बुधवार, 11 नोव्हेंबर 2026
'आम्ही स्वेच्छेने चर्चमध्ये येतोय...'; चर्चमध्ये प्रार्थनेपूर्वी द्यावे लागणार संमतीपत्र (फोटो सौजन्य : सोशल मीडिया)
Cardinal Pierbattista Pizzaballa blocked Israel : जेरुसलेम, जे जगातील तीन प्रमुख धर्मांचे श्रद्धास्थान मानले जाते, तिथे सध्या कमालीचा तणाव निर्माण झाला आहे. अल-अक्सा मशिदीतील निर्बंधांनंतर आता इस्रायलने (Israel) ख्रिश्चन धर्मीयांच्या अत्यंत पवित्र स्थळावर, म्हणजेच ‘चर्च ऑफ द होली सेपल्कर’वर कडक निर्बंध लादले आहेत. या कारवाईचा सर्वात मोठा फटका व्हॅटिकनचे कार्डिनल पियरबतिस्ता पिझाबाला यांना बसला, ज्यांना पोलिसांनी चर्चमध्ये प्रवेश करण्यापासून मज्जाव केला. शतकानुशतके चालत आलेल्या परंपरेत अशा प्रकारे वरिष्ठ धर्मगुरूंना रोखण्याची ही पहिलीच घटना असल्याने संपूर्ण ख्रिस्ती जगतातून इस्रायलचा निषेध केला जात आहे.
रविवारी ‘पाम संडे’ (Palm Sunday) निमित्त ख्रिश्चन बांधवांसाठी अत्यंत महत्त्वाच्या प्रार्थना आयोजित केल्या होत्या. जेरुसलेमच्या लॅटिन पॅट्रिआर्केटचे प्रमुख कार्डिनल पियरबतिस्ता पिझाबाला हे कोणत्याही औपचारिक मिरवणुकीशिवाय, अत्यंत साध्या पद्धतीने वैयक्तिक प्रार्थनेसाठी चर्चकडे जात होते. मात्र, इस्रायली पोलिसांनी त्यांना वाटेतच अडवले. व्हॅटिकनच्या म्हणण्यानुसार, कार्डिनल पिझाबाला हे गेल्या वर्षी पोप बनण्याच्या शर्यतीत असलेले एक प्रभावशाली व्यक्तिमत्व आहेत. अशा मोठ्या पदावरील व्यक्तीला रोखल्यामुळे केवळ धार्मिकच नाही, तर राजनैतिक वादही उफाळून आला आहे.
जागतिक घडामोडी संबंधित बातम्या वाचण्यासाठी येथे क्लिक करा : Mojtaba Khamenei: इराणच्या नव्या नेत्याचा इराकला गुप्त निरोप; भूमिगत नेत्याचा ‘तो’ संदेश VIRAL, ट्रम्प प्रशासनात मोठी अस्वस्थता
या घटनेचे पडसाद थेट युरोपमध्ये उमटले. इटलीचे परराष्ट्र मंत्री अँटोनियो तायानी यांनी या घटनेचा तीव्र निषेध केला असून इस्रायली राजदूतांना तातडीने बोलावून जाब विचारला आहे. वाढता दबाव पाहून पंतप्रधान बेंजामिन नेतन्याहू यांना स्पष्टीकरण देण्यासाठी समोर यावे लागले. नेतन्याहू यांनी सांगितले की, “इराणकडून होणाऱ्या संभाव्य हल्ल्यांच्या पार्श्वभूमीवर ‘होम फ्रंट कमांड’ने कडक सुरक्षा उपाययोजना लागू केल्या आहेत. हे निर्बंध केवळ एका धर्मासाठी नसून ओल्ड सिटीमधील ज्यू, ख्रिश्चन आणि मुस्लिमांच्या सुरक्षेसाठी आहेत.” मात्र, नंतर नेतन्याहू यांनी स्वतः हस्तक्षेप करत कार्डिनल यांना त्यांचे धार्मिक विधी पार पाडण्याची परवानगी देण्याचे निर्देश दिले.
Israel to draft “plan” to allow Catholic church leaders to worship after Latin Patriarchate of Jerusalem blocked from Church of the Holy Sepulchre on Palm Sundayhttps://t.co/hCRIcElV99 — Human Events (@HumanEvents) March 29, 2026
credit – social media and Twitter
इस्रायल आणि हमास यांच्यातील युद्ध सुरू झाल्यापासून इस्रायलने जेरुसलेममधील गर्दीच्या ठिकाणांवर आणि धार्मिक स्थळांवर निर्बंध घातले आहेत. अल-अक्सा मशिदीत मुस्लिमांना प्रार्थनेसाठी येण्यावर आधीच कडक निर्बंध आहेत. आता ख्रिश्चन धर्मीयांच्या पवित्र स्थळांवरही अशाच प्रकारची कारवाई होत असल्याने, इस्रायल सरकार धार्मिक स्वातंत्र्य हिरावून घेत असल्याचा आरोप जगभरातून होत आहे. जेरुसलेम हे ख्रिस्ती पर्यटनाचे जागतिक केंद्र असून, अशा घटनांमुळे तिथल्या पर्यटनावर आणि प्रतिमेवर मोठा परिणाम होण्याची शक्यता आहे.
जागतिक घडामोडी संबंधित बातम्या वाचण्यासाठी येथे क्लिक करा : MQ9 Reaper: समुद्रात कोसळलं अमेरिकेचं ‘F-16’? US वायुदलाचं कंबरडं मोडलं; वाचा इराणच्या IRGCच्या ‘या’ VIRAL दाव्यामागचं सत्य
इस्रायल सध्या इराण आणि हमाससोबत दोन आघाड्यांवर युद्ध लढत आहे. अशातच ख्रिस्ती जगताला नाराज करणे इस्रायलला परवडणारे नाही. अमेरिकेसह अनेक पाश्चिमात्य देश ख्रिश्चन बहुल आहेत, त्यामुळे व्हॅटिकनची नाराजी नेतन्याहू सरकारसाठी धोक्याची घंटा ठरू शकते. सुरक्षेचे कारण देऊन धार्मिक भावना दुखावल्या जात असल्याचा हा वाद येत्या काळात अधिक चिघळण्याची शक्यता नाकारता येत नाही.
Ans: इस्रायली पोलिसांनी सुरक्षेचे आणि इराणकडून असलेल्या संभाव्य धोक्याचे कारण देत त्यांना चर्चमध्ये प्रवेश करण्यापासून रोखले होते.
Ans: इटलीने याला 'अपमानजनक' मानत इस्रायली राजदूतांना पाचारण केले आणि तीव्र राजनैतिक निषेध नोंदवला.
Ans: जागतिक दबाव वाढल्यानंतर नेतन्याहू यांनी माघार घेतली आणि कार्डिनल यांना धार्मिक विधी पूर्ण करण्याची विशेष परवानगी देण्याचे आदेश दिले.
