मॉस्को: रशियाचे राष्ट्रपती व्लादिमीर पुतिन (Vladimir Putin) यांनी गुरुवारी कॅनडाच्या माजी संसद अध्यक्षांना मुर्ख म्हटलं आहे. काही दिवसांपूर्वी संसद अध्यक्ष अँथनी रुटा यांनी कॅनडाच्या संसद सभागृहात हिटलरच्या (Hitlar) नाझी सैनिकांना आमंत्रित केलं होतं. कॅनडाच्या(Canada) संसदेमध्ये नाझी समर्थक 98 वर्षीय सैनिक यारोस्लाव हुंका यांच्या सन्मानार्थ सगळ्या खासदारांनी उभं राहून टाळ्या वाजवल्या. यावेळी कॅनडाचे पंतप्रधना जस्टिन ट्रू़डो आणि युक्रेनचे राष्ट्रपती व्होलोडिमिर झेलेन्स्कीदेखील उपस्थित होते.
जेव्हा संसदेचे माजी अध्यक्ष अँथनी रुटा यांना कळलं की, यारोस्लाव हुंका यांनी हिटलरच्या सैन्यासोबत युद्ध केलं आहे. तेव्हा त्यांनी आपण केलेल्या कृत्याविषयी माफी मागितली.
काय म्हणाले पुतिन?
या घटनेबाबत पुतिन यांनी राग व्यक्त केला आहे. त्यांनी म्हटलं की, जर कॅनडा संसदेचे माजी अध्यक्ष म्हणत असतील की दुसऱ्या विश्व युद्धाच्या वेळी कॅनडीयन- युक्रेनी किंवा युक्रेनी- कॅनडीयन नाझींनी रशियाच्या विरोधात युद्ध केलं होतं. तर त्यांनी हे जाणून घ्यावं की ते हिटलरच्या वतीने लढले होते.
एका सभेला संबोधित करताना पुतिन म्हणाले की, मी बघितलं की, कॅनडाच्या संसदेत नाझी सैनिकांचं कौतुक होतंय. या कौतुक करणाऱ्यांमध्ये यहुदी रक्त असलेल्या युक्रेनच्या राष्ट्रपतींचाही सहभाग आहे. कॅनडाच्या संसदेत ही माहिती देण्यात आली की, दुसऱ्या विश्वयुद्धात सहभागी झालेला तो सैनिक रशियाच्या विरोधात लढला होता. त्यानंतर कॅनडाचे पंतप्रधान जस्टिन ट्रूडो आणि युक्रेनचे राष्ट्रपती झेलेन्स्की यांनी उभं राहून त्यांच्या सन्मानार्थ टाळ्या वाजवल्या. यावरून पुतिन यांनी कॅनडाच्या माजी संसद अध्यक्षांना आणि युक्रेनच्या राष्ट्रपतींना ते मुर्ख असल्याचं म्हटलं.
