pete hegseth controversy jesus christ iran war pentagon prayer meetings 2026
Pete Hegseth Jesus Christ War Statement : इराण आणि अमेरिका यांच्यातील लष्करी संघर्ष (US-Israel Iran War) आता केवळ क्षेपणास्त्रे आणि विमानांपर्यंत मर्यादित राहिलेला नाही. या युद्धाला आता चक्क धार्मिक वळण मिळाले आहे. अमेरिकेचे संरक्षण सचिव (Secretary of Defense) पीट हेगसेथ यांनी केलेल्या एका वादग्रस्त विधानाने व्हाईट हाऊसपासून ते पेंटागॉनपर्यंत सर्वांचे धाबे दणाणले आहेत. हेगसेथ यांनी इराणविरुद्धच्या कारवाईला ‘येशू ख्रिस्तासाठीचे युद्ध’ म्हटले असून, दुष्ट लोकांशी लढताना दया दाखवू नका, असे आदेशही दिले आहेत.
‘वॉशिंग्टन पोस्ट’च्या एका धक्कादायक वृत्तानुसार, पीट हेगसेथ यांनी गेल्या काही दिवसांत पेंटागॉनमध्ये किमान १० बैठका घेतल्या आहेत. या बैठकांना त्यांनी अधिकृतरीत्या ‘प्रार्थना सभा’ असे नाव दिले आहे. या सभांमध्ये त्यांनी धार्मिक नेत्यांशी चर्चा केली आणि इराणविरुद्धच्या लष्करी कारवाईला धर्माच्या संरक्षणाचा एक प्रयत्न म्हणून सादर केले. “जर आपण दुष्टांविरुद्ध शस्त्र उचलत असू, तर तिथे दयेला स्थान नसावे,” असे विधान त्यांनी धार्मिक नेत्यांसमोर केले. त्यांच्या या कृतीमुळे अमेरिकन सैन्य दलात ‘ख्रिश्चन शिपायांची’ फौज तयार केली जात असल्याचा आरोप माजी सैनिकांनी केला आहे.
जागतिक घडामोडी संबंधित बातम्या वाचण्यासाठी येथे क्लिक करा : Holy Sepulchre: जेरुसलेममध्ये धार्मिक युद्ध? अल-अक्सा नंतर आता ‘चर्च’वरही निर्बंध; ख्रिस्ती जगतात संताप अन् नेतन्याहू बॅकफूटवर
हेगसेथ यांच्या या विधानामुळे वातावरण तापल्याचे पाहून पेंटागॉनने तात्काळ एक स्पष्टीकरण जारी केले आहे. संरक्षण विभागाने म्हटले आहे की, या प्रार्थना सभा पूर्णपणे ऐच्छिक होत्या आणि त्यातून कोणत्याही कायद्याचे उल्लंघन झालेले नाही. मात्र, अभ्यासकांचे मत यापेक्षा वेगळे आहे. जॉर्जटाऊन विद्यापीठाचे मॅथ्यू टेलर यांनी म्हटले आहे की, अमेरिकेच्या इतिहासात पहिल्यांदाच पेंटागॉनने युद्धाला अधिकृतरीत्या ‘धर्मयुद्धा’चे स्वरूप देण्याचा प्रयत्न केला आहे, जो अत्यंत धोकादायक आहे.
Secretary of War Pete Hegseth recited a prayer for US troops attacking Iran, asking for strength and protection, during a Pentagon briefing. American and Israeli officials have been criticised for pushing rhetoric suggesting that the campaign against Iran is a religious war. pic.twitter.com/JNZnZZ1yQy — Al Jazeera English (@AJEnglish) March 10, 2026
credit – social media and Twitter
असोसिएटेड प्रेसच्या एका अहवालानुसार, अमेरिकन लष्करातील सर्वच सैनिक हे ख्रिश्चन नाहीत. केवळ ७० टक्के सैनिक स्वतःला ख्रिश्चन मानतात, तर उरलेले २५ टक्के इतर धर्मीय किंवा अज्ञात प्रवर्गातील आहेत. अशा परिस्थितीत संरक्षण सचिवांनी युद्धाला एका विशिष्ट धर्माशी जोडल्यामुळे लष्करामध्ये अंतर्गत फूट पडण्याची भीती निर्माण झाली आहे. माजी सैनिकांनी या प्रक्रियेचा निषेध करत म्हटले आहे की, सैन्याला धर्माच्या चष्म्यातून पाहणे ही लोकशाहीसाठी धोक्याची घंटा आहे.
जागतिक घडामोडी संबंधित बातम्या वाचण्यासाठी येथे क्लिक करा : India Nepal Border: नेपाळमध्ये सत्तांतर होताच भारतीय सीमेवर हालचालींना वेग; बालेन शाह सरकारचा मोठा ‘बॉर्डर प्लॅन’, वाचा सविस्तर
राजकीय विश्लेषकांच्या मते, राष्ट्राध्यक्ष डोनाल्ड ट्रम्प यांनी अलीकडेच इराण युद्धाचे खापर पीट हेगसेथ यांच्यावर फोडले आहे. ट्रम्प यांनी आरोप केला आहे की, हेगसेथ यांच्या चुकीच्या धोरणांमुळे अमेरिका इराणमध्ये अडकली आहे. आता आपले पद वाचवण्यासाठी आणि उजव्या विचारसरणीच्या ख्रिश्चन समर्थकांना खूश करण्यासाठी हेगसेथ यांनी हा ‘धर्मयुद्धा’चा डाव टाकला असल्याची चर्चा आहे.
Ans: पीट हेगसेथ यांनी इराण युद्धाचे वर्णन "येशू ख्रिस्तासाठी लढले जाणारे युद्ध" असे केले असून दुष्टांवर दया न दाखवण्याचे आवाहन केले आहे.
Ans: पेंटागॉनने म्हटले आहे की प्रार्थना सभा ऐच्छिक होत्या आणि त्यातून कोणत्याही लष्करी शिष्टाचाराचा भंग झालेला नाही.
Ans: हेगसेथ स्वतःचे पद वाचवण्यासाठी युद्धाला धार्मिक वळण देत असून अमेरिकन सैन्याचे 'ख्रिश्चन सैन्यात' रूपांतर करण्याचा प्रयत्न करत असल्याचा आरोप होत आहे.
.png "Videos"){kind=small}
