World News : क्या बात है; भारताला मनाई; मात्र रशियाकडून अमेरिकेची डिझेल खरेदी; ट्रम्प यांच्या निर्णयावरून संताप

World News : रशियाकडून अमेरिकेने मोठ्या प्रमाणात डिझेल खरेदी केल्याचा दावा समोर आल्याने ट्रम्प यांच्या धोरणावर प्रश्न उपस्थित होत आहेत. मात्र, कराराची अधिकृत माहिती आणि व्यवहाराचे तपशील पडताळल्याशिवाय या दाव्याला निश्चित सत्य मानता येणार नाही.

• रशियाच्या अर्थव्यवस्थेला अमेरिकेकडून मदत
• ट्रम्प यांच्या धोरणावरून प्रश्नचिन्ह
• ऊर्जा व्यापार -युद्धातील राजकारण

World News : पारंपरिक शत्रू प्रमाणे आत्तापर्यंत रशिया आणि अमेरिका लढत आले आहेत . रशिया आणि अमेरिकेतील शीतयुद्ध तर प्रसिद्ध आहेच . पण रोज बदलणाऱ्या जगाप्रमाणे कोण कोणाचा शत्रू कोण कोणाचा मित्र हे सांगणे किंवा ठरवणे आता कठीण होत चालेले आहे . या आधी दोन्ही देशांमध्ये जागतिक महासत्ता होण्यासाठी भांडणे सुरु होती . पण रशियाच्या विघटनानंतर रशिया थोडा यात मागे पडला .

तसेच दुसऱ्या महायुद्धानंतर अमेरिका निर्विवादपणे महासत्ता बनली . पण रशिया आणि अमेरिकेचे वाद काही केल्या संपले नाहीत . पण मिळालेल्या माहिती नुसार रशिया आणि युक्रेन मधील युद्ध सुरु असताना अमेरिकेचे राष्ट्राध्यक्ष डोनाल्ड ट्रम्प यांच्या रशियासोबतच्या कथित डिझेल खरेदी कराराची चर्चा रंगली आहे .

युक्रेनला पाठिंबा देणाऱ्या अमेरिकेने दुसरीकडे रशियाकडून इंधन खरेदी केल्याचा दावा समोर आल्याने अमेरिकेच्या धोरणावर प्रश्न उपस्थित केले जात आहेत . मात्र या कराराची नेमकी माहिती आणि त्यातील अटी स्पष्ट नसल्याने या दाव्यांची स्वतंत्रपणे होणे आवश्यक आहे .

World News : ‘हाय मॉम’ नाही, आता ‘हाय जेस्टेटिंग’ म्हणायचं? ट्रम्प यांच्या विधानाने अमेरिकेत चर्चेला उधाण

रशियाच्या अर्थव्यवस्थेला अमेरिकेकडून मदत

रशिया युक्रेन युद्धामुळे रशियावर अनेक आर्थिक निर्बंध लादण्यात आले आहेत . युक्रेनचा कल हा पाश्चिमात्य देशांकडे जाऊ लागल्यामुळे रशियाला हे पचायला जड लावू लागले . त्यामुळे युक्रेनला सहज आपण ताब्यात घेऊन विषय संपवून टाकू असे पुतिनचे मत झाल्यावर युक्रेनवर हल्ला झाला . तेव्हाच अमेरिका आणि युरोपीय देश युक्रेनच्या मदतीला धावून आले . अमेरिकेने युक्रेनला शस्त्रे पुरवली , रशियावर कडक आर्थिक निर्बंध लावले . एवढेच न्हवे तर भारताला सुद्धा रशियासोबत तेल व्यवहार करण्यास मनाई केली .

आणि दुसरीकडे इराण सोबत सुद्धा तेल व्यवहार करायला मनाई केली . पण स्वतः मात्र आता रशियाकडून तेल खरेदी करार करायला सुरवात केल्याच्या चर्चा जागतिक राजकीय विश्लेषकांच्यामध्ये सुरु झाल्या आहेत . तसेच रशियावर लावलेल्या निर्बंधांचा उद्देश रशियाच्या युद्धासाठी उपलब्ध होणाऱ्या आर्थिक स्रोतांवर मर्यादा आणणे हा आहे .

अशा परिस्थितीत अमेरिकेकडून रशियन डिझेल खरेदी केली जात असल्याचा दावा खरा ठरल्यास निर्बंधाच्या परिणामकारकतेबाबत प्रश्न उपस्थित होऊ शकतात . ऊर्जा व्यापारातून मिळणारे उत्पन्न रशियाच्या अर्थव्यवस्थेसाठी महत्वाचे असल्याने या व्यवहाराकडे विशेष लक्ष दिले जात आहे .

Gaza News : धक्कादायक ;गाझामध्ये इस्रायली गोळीबारात आठ वर्षांच्या चिमुरडीचा मृत्यू

ट्रम्प यांच्या धोरणावरून प्रश्नचिन्ह

युक्रेनला पाठिंबा देणे आणि रशियावर आर्थिक दबाव ठेवणे ,या अमेरिकेच्या भूमिकेच्या पार्श्वभूमीवर रशियासोबत इंधन व्यापार केल्याच्या दावा विरोधाभासी वाटू शकतो . मात्र कोणत्याही कराराचे स्वरूप ,त्यातील कंपन्या , व्यवहाराची तारीख आणि प्रत्यक्ष इंधनाचा स्रोत तपासल्याशिवाय ट्रम्प यांनी रशियासोबत मोठा डिझेल खरेदी करार केला ,असा सध्या तरी निष्कर्ष काढता येत नाही .

ऊर्जा व्यापार -युद्धातील राजकारण

जागतिक इंधन बाजारात अनेक देश आणि कंपन्या वेगवेगळ्या पुरवठादारांकडून तेल व इंधन खरेदी करतात . त्यामुळे एखाद्या देशात पोहोचणाऱ्या इंधनाचा मूळ स्रोत आणि व्यवहारातील कंपन्यांची भूमिका महत्वाची ठरते . रशियन इंधनाशी संबंधित जर असा कोणताही व्यवहार असल्यास त्याची निर्बंधांमधील सूट आणि कायदेशीर अटी समजून घेणे आवश्यक आहे . यानंतरच अमेरिकेच्या धोरणावर अंतिम निष्कर्ष काढता येईल .