G-20 चं ३९ पानी घोषणा पत्र जाहीर अन् डोनाल्ड ट्रम्प यांचा उफळला संताप, कारण काय?

G-20 Summit News : दक्षिण आफ्रिकेच्या जोहान्सबर्ग येथे G-20 परिषद संपन्न झाली आहे. या परिषदेनंतर ३९ पानांचे घोषापत्र जाहीर करण्यात आले आहे, मात्र यावर अमेरिकेने तीव्र संताप व्यक्त केला आहे.

G-20 चं ३९ पानी घोषणा पत्र जाहीर अन् डोनाल्ड ट्रम्प यांचा उफळला संताप, कारण काय? (फोटो सौजन्य: सोशल मीडिया)

Follow Us:

Follow Us:

• G-20 परिषदेचे 39 पानी घोषणापत्र जाहीर
• अमेरिकेने केला संताप व्यक्त
• काय आहे कारण?

G-20 Summit News in Marathi : जोहान्सबर्ग : दक्षिण आफ्रिकेत (South Africa) जोहान्सबर्ग येथील G-20 परिषदेचा समारोप झाला आहे. या परिषदेत भारत, ब्रिटन, ऑस्ट्रेलिया, कॅनडा, यांसारख्या देशांनी आपला सहभाग नोंदवला होता. 20 वर्षात पहिल्यांदाच आफ्रिकन खंडात ही परिषद पार पडली. या परिषदेत जागतिक शांतता, हवामान बदल, कृत्रिम बुद्धिमत्ता आणि दहशतवाद यांसारख्या मुद्यांवर चर्चा करण्यात आली.

जागतिक व्यासपीठावर नवे टेक-त्रिकुट! भारत-ऑस्ट्रेलिया-कॅनडाची ACITI भागीदारीची मोठी घोषणा

दरम्यान या परिषदेनंतर G-20 देशांनी 39 पानांचा व्यापक जाहीरनामा प्रसिद्ध केले आहे. मात्र यामुळे अमेरिकेने तीव्र संताप व्यक्त केला आहे. या जाहीरनाम्यानतील काही घोषमांमुळे अमेरिकेचा राग उफाळून आला आहे. या घोषणापत्राला थांबवण्याचा प्रयत्न देखील अमेरिकेने केला, पण तो अयशस्वी ठरला आहे.

काय आहे घोषणापत्रात? 

या घोषणापत्रात G-20 देशांनी, उर्जा सुरक्षा, हवामान बदल, आपत्ती व्यवस्थापन आणि जागतिक विकासावर भर दिला आहे. तसेच यामध्ये वाढती, भू-राजकीय स्पर्धी, आर्थिक अस्थिरता आणि जागतिक तणावाचा उल्लेख करण्यात आला आहे. याला तोंड देण्यासाठी G-20 देशांनी एकता, समानता आणि स्थिरता हे पुढील पिढीसाठी आधारस्तंभ असल्याचे म्हटले आहे. दक्षिण आफ्रिकेचे अध्यक्ष सिरल रामाफोसा यांच्या अध्यक्षतेखाली परिषदेच्या प्रमुखांनी १२२ कलमी प्रस्ताव एकमताने स्वीकारला आहे.

अमेरिका का आहे नाराज? 

दरम्यान अमेरिकेचे राष्ट्राध्यक्ष डोनाल्ड ट्रम्प (Donald Trump) यांनी या परिषदेवर बहिष्कार टाकला होता. तसेच अमेरिकेचे अधिकृत प्रतिनिधी देखील या चर्चेसाठी सहभागी झाले नव्हते. यामुळे व्हाइट हाउसने या परिषदेला G-20 च्या कायद्याचे उल्लंघन म्हटले आहे. ट्रम्पच्या समर्थनार्थ अर्जेंटिनाचे अध्यक्ष जेवियर मेली यांनी देखील परिषदेवर बहिष्कार टाकला आहे. अमेरिकेने घोषणापत्रावर आक्षेप घेतला आहे.

घोषणापत्रातील महत्त्वाचे मुद्दे

• या घोषणापत्रामध्ये नमूद करण्यात आले आहे की, जागतिक सहकार्य, समन्वय आणि विकास साधण्यासाठी सर्व राष्ट्रांनी एकत्र येऊन काम करणे.
• तसेच वाढते युद्ध, आर्थिक अस्थिरता आणि राजकीय आव्हानांना एकत्रिपण तोंड देण्यासाठी बहुपक्षीय सहकार्याचे महत्त्व अधोरेखित करण्यात आले आहे.
• याशिवाय कोणत्या देशाच्या सार्वभौमत्त्वावर किंवा अखंडतेवर कोणी वर्चस्व मिळवण्याचा प्रयत्न करु नये असे स्पष्ट करण्यात आले आहे. रशिया,इस्रायल आणि म्यानमारचा अप्रत्यक्ष संदर्भ यातून देण्यात आल्याचे स्पष्ट होते.
• तसेच आपत्ती व्यवस्थापन आणि त्यांचा प्रभाव झालेल्या देशांना आर्थिक मदत करण्याची गरज असल्याचे नमूद करण्यात आले आहे.
  याशिवाय लघु राष्ट्रे आणि अविकिसत देशांना देखील मदतीची आवश्यकता असल्याचे यामध्ये सांगण्यात आले आहे.
• याशिवाय जागतिक स्थैर्यासाठी, उर्जा सहकार्यासाठी, आर्थिक विकास, राष्ट्रीय स्वायत्तता यांसारख्या मुद्यांना महत्त्व देण्यात आले आहे.
  तसेच पंतप्रधान मोदी यांच्या ड्रग्ज-दहशवादविरोधी प्रस्ताव देखील मान्य करण्यात आला आहे. ग्लोबल साउथच्या विकासासाठी सर्व G-20 राष्ट्रांनी एकजुटीने कार्य करण्याचे मान्य केले आहे.

Web Title: G20 summit south africa adopts declaration despite us boycott

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com