‘भारतावर आम्हाला विश्वास… ; युक्रेनच्या राष्ट्राध्यक्षांनी मानले पंतप्रधान मोदींचे आभार, काय आहे कारण?

Zelensky Thanks To PM Modi : युक्रेनचे राष्ट्राध्यक्ष वोलोडिमिर झेलेन्स्की यांनी भारताचे आभार मानले आहेत. तसेच त्यांनी भारतावर विश्वासही दाखवला आहे. त्यांनी पंतप्रधान मोदींचे आभार का मानले हे जाणून घेऊयात.

पंतप्रधान नरेंद्र मोदी आणि युक्रनचे अध्यक्ष झेलेन्स्की (फोटो सौजन्य: सोशल मीडिया)

Follow Us:

Follow Us:

• झेलेन्स्कींनी मानले पंतप्रधान मोदींचे आभार
• भारतावर दाखवला विश्वास
• झेलेन्स्की भारत दौऱ्यावर येणार

Ukraine’s Zelensky Thanks to PM Modi : कीव/नवी दिल्ली : युक्रेनचे राष्ट्राध्यक्ष वोलोडिमिर झेलेन्स्की (Volodymir Zelensky) यांनी पंतप्रधान नरेंद्र मोदींचे (Narendra Modi) आभार मानले आहेत. पंतप्रधान मोदींनी युक्रेनच्या स्वातंत्र्यदिनी झेलेन्स्कींना शुभेच्छा दिल्या होत्या. यावर झेलेन्स्की यांनी पंतप्रधान मोदींचे आभार मानले आहेत. तसेच त्यांनी भारताच्या भूमिकेचे कौतुक केले आहे. याशिवाय शांतता प्रस्थापित करण्यासाठीच्या भारताच्या प्रयत्नांचेही झेलेन्स्की यांनी आभार मानले आहेत.

पंतप्रधान मोदींनी युक्रेनच्या स्वातंत्र्यदिनानिमित्त शुभेच्छा दिल्या होत्या. तसेच त्यांनी भारत शांततेच्या बाजूने असल्याचे स्पष्ट केले. पंतप्रधान मोदींनी राजनैतिक मार्गाने आणि संवादाने समस्यासोडवण्याचे म्हटले होते. दरम्यान यावर झेलेन्स्की यांनी पंतप्रधान मोदींचे आभार मानले. तसेच भारताकडूनही शांततेच्या प्रयत्नांसाठी मदतीची आशा केली.

युक्रेनच्या राष्ट्राध्यक्षांनी सोशल मीडिया प्लॅटफॉर्म एक्सवर म्हटले की, ‘युक्रेनच्या स्वातंत्र्यदिनी मनापासून दिलेल्या शुभेच्छा बद्दल पंतप्रधान मोदींचे आभार मानतो. शांततेसाठी भारताच्या प्रयत्नांचे आम्ही कौतुक करतो. आज संपूर्ण जग शांततेसाठी आणि युद्ध संपवण्यासाठी प्रयत्न करत आहे. त्यांनी म्हटले की, आम्हाला विश्वास आहे की भारतही यामध्ये महत्वपूर्ण योगदान देईल. झेलेनस्की यांनी स्पष्ट केले की, राजनैतिक मुसद्देगिरीला मजबूत करण्याचा प्रत्येक निर्णय हा युरोपच नव्हे तर संपूर्ण जगाच्या सुरक्षेसाठी आहे.

भारताला अमेरिकेचा आर्थिक झटका; २५% अतिरिक्त कराची अधिसूचना जारी

झेलेन्स्की यांचे हे विधान अशा वेळी आले आहे, जेव्हा अमेरिकेचे राष्ट्राध्यक्ष डोनाल्ड ट्रम्प यांनी भारतावर ५०% कराची अधिकृत घोषणा करत निर्णायवर स्वाक्षरी केली आहे. रशियाकडून तेल खरेदीमुळे ट्रम्प भारतावर नाराज आहेत.

Thank you, Prime Minister @narendramodi, for the warm greetings on Ukraine’s Independence Day. We appreciate India’s dedication to peace and dialogue. Now, as the entire world strives to end this horrible war with dignity and lasting peace, we count on India’s contribution. Every… pic.twitter.com/FtwkXUhtEH

— Volodymyr Zelenskyy / Володимир Зеленський (@ZelenskyyUa) August 25, 2025

पंतप्रधान मोदींचे झेलेन्स्कींना पत्र

झेलेन्स्की यांनी पंतप्रधान मोदींचे पत्रही शेअर केले आहे. यामध्ये पंतप्रधान मोदींनी युक्रेनच्या नागरिकांना आणि झेलेन्स्की यांना स्वांतत्र्यदिनाच्या शुभेच्छा दिल्या होत्या. तसेच त्यांनी गेल्या वर्षी कीवमधील झालेल्या भेटीचीही आठवण करुन दिली. पंतप्रधान मोदींनी म्हटले होते की, “तुम्हाला आणि युक्रेनच्या नागरिकांना स्वातंत्र्यदिनाच्या शुभेच्छा देतो. कीवच्या आठवणी आजही ताज्या आहेत. या काळात भारत आणि युक्रेन संबंधामध्ये प्रगती झाली आहे. भविष्यातही दोन्ही देशांमध्ये परस्पर सहकार्य आणि संबंध अधिक वाढेल अशा आशा आहे.”

झेलेन्स्कींचा भारत दौरा

तसेच झेलेन्स्कीही लवकरच भारताच्या दौऱ्यावर येण्याची शक्यता आहे. युक्रेनचे राजदूत ओलेक्झांडर पोलिशचुक यांनी यांची माहिती दिली होती. त्यांनी दौऱ्याची तारीख निश्चित झालेली नसून यासाठी चर्चा सुरु असल्याचे म्हटले होते. युक्रेनच्या राष्ट्राध्यक्षांचा हा पहिलाच भारत दौरा असेल.

रशियाने निभावली दोस्ती! भारतीय तरुणांच्या नोकरीसाठी खुली केली महत्त्वपूर्ण क्षेत्रे

Web Title: Ukraines zelensky thanks to pm modi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com