Sadhguru: ‘तरुण पिढी द्वेषाने भरलेली, आपल्या संस्कारांमध्ये…’; अमेरिकेतील हिंदू मंदिरावर हल्लाच्या कटावर सद्गुरूंचे भाष्य

Sadhguru : अमेरिकेतील इलिनॉय येथील हिंदू मंदिराला लक्ष्य करून सामूहिक गोळीबार करण्याच्या कथित कटाबद्दल सद्गुरूंनी चिंता व्यक्त केली आहे. त्यांनी द्वेषपूर्ण विचारसरणीवर प्रश्नचिन्ह उपस्थित केले आणि समाजाला एकत्र आणण्याच्या गरजेवर भर दिला.

• अमेरिकेतील हिंदू मंदिरावर गोळीबाराचा कट उघड
• सद्गुरूंची तीक्ष्ण प्रतिक्रिया
• अतिरेकी विचारसरणी आणि शस्त्रास्त्रांचा साठा जप्त

अमेरिकेतील इलिनॉय येथील हिंदू मंदिराला लक्ष्य करण्याचा भयंकर कट उघडकीस आल्यानंतर जागतिक स्तरावर संतापाची लाट पसुरली आहे. या गंभीर घटनेवर ईशा फाऊंडेशनचे संस्थापक सद्गुरू (Sadhguru) यांनी अत्यंत चिंता व्यक्त केली असून, वाढती द्वेषपूर्ण विचारसरणी आणि नव्या पिढीच्या संगोपनावर प्रश्नचिन्ह उपस्थित केले आहे.अमेरिकेतील इलिनॉय राज्यातील पॅलाटाईन भागात असलेल्या एका हिंदू मंदिराला लक्ष्य करून सामूहिक गोळीबार (Mass Shooting) करण्याचा एक मोठा कट अमेरिकन सुरक्षा यंत्रणांच्या तत्परतेमुळे उधळला गेला आहे. या घटनेची माहिती समोर आल्यानंतर ईशा फाऊंडेशनचे संस्थापक सद्गुरू यांनी सोशल मीडिया प्लॅटफॉर्म ‘X’ वर आपली भूमिका मांडली. त्यांनी लिहिले की, “जेव्हा एखाद्या तरुणाचे आयुष्य द्वेषाने इतके विषारी होते की, तो स्वतःला वेगळे समजणाऱ्या निरपराध लोकांना मारण्याचा कट रचतो, तेव्हा हे स्पष्टपणे पुढच्या पिढीचे योग्य संगोपन करण्यात आपण समाज म्हणून अपयशी ठरल्याचे दर्शवते.”

तरुण पिढीतील वाढत्या द्वेषावर सद्गुरूंची संतप्त प्रतिक्रिया

अमेरिकेतील इलिनॉय राज्यातील पॅलाटाईन भागात असलेल्या एका हिंदू मंदिराला लक्ष्य करून सामूहिक गोळीबार (Mass Shooting) करण्याचा एक मोठा कट अमेरिकन सुरक्षा यंत्रणांच्या तत्परतेमुळे उधळला गेला आहे. या घटनेची माहिती समोर आल्यानंतर ईशा फाऊंडेशनचे संस्थापक सद्गुरू यांनी सोशल मीडिया प्लॅटफॉर्म ‘X’ वर आपली भूमिका मांडली. त्यांनी लिहिले की, “जेव्हा एखाद्या तरुणाचे आयुष्य द्वेषाने इतके विषारी होते की, तो स्वतःला वेगळे समजणाऱ्या निरपराध लोकांना मारण्याचा कट रचतो, तेव्हा हे स्पष्टपणे पुढच्या पिढीचे योग्य संगोपन करण्यात आपण समाज म्हणून अपयशी ठरल्याचे दर्शवते.”

जागतिक घडामोडी संबंधित बातम्या वाचण्यासाठी येथे क्लिक करा : Italy Protests: No Meloni Day! फ्रान्स, स्पेननंतर इटलीतही उडाला आंदोलनाचा भडका; PM मेलोनी यांची आक्रमक भूमिका

असा उघडकीस आला भयंकर कट

ही धक्कादायक घटना ११ ऑक्टोबर रोजी समोर आली, जेव्हा माउंट प्रॉस्पेक्ट पोलीस विभागाला एका सजग नागरिकाकडून महत्त्वाची माहिती मिळाली. अलेक्झांड्रोस पापोराकिस नावाच्या १९ वर्षीय तरुणाकडून काही अत्यंत आक्षेपार्ह आणि त्रासदायक इलेक्ट्रॉनिक संदेश मिळाल्याची तक्रार नोंदवण्यात आली होती. पोलिसांनी दिलेल्या माहितीनुसार, पापोराकिसने एका हिंदू मंदिरात सामूहिक गोळीबार करण्याच्या कटाचा संपूर्ण दस्तऐवज आणि प्लॅन शेअर केला होता.

