मंगळवार, 10 नोव्हेंबर 2026
World War : आता पाकिस्तान-इराणमध्ये युद्ध पेटणार? लष्करप्रमुख मुनीर यांची शिया धर्मगुरूंना 'ती' धमकी अन्..., जगभरात खळबळ (फोटो सौजन्य: सोशल मीडिया)
मिळालेलया माहितीनुसार, असीम मुनीर यांनी शिया धर्मगुरू आणि उलेमांना अत्यंत अपमानजनक वागणून दिल्याचा आरोप आहे. त्यांच्या विधानामुळे पाकिस्तानमध्ये अंतर्गत गृहयुद्धाचा भडका उडू शकतो. लष्करप्रमुख मुनीर यांनी शिया धर्मगुरुंच्या शिष्टमंडळासोबत एक बैठक घेतली होती. परंतु या बैठकीत लष्करप्रमुखांनी शिया नेत्यांना त्यांचे प्रश्न मांडण्याची, चिंता व्यक्त करण्याची कोणतीही संधी दिली नाही. मुनीर यांनी आपले भाषण संपवून कोणाशीही चर्चा न करता तेथून निघून गेले.
या बैठकीत मुनीर यांनी एक खळबळजनक विधान केले. त्यांनी इराणला डिवचत शिया धर्मगुरुंवर टीका केली. त्यांनी म्हटले की, तुम्हाला इराणचा खूप पुळका येत आहे, जर तुम्हाला इराणवर इतकेच प्रेम असेल तर तुम्ही इथनू निघून जात का नाही? तुम्ही इराणला जा असे म्हटले. मुनीर यांच्या या विधानाने मोठी खळबळ उडाली आहे. त्यांच्या या विधानामुळे पाकिस्तानमध्ये शिया आणि सुन्नी मुस्लिमांमध्ये वाद पेटण्याची शक्यता आहे. यामुळे मोठा गृहयुद्धाचा भडका उडू शकतो.
शिवाय त्यांचे हे विधान अशा वेळी आले जेव्हा, इराणचे सर्वोच्च नेते अयातुल्ली अली खामेनेई (Ayatollah Ali Khamenei) यांच्या निधनानंतर पाकिस्तानमध्ये अनेक शहरांमध्ये शिया समुदायाने निदर्शने केली आहेत. या निदर्शनांदरम्यान सुरक्षा दल आणि आंदोलकांमध्ये हिंसाचार घडला आहे. अनेक लोक जखमी झाले आहेत. लष्कराच्या मते ही निदर्शने देशात अस्थिरता पसरवत आहेत. याच पार्श्वभूमीवर मुनीर यांनी शिया धर्मगुरुंंना इराणला निघून जा अशी धमकी दिली आहे.
दरम्यान पाकिस्तानचे शिया धर्मगुरु मौलाना हसनैन अब्बास गर्देजी आणि अल्लामा नजीर अब्बास तकवी यांनी असीम मुनीर यांच्या या विधानाचा तीव्र निषेध केला आहे. एका संवैधानिक पदावर असलेल्या व्यक्तीने अशा प्रकारे धार्मिक अपमान करणे चुकीचे असल्याचे धर्मगुरुंनी म्हटले आहे. या वादामुळे पाकिस्तान आणि इराण (Iran) मधील राजनैतिक संबंधात तणावर निर्माण होण्याची शक्यता आहे. तसेच देशांतर्गत शिया-सुनिनी वाद विकोपाला जाऊ शकतो. यामुळे पाकिस्तान आता एका मोठ्या संकटाच्या उंबरठ्यावर आहे.
Ans: मुनीर यांच्या कथित तुम्हाला इराणचा पुळका येत असेल तर इराणला जा या शिया धर्मगुरुंवरील वक्तव्यामुळे लष्कर आणि सैन्यात वाद निर्माण झाला आहे.
Ans: मुनीर यांच्या विधानामुळे पाकिस्तान आणि इराणमधील राजनैकि संबंध बिघडण्याची शक्यता आहे. तसेच देशांतर्ग शिया-सुन्नी वादही पेटू शकतो.
