World War 3: ‘आम्ही जिंकलो!’ तेहरानच्या आकाशात अमेरिकन विमानांची गर्जना; ट्रम्प यांना इराणकडून मिळाली ‘खास’ भेट

World War 3 Update : अध्यक्ष डोनाल्ड ट्रम्प यांनी इराणविरुद्धच्या युद्धात विजय मिळवल्याचा दावा केला आहे. इराणचे नौदल आणि हवाई दल पूर्णपणे उद्ध्वस्त झाले असून तेहरानला एक करार हवा आहे.

• ट्रम्प यांचा विजयोन्माद
• तेहरानवर अमेरिकन विमानांचा ताबा
• इराणची ‘मौल्यवान’ भेट

Donald Trump Iran War Victory Claim : जागतिक राजकारणात आज एक मोठा भूकंप झाला आहे. गेल्या अनेक दिवसांपासून सुरू असलेल्या इराण-अमेरिका संघर्षात (US-Israel Iran War) आता अमेरिकेने आपला विजय जाहीर केला आहे. राष्ट्राध्यक्ष डोनाल्ड ट्रम्प यांनी एका जाहीर कार्यक्रमात स्पष्ट केले की, इराण आता लष्करीदृष्ट्या पूर्णपणे संपला आहे. गृह सुरक्षा सचिवांच्या शपथविधी सोहळ्यात बोलताना ट्रम्प यांनी जे विधान केले, त्याने संपूर्ण जगाचे लक्ष वेधून घेतले आहे. “आम्ही हे युद्ध जिंकलो आहोत,” या ट्रम्प यांच्या वाक्याने मध्य-पूर्वेतील युद्धाचे चित्रच बदलून टाकले आहे.

“तेहरानवर आमची सत्ता!” ट्रम्प यांची डरकाळी

डोनाल्ड ट्रम्प यांनी इराणच्या लष्करी स्थितीचे जे वर्णन केले आहे, ते अत्यंत भयावह आहे. त्यांच्या मते, इराणचे नौदल (Navy) आणि हवाई दल (Air Force) आता अस्तित्वातच नाही. इराणची दळणवळण यंत्रणा आणि क्षेपणास्त्र संरक्षण प्रणाली अमेरिकन हल्ल्यात पूर्णपणे राख झाली आहे. ट्रम्प म्हणाले, “आमची विमाने आता अक्षरशः तेहरान आणि इराणच्या इतर भागांवरून मुक्तपणे उडत आहेत. जर मला त्यांचा एखादा वीज प्रकल्प किंवा पायाभूत सुविधा नष्ट करायची असेल, तर ते आम्हाला रोखण्यासाठी एक साधे पाऊलही उचलू शकत नाहीत.”

जागतिक घडामोडी संबंधित बातम्या वाचण्यासाठी येथे क्लिक करा : Strait Of Hormuz: ‘आम्ही या नाटकात नाही’ इस्रायलचा ट्रम्पला घरचा आहेर; अमेरिकेच्या ’15 कलमी’ चक्रव्यूहात अडकणार इराण?

इराणकडून आलेली ‘ती’ मौल्यवान भेट काय?

या संपूर्ण संघर्षात सर्वात मोठा सस्पेन्स निर्माण झाला आहे तो म्हणजे इराणने ट्रम्प यांना पाठवलेल्या ‘मौल्यवान भेटी’मुळे. जेव्हा पत्रकारांनी ट्रम्प यांना विचारले की, इराणचा पराभव झाला असेल तर तुम्ही त्यांच्याशी वाटाघाटी का करत आहात? त्यावर ट्रम्प यांनी अत्यंत धक्कादायक उत्तर दिले. ते म्हणाले, “इराणने आम्हाला आज एक भेट पाठवली आहे. ही खूप मोठी भेट आहे, जिची किंमत आणि महत्त्व दोन्ही खूप जास्त आहे.” ही भेट म्हणजे इराणने केलेली शरणागती आहे की एखादा मोठा गुप्त करार, हे अद्याप स्पष्ट झालेले नाही. मात्र, ट्रम्प यांच्या मते, ही भेट मिळणे म्हणजे आपण योग्य दिशेने जात आहोत.

वाटाघाटींसाठी इराणची धडपड

ट्रम्प यांचा दावा आहे की, आता इराणकडे कोणतीही शक्ती शिल्लक नसल्याने ते स्वतःहून करार करण्यासाठी अमेरिकेच्या मागे लागत आहेत. “माझ्या जागी दुसरा कोणीही असता, तरी त्याला हा करार करावाच लागला असता,” असे ट्रम्प यांनी अभिमानाने सांगितले. इराणची सध्याची स्थिती पाहता, त्यांच्याकडे आता वाटाघाटी करण्याशिवाय दुसरा कोणताही पर्याय उरलेला नाही. अमेरिकेने इराणला अशा ठिकाणी आणून ठेवले आहे, जिथून त्यांना केवळ शरणागती पत्करावी लागणार आहे.

जागतिक घडामोडी संबंधित बातम्या वाचण्यासाठी येथे क्लिक करा : March 25 : इतिहासातील तो ‘काळा’ डाग आणि मानवतेचा हुंकार; गुलामगिरीचे चटके अन् बेपत्ता वीरांच्या बलिदानाची विदारक कहाणी

जगाला महायुद्धापासून मुक्ती मिळणार?

जर ट्रम्प यांचा दावा खरा असेल आणि इराणचे लष्कर खरोखरच उद्ध्वस्त झाले असेल, तर मध्य-पूर्वेतील तणाव लवकरच निवळू शकतो. मात्र, इराणने पाठवलेली ती ‘भेट’ आणि अमेरिकन विमानांचा तेहरानमधील वावर यामुळे रशिया आणि चीनसारखे देश काय भूमिका घेतात, हे पाहणे महत्त्वाचे ठरेल. तूर्तास तरी, ट्रम्प यांनी या युद्धाचा शेवट अमेरिकेच्या विजयाने झाल्याचे जगाला जाहीर केले आहे.