World War 3: युद्ध अजून पेटणार! ‘इराणवर आतापर्यंतचा सर्वात मोठा हल्ला होणार’; अमेरिकन संरक्षण सचिवांची गर्जना

गुरुवारी अमेरिकेचे संरक्षण सचिव पीट हेगसेथ यांनी इराणला निर्वाणीचा इशारा दिला असून, "इराणला आतापर्यंतचा सर्वात मोठा हवाई हल्ला झेलावा लागेल," असे जाहीर केले आहे.

• युद्ध अजून पेटणार!
• ‘इराणवर आतापर्यंतचा सर्वात मोठा हल्ला होणार’
• अमेरिकन संरक्षण सचिवांची गर्जना

US-Israel-Iran War: गेल्या तीन आठवड्यांपासून सुरू असलेले अमेरिका-इराण युद्ध आता एका अत्यंत विनाशकारी वळणावर येऊन पोहोचले आहे. २८ फेब्रुवारी २०२६ रोजी सुरू झालेला अमेरिका आणि इस्रायलचा संयुक्त हल्ला आता पूर्णतः युद्धाच्या ज्वाळांमध्ये बदलला आहे. गुरुवारी अमेरिकेचे संरक्षण सचिव पीट हेगसेथ यांनी इराणला निर्वाणीचा इशारा दिला असून, “इराणला आतापर्यंतचा सर्वात मोठा हवाई हल्ला झेलावा लागेल,” असे जाहीर केले आहे. तसेच, हे युद्ध केवळ अमेरिकेच्या अटींवरच संपेल, असेही त्यांनी स्पष्ट केले.

इराणची हवाई सुरक्षा यंत्रणा निकामी; ७००० लक्ष्यांचा वेध

व्हाईट हाऊसमध्ये आयोजित पत्रकार परिषदेत हेगसेथ यांनी अमेरिकेच्या आक्रमक रणनीतीचा पाढा वाचला. “आमच्या सैन्याने आतापर्यंत इराणमधील ७००० हून अधिक लष्करी तळांचा वेध घेतला असून, आज हा आकडा ऐतिहासिक विक्रम गाठेल,” असे ते म्हणाले. इराणची हवाई सुरक्षा यंत्रणा (Air Defense System) आता पूर्णपणे ‘निकामी’ झाली आहे. विशेषतः खार्ग बेटावरील लष्करी तळांवर झालेल्या हल्ल्यांमुळे इराणच्या भविष्यावर आता अमेरिकेचे नियंत्रण आले असल्याचा दावाही त्यांनी केला.

इराणच्या नौदलाचे कंबरडे मोडले; १२० जहाजे उद्ध्वस्त

या युद्धाच्या तिसऱ्या आठवड्यात इराणच्या सामरिक शक्तीचे मोठे नुकसान झाले आहे. हेगसेथ यांनी दिलेल्या आकडेवारीनुसार, १२० हून अधिक इराणी नौदलाची जहाजे अमेरिकेने उद्ध्वस्त केली किंवा समुद्रात बुडवली आहेत. इराणच्या ११ पाणबुड्या आतापर्यंत नष्ट करण्यात आल्या आहेत. इराणच्या बॅलिस्टिक मिसाईल्स आणि ड्रोन हल्ल्यांच्या क्षमतेत ९० टक्क्यांची घट झाली आहे. यामुळे इराणची प्रतिकारशक्ती सातत्याने कमकुवत होत असून अमेरिकेचे वर्चस्व वाढत असल्याचे चित्र आहे.

अमेरिकेत खळबळ! बड्या अधिकाऱ्याचा ट्रम्प विरोधात ‘तो’ एक खुलासा अन् देशद्रोहाचा गुन्हा दाखल, होणार अटक?

‘शहीद जवानांचे बलिदान व्यर्थ जाणार नाही’

बुधवारी इराण युद्धात शहीद झालेल्या अमेरिकन सैनिकांचे पार्थिव मायदेशी आणण्यात आले. या भावूक प्रसंगाचा उल्लेख करताना हेगसेथ म्हणाले की, राष्ट्राध्यक्ष डोनाल्ड ट्रम्प यांनी शहीद कुटुंबांची भेट घेतली आहे. “काम पूर्ण होईपर्यंत थांबू नका,” अशी विनंती या कुटुंबांनी केली आहे. आम्ही त्यांच्या बलिदानाचा सन्मान करू आणि हे मिशन यशस्वीरीत्या पूर्ण करू, असा निर्धार त्यांनी व्यक्त केला.

इराणी लष्करी नेतृत्वावर टीका

इराणमधील लष्करी नेतृत्वावर हल्लाबोल करताना हेगसेथ यांनी त्यांना ‘तात्पुरते कर्मचारी’ असे संबोधले. “तिथे कोणताही वरिष्ठ कमांडर जास्त काळ टिकू शकत नाही. आम्ही त्यांच्या बोगद्यांवर, मिसाईल्सवर आणि ड्रोन्सवर सातत्याने अचूक व भीषण हल्ले करत आहोत,” असे त्यांनी नमूद केले. इराण कोणत्याही परिस्थितीत झुकण्यास तयार नसला, तरी अमेरिका आणि इस्रायलने त्यांना साम-दाम-दंड-भेद वापरून हार मानण्यास भाग पाडण्याची तयारी केली आहे.

Middle East Conflict : मध्यपूर्व हादरणार! इराणविरोधात हे १२ मुस्लिम देश एकटवले; विनाशाची उलची गिनती सुरु?