When a young life becomes so poisoned by hate that he plans to kill those he sees as different, it reflects our failure in nurturing the next generation. It is most important that we cultivate a sense of inclusion and work toward raising human consciousness. Our deep gratitude to those who acted promptly to prevent the Aurora attack. – Sg — Sadhguru (@SadhguruJV) October 16, 2026

credit – social media and Twitter

केवळ कागदोपत्री प्लॅनच नाही, तर या तरुणाने अत्याधुनिक रायफल, भरलेले मॅगझिन, बॉडी आर्मर आणि इतर सामरिक उपकरणांचे फोटोही पाठवले होते. माहिती मिळताच पॅलाटाईन पोलिसांनी माउंट प्रॉस्पेक्ट पोलिसांच्या मदतीने तात्काळ सूत्रे हलवली आणि पापोराकिस घरातून बाहेर पडण्याच्या तयारीत असतानाच त्याला घेराव घालून ताब्यात घेतले.

जागतिक घडामोडी संबंधित बातम्या वाचण्यासाठी येथे क्लिक करा : Italy Protests: No Meloni Day! फ्रान्स, स्पेननंतर इटलीतही उडाला आंदोलनाचा भडका; PM मेलोनी यांची आक्रमक भूमिका

संशयिताच्या घरातून शस्त्रास्त्रांचा मोठा साठा जप्त

पापोराकिसला ताब्यात घेतल्यानंतर पॅलाटाईन पोलिसांच्या गुप्तहेरांनी त्याच्या घरावर शोध वॉरंट बजावले. घराची झाडाझडती घेतली असता पोलिसांना थक्क करणारा साठा सापडला. यामध्ये एक अत्याधुनिक रायफल, शेकडो जिवंत काडतुसे, अनेक भरलेली मॅगझिन, टॅक्टिकल वेस्ट, आणि बॉडी आर्मर जप्त करण्यात आले.

सर्वात गंभीर बाब म्हणजे, झाडाझडती दरम्यान पोलिसांना श्वेतवर्णीय वर्चस्ववादी (White Supremacist) अतिरेकी विचारसरणीशी संबंधित काही वस्तू आणि पॅचेस सापडले. या साहित्यामध्ये विशेषतः दक्षिण आशियाई वंशाच्या आणि भारतीय वंशाच्या लोकांविरुद्ध द्वेष पसरवणारी आणि हिंसेला प्रोत्साहन देणारी विधाने लिहिलेली होती. आरोपीची ही मानसिक वृत्ती अत्यंत भयानक आणि धार्मिक द्वेषाने प्रेरित असल्याचे तपासात उघड झाले आहे.

कोर्टात हजेरी आणि गंभीर कलमांखाली गुन्हे दाखल

अमेरिकन गुप्तचर यंत्रणांच्या मते, आरोपी पापोराकिस ११ ऑक्टोबर रोजीच अरोरा परिसरातील एका हिंदू मंदिरावर हल्ला करण्याच्या तयारीत होता. पोलिसांनी त्याच्यावर दहशतवादी धमक्या देण्याचा (Class X Felony) आणि बेकायदेशीरपणे घातक शस्त्रे बाळगल्याचा गंभीर गुन्हा दाखल केला आहे. न्यायाधीशांनी आरोपीची गांभीर्य लक्षात घेऊन त्याला जामीन नाकारत पोलीस कोठडीत ठेवण्याचे आदेश दिले आहेत.

पॅलाटाईनचे पोलीस प्रमुख विल्यम नॉर्ड यांनी सांगितले की, या घटनेचे गांभीर्य अत्यंत मोठे होते. पोलिसांनी एफबीआय (FBI) आणि इतर स्थानिक यंत्रणांच्या सहकार्याने अत्यंत वेगाने पावले उचलल्यामुळे एक मोठा रक्तपात टळला आहे. प्रार्थनास्थळांची सुरक्षा ही आपली प्राथमिकता असल्याचे त्यांनी आवर्जून नमूद केले.