गुरुवार, 22 ऑक्टोबर 2026
India UAE Trade: 'संरक्षण, एआय, अवकाश, महत्त्वपूर्ण खनिजे...'; भारत आणि युएईमध्ये ११.५ अब्ज डॉलर्सच्या महागुंतवणुकीचा मार्ग मोकळा ( फोटो सौजन्य : सोशल मीडिया )
नवी दिल्ली येथे पार पडलेल्या १८ व्या ब्रिक्स शिखर परिषदेच्या (BRICS Summit) पार्श्वभूमीवर भारत आणि संयुक्त अरब अमिराती (India UAE Trade) यांच्यात अत्यंत महत्त्वाची द्विपक्षीय बैठक पार पडली. या बैठकीत भारताचे पंतप्रधान नरेंद्र मोदी आणि अबू धाबीचे युवराज शेख खालिद बिन मोहम्मद बिन झायेद अल नहयान यांच्यात विविध उदयोन्मुख आणि धोरणात्मक क्षेत्रांमधील सहकार्यावर सविस्तर चर्चा झाली. संयुक्त अरब अमिरातीचे अध्यक्ष मोहम्मद बिन झायेद हे जर्मनी दौऱ्यावर असल्यामुळे त्यांच्या वतीने युवराज खालिद यांनी या शिखर परिषदेत अमिरातीचे प्रतिनिधित्व केले.
पश्चिम आशियात अमेरिका आणि इराण यांच्यातील वाढत्या तणावाच्या आणि भौगोलिक भू-राजकीय अनिश्चिततेच्या काळात पार पडलेली ही बैठक अत्यंत महत्त्वपूर्ण मानली जात आहे. मध्य पूर्वेतील या गोंधळाच्या पार्श्वभूमीवर, पंतप्रधान मोदींनी भारत-युएई संबंध हे प्रादेशिक स्थैर्य, समृद्धी आणि शांततेचे एक भक्कम प्रतीक असल्याचे ठामपणे नमूद केले. गेल्या काही वर्षांत दोन्ही देशांतील संबंधांचे एका नव्या धोरणात्मक भागीदारीत रूपांतर झाले असून आता दोन्ही देश याहून मोठी आर्थिक उद्दिष्टे निश्चित करत आहेत.
India-UAE ties have been transformed over the last few years. Now, we are raising our ambitions even higher. Delighted to meet His Highness Sheikh Khaled bin Mohamed bin Zayed Al Nahyan. Discussed taking our Strategic Partnership forward across defence, AI, space, critical… pic.twitter.com/omzRK4ccuP — Narendra Modi (@narendramodi) September 12, 2026
credit – social media and Twitter
बैठकीनंतर सोशल मीडियाच्या माध्यमातून माहिती देताना पंतप्रधान नरेंद्र मोदी यांनी सांगितले की, दोन्ही देशांनी संरक्षण क्षेत्र, कृत्रिम बुद्धिमत्ता (AI), अवकाश तंत्रज्ञान, महत्त्वपूर्ण खनिजे (Critical Minerals), ऊर्जा, अन्न सुरक्षा आणि कनेक्टिव्हिटी यांसारख्या आधुनिक क्षेत्रांमध्ये आपली भागीदारी पुढे नेण्याचा निर्णय घेतला आहे. याव्यतिरिक्त, धोरणात्मक ऊर्जा पायाभूत सुविधा आणि भारत-मध्य पूर्व-युरोप आर्थिक कॉरिडोर (IMEC) मधील कनेक्टिव्हिटीच्या नवीन शक्यतांवरही सखोल चर्चा झाली. या आर्थिक कॉरिडोरमुळे दोन्ही देशांमधील व्यापार आणि लॉजिस्टिक नेटवर्कला नवी दिशा मिळण्याची अपेक्षा आहे.
जागतिक घडामोडी संबंधित बातम्या वाचण्यासाठी येथे क्लिक करा : BRICS Summit 2026 : भारत मंडपम येथे जागतिक नेत्यांचे भव्य फोटोसेशन; पंतप्रधान नरेंद्र मोदींनी केले परदेशी पाहुण्यांचे स्वागत
या बैठकीतील सर्वात मोठा आणि महत्त्वाचा टप्पा म्हणजे युएईच्या ‘इंटरनॅशनल होल्डिंग कंपनी’ने (IHC) भारताच्या ओडिशा राज्यात ११.५ अब्ज डॉलर्सची (सुमारे ९६ हजार कोटी रुपये) मोठी गुंतवणूक करण्याची केलेली घोषणा होय. IHC ग्रुपची कंपनी ‘इंटरनॅशनल रिसोर्सेस होल्डिंग’ आणि भारतातील ‘अदानी एंटरप्रायजेस लिमिटेड’ (AEL) यांच्यात या एकात्मिक ग्रीनफिल्ड ॲल्युमिनियम प्रकल्पासाठी करार झाला आहे.
या संयुक्त उपक्रमात (Joint Venture) IHC आणि अदानी ग्रुपची ५०-५० टक्के भागीदारी असेल. हा प्रकल्प भारतातील ॲल्युमिनियम क्षेत्रातील आजवरचा सर्वात मोठा थेट परकीय गुंतवणूक प्रकल्प ठरेल. यामुळे ओडिशा राज्य जागतिक स्तरावर ॲल्युमिनियम उत्पादनाचे एक प्रमुख केंद्र म्हणून उदयास येईल असा विश्वास व्यक्त केला जात आहे.
जागतिक घडामोडी संबंधित बातम्या वाचण्यासाठी येथे क्लिक करा : Russia Ukraine War: युक्रेनच्या शहरांवर 500 रशियन ड्रोनचा वर्षाव; 90 मिनिटांत शहरांचे मोठे नुकसान, 9 ठार
परराष्ट्र मंत्रालयाने जारी केलेल्या अधिकृत निवेदनानुसार, दोन्ही नेत्यांनी युएईच्या ‘ल’इमाद’ (L’Imad) या नवीन सार्वभौम गुंतवणूक निधीच्या (Sovereign Investment Fund) भूमिकेची विशेष दखल घेतली. भारताच्या पायाभूत सुविधा, ऊर्जेच्या गरजा आणि तंत्रज्ञानाच्या विकासात हा निधी महत्त्वपूर्ण गुंतवणूक करू शकतो. पश्चिम आशियातील युद्धाच्या संकटाच्या पार्श्वभूमीवर, अमिरातीत राहणाऱ्या ४० लाखांहून अधिक भारतीय नागरिकांच्या सुरक्षेची आणि कल्याणाची खात्री भारतीय बाजूने युएईच्या नेतृत्वाकडून घेण्यात आली. तसेच भारताचा ऊर्जा पुरवठा कोणताही अडथळा न येता अविरतपणे सुरू राहील यावरही दोन्ही देशांचे एकमत झाले.
यापूर्वी जानेवारीमध्ये युएईचे अध्यक्ष शेख मोहम्मद बिन झायेद यांनी भारताचा दौरा केला होता, त्यानंतर मे महिन्यात पंतप्रधान मोदी यांनी युएईला भेट दिली होती. या वारंवार होणाऱ्या उच्चस्तरीय दौऱ्यांमुळे दोन्ही देशांतील संबंध अधिक घट्ट आणि विश्वासार्ह बनले आहेत. भारताच्या ब्रिक्स अध्यक्षतेखाली युएईने बजावलेल्या सक्रिय भूमिकेचेही भारताकडून भरभरून कौतुक करण्यात आले.
