Venezuela Earthquake : व्हेनेझुएलाच्या भूकंपानंतर अमेरिकेकडून मदतीचा हात; पंतप्रधान मोदींनीही…

Venezuela Earthquake Update : व्हेनेझुएलात बुधवारी (२४ जून) संध्याकाळी दोन सर्वात शक्तिशाली भूकंप झाले. या भूकंपाच्या जोरदार झटक्यांनी संपूर्ण देशात विध्वंस झाला आहे. याच पार्श्वभूमीवर पंतप्रधान मोदींनी संवेदना व्यक्त करत मदतीचे आश्वासन दिले आहे. तसेच अमेरिकेकडून ट्रम्प यांनीही मदत पाठवत असल्याचे सांगितले आहे.

• व्हेनेझुलाच्या भूकंपानंतर जगभरातून मदतीचा हात
• अमेरिका, ब्राझील, इक्वेडोर, साल्वाडोर, मेक्सिकोकडून मदतीची तयारी
• पंतप्रधान मोदींनी व्यक्त केले दु:ख

Venezuela Earthquake News in Marathi :काराकस : व्हेनेझुएलात दोन सर्वात शक्तिशाली भूकंपाने हाहा:कार माजवला आहे. राजधानी काराकससह देशाच्या अनेक भागांमध्ये प्रचंड विध्वंस घडला आहे. अनेक बहुमजली इमारती जमिनदोस्त झाल्या असून लोक मलब्यांच्या ढिगाऱ्यांखाली अडकले आहे. या दुर्दैवी घटनेत आतापर्यंत ३२ जणांचा मृत्यू झाला आहे. दरम्यान भारताचे पंतप्रधान नरेंद्र मोदी यांनी व्हेनेझुएलात आलेल्या नैसर्गिक आपत्तीवर दु:ख व्यक्त केले आहे. तसेच अमेरिकेचे राष्ट्राध्यक्ष डोनाल्ड ट्रम्प यांनी देखील व्हेनेझुएलाला तातडीने मदत पाठवली आहे.

Venezuela Earthquake : अखेर मृतांचा आकडा समोर! आतापर्यंत ‘इतक्या’ लोकांचा भूकंपात मृत्यू, तर शेकडोहून अधिक जखमी

काय म्हणाले पंतप्रधान मोदी?

पंतप्रधानांनी सोशल मीडिया प्लॅटफॉर्म एक्सवर लिहिले की, व्हेनेझुएलात झालेल्या भुकंपामुळे विध्वंसामुळे अत्यंत दु:ख झाले आहे. त्यांनी म्हटले की, मी भारतीयांच्या वतीने व्हेनेझुएला सरकार आणि जनतेच्या प्रती विशेष करुन प्रियजनांना गमवालेल्या कुटुंबीयांप्रती संवदेना व्यक्त करतो.

तसेच पंतप्रधानांनी जखमींच्या लवकरात लवकर बरे होण्यासाठी प्रार्थना देखील केली. त्यांनी म्हटले की, जखमींच्या लवकरात लवकर बरे होण्यासाठी मी प्रार्थना करतो आणि कठीण काळात बाधित झालेल्या सर्वांच्या पाठिशी भारत उभा असल्याचे त्यांनी म्हटले. तसेच भारताकडून सर्वोतोपरी मदत करण्याची तयारीही दर्शवली.

Deeply saddened by the devastation caused by the severe earthquakes in Venezuela. On behalf of the people of India, I extend our heartfelt condolences to the Government and people of Venezuela, especially to the families who have lost their loved ones. We pray for the speedy… — Narendra Modi (@narendramodi) June 25, 2026

अमेरिकेकडून मदत जाहीर

दुसरीकडे अमेरिकेचे राष्ट्राध्यक्ष डोनाल्ड ट्रम्प यांनी देखील व्हेनेझुएलाला मदत पाठवली आहे. त्यांनी ट्रुथवर पोस्ट करत लिहिले की, सुरुवातीचे अहवाल परिस्थिती चांगली नसल्याचे स्पष्ट करतात. अमेरिका पूर्ण मदत करण्यास तयार आहे. त्यांनी सांगितले की सर्व सरकारी संस्थांना आणि मदत सेवांना तातडीने तयारी करण्याचे आदेश देण्यात आले आहे. अमेरिका शोध आणि बचाव पथके, वैद्यकीय आणि मानवतावादी मदत पाठवण्याची योजनाही ट्रम्प यांनी जाहीर केली.

 

अल साल्वाडोरचे राष्ट्राध्यक्ष नायब बुकले यांनी देखील ३०० बचाव कर्मचारी आणि ५० टन मदत साहित्य पाठवण्यास तयार आहेत. इक्वेडोरचे राष्ट्राध्यत्र डॅनियल नोबोओ अझिन, ब्राझीलचे राष्ट्राध्यक्ष लुईस इनासिओ लुला दा सिल्वा यांनी देखील व्हेनेझुएलाला मदत पाठवण्याची घोषणा केली आहे. मेक्सिकोच्या परराष्ट्र मंत्रालयाने देखील व्हेनेझुएलाला मानवतावादी मदत जाहीर केली आहे.

Venezuela Earthquake : 40 सेकंदात होत्याचं नव्हतं झालं! व्हेनेझुएलात दुहेरी भूकंपाचा थरार; विमातळाचं छत कोसळलं अन्…; VIDEO VIRAL