ट्रम्प यांनी तयार केला गाझाचा नवीन नकाशा? सीमेवर इस्रायल बफर-झोनसह होणार ‘हे’ बदल, समजून घ्या

Trump Gaza Plan : डोनाल्ड ट्रम्प सध्या गाझाला दहशतवादमुक्त देश बनवण्याच्या प्रयत्नात आहेत. यानुसार त्यांना २० कलमी आराखडा तयार केला आहे. यासाठी एक नवा नकाशाही ट्रम्प यांनी तयार केला आहे.

• डोनाल्ड ट्रम्प यांना गाझाल बनवायचे दहशतवाद मुक्त
• ट्रम्प यांनी तयार केला गाझाचा नवीन नकाशा
• हमाससमोर ठेवल्या काही अटी

Trump Gaza Plan : अमेरिकेचे राष्ट्राध्यक्ष डोनाल्ड ट्रम्प (Donald Trump) सध्या गाझात युद्धबंदीसाठी प्रयत्न करत आहे. यासाठी ट्रम्प यांनी २० कलमी योजना आखली आहे. याला इस्रायलने पाठिंबा दर्शवला आहे पण हमासने अद्याप याला मान्यता दिलेली नाही. या योजनेचा भाग म्हणून ट्रम्प यांनी एक नकाशा तयार केला आहे.

यानुसार ट्रम्प गाझाला दहशतवाद मुक्त आणि शांततामय प्रदेश बनवणार आहे. यासाठी त्यांनी इस्रायल ते गाझा दरम्यान एक बफर झोनचा आराखडा तयार केला आहे. यानुसार इस्रायली सैन्य आणि पॅलेस्टिनी लोक सीमारेषा ओलांडून जाऊ शकणार नाही.

खालील दिलेल्या ट्विटमध्ये तुम्ही पाहू शकता की, ट्रम्प यांनी जारी केलेल्या नकाशात तीन रेषा आहेत. यामध्ये लाल, पिवळा, आणि निळा रंगाचा भाग बफर झोन आहे.

• निळा रंग असलेले क्षेत्र सध्या इस्रायलींच्या नियंत्रणाखाली आहे. हे क्षेत्र गाझाच्या खान युनूस शहराजवळ आहे.
• पिवळी रेषा ही रफाहमधून जाते, या ठिकाणी इस्रायली ओलिसांना आणि पॅलेस्टिनी कैंद्याना मुक्त करण्यात येणार आहे.
• तर लाल रेषेवर इस्रायली सैन्य तैनात केले जाणार आहेत.

हमासच्या अस्तित्वाला धोका? डोनाल्ड ट्रम्प यांच्या अटींवर गाझात होणार का युद्धबंदी?

याशिवाय ट्रम्प यांनी हमाससोमर काही अटी देखील ठेवल्या आहेत- 

• ट्रम्प यांना गाझा दहशतवादमुक्त बनवायचे आहे, ज्यामुळे त्यांच्या शेजारी देशांनाही कोणता धोका नसेल.
• तसेच प्रस्तावाला मान्यता मिळाल्यानंतर ओलिसांची सुटका सुरु होईल. यावेळी रफाह शहरात ओलिसांना सोडले जाईल आणि इस्रायली सैन्य तेथून माघार घेईल.
• यानंतर हमास ७२ तासांत सर्व जिंवत व मृत ओलिसांची सुटका करेल.इस्रायली मोठ्या प्रमाणात पॅलेस्टिनी कैद्यांची सुटका
• तसेच हमासलाही त्याची शस्त्रे सोडवी लागतील, आणि त्याला गाझाच्या सरकार स्थापनेत कोणतेही स्थान दिले जाणार नाही.
• यानंतर एक ट्रम्प यांच्या अध्यक्षतेखाली एक मंडळ स्थापन केले जाईल आणि गाझाच्या पुर्नविकासाची प्रक्रिया सुरु होईल.
• यानंतर हे मंडळ गाझात रोजगार, अन्न-वस्त्र, निवारा, पाणी, रुग्णालये रस्ते सर्व काही आंतरराष्ट्रीय आणि संयुक्त राष्ट्रांच्या मदतीने सुरळित केले जाईल.

See more

President Donald J. Trump’s Comprehensive Plan to End the Gaza Conflict: 1. Gaza will be a deradicalized terror-free zone that does not pose a threat to its neighbors. 2. Gaza will be redeveloped for the benefit of the people of Gaza, who have suffered more than enough. 3. If… pic.twitter.com/veqhr9MW28 — Rapid Response 47 (@RapidResponse47) September 29, 2025

या आराखड्यानुसार,  सीमा सुरक्षाही मजबूत केली जाईल. युद्ध संपेपर्यंत सर्व हल्ले आणि गोळीबार थांबवला जाईल. यामुळे गाझात भविष्यात कोणत्याही प्रकारची अस्थिपता निर्माण होणार नाही.

Gaza War : इस्रायल गाझातील संघर्ष थांबवण्यास तयार? येत्या २४ तासांत ट्रम्प-नेतन्याहू करु शकतात युद्धबंदीची घोषणा