G-20 दरम्यान पंतप्रधान मोदींनी घेतली दक्षिण आफ्रिकेच्या राष्ट्राध्यक्षांची भेट ; ‘या’ मुद्द्यांवर झाली चर्चा

G-20 Summit : पंतप्रधान नरेंद्र मोदी यांनी जी-20 परिषदेदरम्यान दक्षिण आफ्रिकेचे राष्ट्राध्यक्ष सिरिल रामाफोसा यांची भेट घेतील. या भेटीत दोन्ही नेत्यांनी भारत आणि दक्षिण आफ्रिकेच्या द्विपक्षीय संबंधावर चर्चा केली आहे.

• G-20 दरम्यान PM मोदींनी घेतली अध्यक्ष रामाफोसा यांची भेट
• द्विपक्षीय मुद्यांवर झाली दोन्ही नेत्यांमध्ये चर्चा
• पहिल्यांदाच आफ्रिका खंडात पार पडली G-20 परिषद

PM Modi and President Ramaphosa Meet : जोहान्सबर्ग : यंदा G-20 शिखर संमेलन हे पहिल्यांदाच आफ्रिका खंडात पार पडले. दक्षिण आफ्रिकेच्या जोहान्सबर्ग येथे या परिषदेचे आयोजन करण्यात आले होते. या परिषदेला भारत, कॅनडा, ऑस्ट्रेलिया, ब्रिटन, चीन, रशिया, यांसारख्या जी-20 देशांचे प्रतिनिधी उपस्थित होते. या परिषदेत जागतिक स्थिरता, आर्थिक विकास, हरित उर्जा, ग्लोबल साउथचा विकास, एआय तंत्रज्ञान, दहशतवाद यांसारख्या मुद्यांवर चर्चा करण्यात आली. या परिषदेला पंतप्रधान नरेंद्र मोदी यांनी भारताचे प्रतिनिधी म्हणून उपस्थिती दर्शवली होती. यादरम्यान त्यांनी दक्षिण आफ्रिकेचे अध्यत्र सिरिल रामाफोसा यांची भेट घेतली.

G-20 चं ३९ पानी घोषणा पत्र जाहीर अन् डोनाल्ड ट्रम्प यांचा उफळला संताप, कारण काय?

या मुद्यांवर झाली पंतप्रधान मोदी आणि रामाफोसा यांच्यात चर्चा

G-20 परिषेदरम्यान पंतप्रधान मोदींनी अध्यक्षरामाफोसा यांची भेट घेतली. सोशल मीडिया प्लॅटफॉर्म एक्सवरुन त्यांनी याची माहिती दिली. पंतप्रधान मोदींनी सांगितले की, या शिखर परिषदेवेळी जोहान्सबर्ग येथे अध्यक्ष सिरिल रामाफोसा यांच्याशी भेट झाली. आम्ही भारत आणि दक्षिण आफ्रिकेतील भागीदारीच्या पैलूवंर चर्चा केली. यामध्ये व्यापार, गुंतवणूक, तंत्रज्ञान, कौशल्य विकास, एआय,खिनजे आणि संस्कृती अशा महत्त्वपूर्ण मुद्यांवर सहकार्याचा आढावा घेतल्याचे पंतप्रधान मोदींनी म्हटले. तसेच त्यांनी G-20 परिशद यशस्वीरित्या पार पडल्यामध्ये रामाफोसा यांचे अभिनंदनही केले.

See more

#WATCH | Johannesburg, South Africa | Prime Minister Narendra Modi holds a bilateral meeting with South African President Cyril Ramaphosa on the sidelines of the G-20 Summit. (Source: DD News) pic.twitter.com/MCc1ggXv8S — ANI (@ANI) November 23, 2025

या नेत्यांचीही घेतली भेट

याशिवाय पंतप्रधान नरेंद्र मोदी यांनी ब्रिटनचे पंतप्रधान केयर स्टारमर यांचीही भेट घेतली. त्यांचीशी देखील भारत आणि ब्रिटनमधील द्विपक्षीय संबंध मजबूत करण्यावर चर्चा झाली. तसेच पंतप्रधान मोदींनी संयुक्त राष्ट्राचे सरचिटणीस अँटोनियो गुटेरस यांचीही भेट घेतली. दोन्ही नेत्यांनी जागतिक शांतता, हवामान बदल, आणि जागाच्या शाश्वत विकासावर चर्चा केली.

भारत-कॅनडा-ऑस्ट्रेलियात  ACITI भागीदारीची घोषणा

पंतप्रधान मोदींनी G-20 परिषदेदरम्यान कॅनडाचे (Canada) पंतप्रधान मार्क कार्नी, ऑस्ट्रेलियाचे (Australia) पंतप्रधान अँथनी अल्बानीज यांची भेट घेतली. यावेळी तिन्ही देशांनी तंत्रज्ञान आणि नव्या संकल्पनेवर ACITI भागीदारीची घोषणा केली. या उपक्रमाअंतर्गत तीन खंड आणि तीन महासागरांमध्ये लोकशाही सहकार्य मजबूत करण्याचा उद्देश आहे.

दरम्यान पंतप्रधान मोदींनी G-20 च्या दुसऱ्या सत्रात परिषदेला संबोधित केले. यावेळी त्यांनी जागतिक स्तरावर दक्षिण आफ्रिका खंडाच्या विकासाला प्राधान्य दिले. तसेच त्यांनी ड्रग्ज आणि दहशतनादाविरोधी एकतेचे महत्त्व देखील अधोरेखित केले.

Trump-Putin-Jinping… G20 परिषदेतून गायब; काय आहे यामागचं कारण?