropower projects along the Bhotekoshi River in Timure and Syabrubesi, Gosainkunda Rural Municipality, Rasuwa District, Bagmati Province, Nepal. pic.twitter.com/DWVsGQpRzV — Weather Monitor (@WeatherMonitors) August 26, 2026
credit – social media and Twitter
हवामान तज्ज्ञांच्या मते, रसुवा जिल्ह्यात स्थानिक पातळीवर कोणताही मोठा मुसळधार पाऊस झालेला नव्हता. तरीही आलेला हा अचानक पूर तिबेटमधील हिमनदी तलावाच्या फुटीमुळे (Glacial Lake Outburst Flood – GLOF) किंवा पर्वतीय भागात अचानक साचलेले पाणी फुटल्यामुळे आला असावा असा प्राथमिक अंदाज वर्तवण्यात येत आहे. या नैसर्गिक आपत्तीचे गांभीर्य ओळखून नेपाळचे पंतप्रधान बलेंद्र शाह यांनी राष्ट्रीय आपत्ती जोखीम निवारण प्राधिकरणाची तातडीची बैठक बोलावली असून ते स्वतः परिस्थितीवर क्षणोक्षणी बारीक लक्ष ठेवून आहेत.
These visuals from the floods in Rasuwa, Nepal are absolutely horrific. The scale of the destruction looks unreal, almost like a scene from a disaster movie.The entire Himalayan belt needs to seriously work on better early warning systems for such flash floods. Prayers for… pic.twitter.com/7iiupXXIzT — Nikhil saini (@iNikhilsaini) August 26, 2026
credit – social media and Twitter
जागतिक घडामोडी संबंधित बातम्या वाचण्यासाठी येथे क्लिक करा : America : हैतीमध्ये सशस्त्र टोळीचा हैदोस! 47 जणांची निर्घृण हत्या अन् 50 हून अधिक जणांचे अपहरण; संयुक्त राष्ट्राकडून तीव्र निषेध
नदीच्या प्रवाहाचा वाढता वेग पाहता नेपाळ प्रशासनाने रसुवा, नुवाकोट, धादिंग, गोरखा आणि चितवन या जिल्ह्यांतील नदीकाठच्या रहिवाशांना सुरक्षित आणि उंच ठिकाणी जाण्याचा इशारा दिला आहे. तसेच महामार्गावरून प्रवास करणाऱ्या वाहनांनाही सतर्कतेच्या सूचना देण्यात आल्या आहेत.
This video from the @NepalRedCross Rasuwa District Branch illustrates the enormous force of this morning’s flash flood. @NepalRedCross is mobilizing immediate relief efforts. pic.twitter.com/4LLSY00pep — David Fisher (@David_A_Fisher) August 26, 2026
credit – social media and Twitter
दरम्यान, नेपाळमधील या पुराचा प्रभाव भारतातही दिसून येण्याची शक्यता आहे. नेपाळमधून वाहणाऱ्या नद्यांचे पाणी थेट बिहारच्या सीमेत प्रवेश करत असल्याने बिहार प्रशासनाने तातडीने हाय अलर्ट जारी केला आहे. विशेषतः पूर्व चंपारण, पश्चिम चंपारण आणि बागाहा या सीमावर्ती भागातील नदीकाठच्या गावांना खबरदारीचा उपाय म्हणून सतर्क राहण्यास सांगण्यात आले आहे. जलसंपादक आणि आपत्ती व्यवस्थापन पथके परिस्थितीवर पूर्ण लक्ष ठेवून आहेत.
.png "Videos"){kind=small}
