शेख हसीनांच्या प्रत्यार्पणासाठी बांगलादेशची नवी चाल; आता युनूस सरकार आंतरराष्ट्रीय कोर्टात जाणार?

Sheikh Hasina Extradiction : शेख हसीनाच्या फाशीची मागणी सध्या जोर धरत आहे. बांगलदेश सरकारने भारताला त्यांच्या प्रत्यार्पणासाठी 3 अधिकृत पत्रे लिहिली आहेत. पण भारताकडून अद्याप कोणतीही प्रतिक्रिया आलेली नाही.

• शेख हसीनांच्या प्रत्यार्पणासाठी बांगलादेशची नवी चाल
• युनूस सरकारने दोन आंतरराष्ट्रीय वकिलांची केली नियुक्ती
• आंतरराष्ट्रीय न्यायालयात मुद्दा होणार उपस्थित?

Sheikh Hasina Extradiction news in Marathi : ढाका : बांगलादेशात (Bangladesh) सध्या माजी पदच्युत पंतप्रधान शेख हसीना (Sheikh Hasina) यांच्या फाशीची मागणी जोर धरत आहे. हजारो लोक ढाकासह अनेक शहरांमध्ये रस्त्यावर उतरले आहे. हसीनाला फाशी द्या, तिला भारतातून हद्दपार करा अशा घोषणा दिल्या जात आहे. याच वेळी बांगलादेशच्या युनूस सरकारने देखील भारताला 3 अधिकृत पत्रे पाठवत हसीनाच्या प्रत्यार्पणाची मागणी केली आहे. मात्र अद्याप भारताकडून उत्तर आलेले नाही.

‘तिला हद्दपार करा’, हसीनाच्या फाशीची मागणी करत हजारो लोक रस्त्यावर ; प्रत्यार्पणासाठी बांगलादेश सरकारचा भारतावर दबाव

दरम्यान यामुळे मोहम्मद युनूस (Muhammd Yunus) यांच्या नेतृत्वाखालील अंतरिम सरकारने आंतरराष्ट्रीय स्तरावर धाव घेतली आहे. मिळालेल्या माहितीनुसार, बांगलादेशने ब्रिटनच्या दोन वकिलांना नियुक्त केले आहेत. हे दोन्ही वकिल प्रत्यार्पणाच्या प्रकरणांमध्ये जागतिक स्तरावर नामांकित वकिल आहेत.टोबी कॅडमन आणि अनास्ताया मेदवेदस्काया अशी यांची नावे आहेत. रविवारी (२३ नोव्हेंबर) बांगलादेशची राजधानी ढाका येथे पोहोचले आहे.

हसीना भारतात आश्रयित

ऑगस्ट २०२५ मध्ये हसीनाच्या घरावर विद्यार्थी आंदोलकांनी हल्ला केला होता. यावेळी हसीना यांनी आपला जीव वाचवण्यासाठी देश सोडून भारतात आश्रय घेतला. तेव्हापासून त्यांच्याविरोधात अनेक खटले दाखल करण्यात आले होते. दरम्यान त्यांच्यावर बांगलादेशच्या आंतरराष्ट्रीय गुन्हे न्यायाधिकरणाने खटला चालवला आणि त्यांना मृत्यूदंडाची शिक्षा सुनावली. हसीनावर जुलै २०२४ ते ऑगस्ट २०२४ मध्ये झालेल्या विद्यार्थी आंदोलनावर अमानवीय कारवाईचे आदेश देण्याच्या आणि मानव अधिकाराचे उल्लंघन करण्याच्या आरोपाखाली मृत्यूदंडाची शिक्षा सुनावण्यात आली आहे.

बांगलादेशच्या अंतरिम सराकरने भारताला हसीनाच्या प्रत्यार्पणासाठी तीन वेळा अधिकृत पत्र पाठवले आहेत. पण भारताकडून कोणताही अधिकृत प्रतिसाद मिळालेला नाही. न्यायालयाच्या निर्णयानंतरही बांगलादेशात हसीनाच्या फाशीची मागणी जोर धरत आहे. तसेच सरकारने देखील त्यांच्या प्रत्यार्पणासाठी आशावादी आहे.

आंतरराष्ट्रीय न्यायालयात बांगलादेश सरकार जाणार

भारताकडून कोणताही प्रतिसाद मिळत नसल्याने युनूस सरकारने ब्रिटनच्या दोन वकिलांना नियुक्त केले आहे. सुत्रांकडून मिळालेल्या माहितीनुसार, युनूस सरकारसध्या आंतरराष्ट्रीय न्यायालयात हसीनाच्या प्रत्यार्पणाचा मुद्दा उपस्थित करण्याचा विचार करत आहे.यासाठी बांगलादेशने ब्रिटनच्या टोबी कॅडमन आणि अनास्तास्या या विकलांनी नियुक्त केले आहे. युनूस सरकार हसीनाला कोणत्याही किमतीत देशात परत आणण्याचा प्रयत्न करत आहे.

Bangladesh Crisis : शेख हसीना नाही तर तुरुंगात असलेली ‘ही’ महिला उलथवून टाकू शकते बांगलादेशातील सत्ताकारण; वाचा कसे?