पाकिस्तानच्या क्वेटा शहरात आत्मघातकी हल्ला; बलुचिस्तानच्या नॅशनल पार्टीला लक्ष्य, १४ जण ठार (फोटो सौजन्य: सोशल मीडिया)
Pakistan News in Marathi : इस्लामाबाद : पाकिस्तानच्या क्वेटा शहरात एक मोठी दुर्घटना घडली आहे. बलुचिस्तानच्या नॅशनल पार्टीने आयोजित केलेल्या रॅलीदरम्यान मोठा स्फोट घडला आहे. या स्फोटात किमान १४ जणांचा मृत्यू झाल्याचे आणि २० हून अधिक लोक जखमी असल्याचे पाकिस्तानी माध्यमांनी सांगितले. वृत्तानुसार, मंगळवारी २ सप्टेंबर रोजी ही घटना घडली आहे.
क्वेटामध्ये रात्री सरदार अताउल्लाह मेंगल यांच्या पुण्यतिथीनिमित्त एका रॅलीचे आयोजन करण्यात आले होते. यावेळी हा स्फोट घडला. बलुचिस्तानच्या प्रांताचे आरोग्य मंत्री बख्त मुहम्मद काकर यांनी या घटनेमध्ये १४ जणांचा मृत्यू झाल्याची पुष्टी केली आहे. तसेच त्यांनी या घटनेचे आत्मघातकी हल्ला म्हणून वर्णन केले आहे.
पोलिसांनी दिलेल्या माहितीनुसार, सरदार अताउल्लाह मेंगल यांची चौथी पुण्यतिथी साजरी केली जात होती. बलुचिस्तानच्या नॅशनल पार्टीने याचे आजोयन केले होते. दरम्यान या रॅलीसंपल्यानंतर लोक घरी जात असताना १५ मिनीटांनी अचानक मोठा स्फोट झाला.
पुतिन यांचा पंतप्रधान मोदींना भेटीचा खास नजराणा; भारताला S-400 ची मिळणार आणखी एक खेप
#Quetta: Initial reports suggest that at least five people have been killed and dozens injured, including BNP central member Mussa Jan, in what police believe was a suicide bombing. Party officials confirmed that BNA chief Akhtar Mengal escaped unharmed.#Balochistan https://t.co/iLiIYhjgY3 pic.twitter.com/kOeOUJl65p
— Saeed Buzdar (@Buzdar_Baluch) September 2, 2025
पाकिस्तानी माध्यमांनी दिलेल्या रिपोर्टनुसार, सध्या या घटनेमागे नेमके कोण आहे याचा तपास सुरु आहे. प्राथमिक तपासानुसार, हा हल्ला बीएनपी पक्षाचे प्रमुख अख्तर मेंगल यांच्यासाठी रचण्यात आला होता. परंतु मेंगल थोडक्यात बचावले असे पोलिसांनी सांगितले. परंतु यामध्ये बीएनपी पक्षाचे १३ कार्यकर्ते ठार झाले आहे.
दरम्यान या घटनेनंतर मेंगल यांना सुरक्षा दलांनी लगेचच सुरक्षित ठिकाणी नेले. याच वेळी बचाव पथकांनी जखमींना देखील जवळच्या रुग्णालयात दाखल केले आहे. त्यांच्यावर सध्या उपचार सुरु आहेत.
Thank you for your prayers and messages. Alhumdulillah I am safe, but deeply heartbroken at the loss of our workers. Around 15 have been martyred and many injured. They stood by me and gave their lives for our cause. Their sacrifice will never be forgotten. May Allah grant them…
— Akhtar Mengal (@sakhtarmengal) September 2, 2025
सध्या या प्रकरणाची चौकशी सुरु करण्यात आली आहे. मेंगल यांनी त्यांच्या सुरक्षिततेची पुष्टी केली असून पक्षातील कार्यकर्त्यांच्या मृत्यूवर शोक व्यक्त केला आहे. त्यांनी सोशल मीडियावर पोस्ट करत, मी तुमच्या प्रार्थना आणि पाठिंब्याबद्दल आभार मानतो. मी सुरक्षित आहे, पण आमच्या सहकाऱ्यांनी या हल्ल्यात प्राण गमावले. यामुळे मला खूप दु:ख झाले आहे. या हल्ल्यात १५ शूर लोकांनी प्राण गमावले आणि अनेक गंभीर जखमी झाले आहेत. मी जखमींच्या लवकर बरे होण्यासाठी प्रार्थना करतो. तसेच मृत्यूमुखी पडलेल्यांच्या कुटुंबीयांप्रती संवेदना व्यक्त करतो असे त्यांनी म्हटले.
