Putin च्या दौऱ्यामुळे भारताला मिळणार बुस्टर डोस; दोन मोठे निर्णय ठरणार भारत-रशिया संबंधासाठी ‘गेम चेंजर’

Vladimir Putin India Visist : सध्या व्लादिमिर पुतिन यांच्या भारत दौऱ्याची सर्वत्र चर्चा सुरु आहे. भारत आणि रशिया संबंधासाठी हा दौरा अत्यंत महत्त्वाचा मानला जात आहे. या दौऱ्यात दोन मोठे कराराची शक्यता आहे.

• व्लादिमिर पुतिन ४ आणि ५ डिसेंबरला भारत दौऱ्यावर येणार
• जगभरात सुरु पुतिन यांच्या भारत दौऱ्याची चर्चा
• दोन मोठ्या करारची अपेक्षा

Vladimir Putin to Visit India Tomarrow : नवी दिल्ली : भारत आणि रशियाच्या संबंधांना अधिक बळकटी मिळण्याची आशा आहे. रशियाचे अध्यक्ष व्लादिमिर पुतिन (Vladimir Putin) भारत दौऱ्यावर येणार आहे. ४ ते ५ डिसेंबर रोजी पुतिन नवी दिल्ली पंतप्रधान नरेंद्र मोदी (Narendra Modi) यांची भेट घेतील. ही भेट अत्यंत महत्त्वाची मानली जात असून यामुळे भारत आणि रशियाच्या संबंधांना अधिक चालना मिळणार आहे. यावेळी पुतिन रशिया-भारत फोरमच्या अधिवेशनात सहभागी होणार आहेत.

India Russia Relations : भारत-रशियाची कूटनीतिक हालचाल; पुतिनच्या दिल्ली दौऱ्यापूर्वी जयशंकर मॉस्कोला भेट देणार, कारण काय?

पुतिन यांचा हा दौरा केवळ औपचारिक नसून दोन्ही देशांतील वाढत्या सहकार्याला चालना देणारा, व्यापाराला आणि धोरणात्मक संबंधांना मजबूत करण्यासाठी आहे. सध्या अमेरिकेने भारतावर रशियाकडून तेल खरेदीमुळे ५०% कर लादला आहे. यामुळे भारताने सध्या रशियाकडून तेल खरेदी काही काळासाठी कमी केली आहे. मात्र या भेटीत या समस्येवर निराकरण करण्याच येण्याची शक्यता आहे. तसेच या भेटीमुळे दोन्ही देशातील उर्जा, संरक्षण सहकार्या व्यापारा तूट, आणि राजनैतिक उपक्रमांबाबात मोठा निर्णय घेतला जाऊ शकतो.

दोन वाणिज्य दूतावास आणि Su-57 वर चर्चा

भारत आणि रशिया दोन्ही देशांतील राजनैतिक संबंध वाढवण्यासाठी कझान आणि येकातेरिनबर्गमध्ये नवीन वाणिज्य दूतावासा भारताकडून सुरु होण्याची अपेक्षा आहे. याचा फायदा रशियात काम करणाऱ्या भारतीय कामगारांना होईल. तर आणखी एक महत्त्वाचा मोठा निर्णय म्हणजे Su-57 वरही दोन्ही देशांता मोठा संरक्षण करार अपेक्षित आहे. पुतिन यांचा हा दौरा २०२१ नंतर पहिला अधिकृत भारत दौरा आहे. यामुळे याला अत्यंत महत्त्व प्राप्त झाले आहे.

स्टीव्ह विटकॉफ भेटीची मोदींना माहिती देण्याची शक्यता

पूतिन यांनी भारत भेटीपूर्वी अमेरिकेचे राष्ट्राध्यक्ष डोनाल्ड ट्रम्प (Donald Trump) यांचे सल्लागार स्टीव्ह विटकॉफ यांची भेट घेतली आहे. या भेटीची माहिती ते पंतप्रधान मोदींना देखील देऊ शकतील. रशिया आणि युक्रेन युद्धाच्या (Russia Ukraine War) पार्श्वभूमीवर ही भेट झाली होती.

पुतिनच्या भारत भेटीचे इतर काही फायदे

• भारत आणि रशियामधील कामगारांसाठी देखील पुतिन यांच्या दौऱ्यात अंतिम मसुदा काराराची अपेक्षा आहे. यामुळे भारतीय कामगांसाठी रशियात काम करण्याच्या नव्या संधी उपलब्ध होतील. परंतु भारताने कामगारांना कोणत्याही करारवर स्वाक्षरी करण्यापूर्वी सावधगिरी बाळगण्याचा इशारा दिला आहे.
• तसेच भारत आणि रशियामध्ये व्यापारा वाढवणे हा देखील पुतिन यांच्या दौऱ्याचा महत्त्वपूर्ण हेतू आहे. अमेरिकेच्या टॅरिफमुळे सध्या दोन्ही देशातील व्यापार तूट वाढत असून ही कमी करणे अत्यंत महत्वाचे आहे. यामुळे पुतिन आणि पंतप्रधान मोदी यावर चर्चा करतील.
• तसेच दोन्ही देशात दीर्घकालीन उर्जा आणि कृषी संबंध देखील सुनिश्चित केले जाणार आहे.
• याशिवाय भारतीय. रुपया आणि रशियन रुबल सेटलमेंट सिस्टवरही चर्चा होईल.

अमेरिकेच्या दबावानंतरही पुतिन भारत दौऱ्यावर; तारिखही झाली निश्चित, Su-57 वर होणार मोठा करार