फोटो सौजन्य: Pinterest
भारतातील आघाडीच्या वाहन उत्पादकांपैकी एक असलेल्या महिंद्रा कंपनीकडून विविध सेगमेंटमध्ये वाहनांची विक्री केली जाते. या उत्पादकाकडून महिंद्रा थार ही कार देखील उपलब्ध करून दिली जाते. प्रसारमाध्यमांच्या वृत्तांनुसार, कंपनी सध्या या SUV च्या 2026 मॉडेलला बाजारात आणण्याची तयारी करत आहे. अलीकडेच, टेस्टिंगदरम्यान ही SUV दिसून आली होती. यावेळी कोणती माहिती समोर आली आहे? आणि या कारचे लाँचिंग कधी अपेक्षित आहे? याबद्दलची सर्व माहिती जाणून घेऊयात.
महिंद्रा कंपनी भारतीय बाजारपेठेत ‘थार’चे अपडेटेड व्हर्जन लवकरच लाँच करण्याच्या तयारीत आहे. प्रसारमाध्यमांच्या वृत्तांनुसार, या SUV च्या अधिकृत लाँचिंगपूर्वी सध्या तिची टेस्टिंग सुरू झाली आहे. टेस्टिंगच्या या टप्प्यादरम्यान, ही कार पुन्हा एकदा दिसून आली.
मिळालेल्या माहितीनुसार, ही SUV पूर्णपणे झाकलेली होती. तरीही, तिच्या पुढील बाजूची रचना महिंद्रा थार रॉक्सशी मिळतीजुळती असू शकते. अगदी थार रॉक्स प्रमाणेच, या कारच्या मागील भागातही काही बदल केले जाण्याची शक्यता आहे. तसेच, याच्या ‘फेसलिफ्ट’ व्हर्जनमध्ये थार रॉक्सवर आढळणाऱ्यांसारखेच गोलाकार LED DRLs (डे-टाइम रनिंग लाइट्स) पाहायला मिळतील, अशी अपेक्षा आहे.
माहितीनुसार, फेसलिफ्ट व्हर्जनमध्ये अनेक नवीन फीचर्सचा समावेश होऊ शकतो. यात Level-2 ADAS, अपडेटेड इंटीरियर आणि नवीन इंफोटेनमेंट सिस्टीम यांचा समावेश असण्याची शक्यता आहे. यापूर्वी सप्टेंबर-ऑक्टोबर दरम्यान करण्यात आलेल्या अपडेटमध्ये 10.25-इंच इंफोटेनमेंट सिस्टीम, रूफ स्पीकर्स, रियर एसी व्हेंट्स, वायरलेस चार्जिंग आणि टाइप-C चार्जिंग पोर्ट यांसारखी फीचर्स देण्यात आली होती.
पेट्रोल महाग झालं तरी टेन्शन नाही! 1 लिटर इंधनावर 27 किमीचा मायलेज देतात ‘या’ Hybrid Cars
रिपोर्ट्सनुसार, या SUV च्या फेसलिफ्ट व्हर्जनमध्ये इंजिनमध्ये कोणताही मोठा बदल अपेक्षित नाही. सध्याचेच इंजिन पर्याय कायम ठेवले जाऊ शकतात. यात 2.0-लिटर टर्बो पेट्रोल, 1.5-लिटर डिझेल आणि 2.2-लिटर डिझेल इंजिनचा समावेश असेल. तसेच, ऑफ-रोडिंग क्षमतेवरही विशेष भर दिला जाईल.
महिंद्राकडून अद्याप फेसलिफ्ट मॉडेलच्या लाँचबाबत अधिकृत घोषणा करण्यात आलेली नाही. मात्र, अंदाजानुसार 2026 मधील मध्यावधीत नवीन Mahindra Thar फेसलिफ्ट भारतात सादर केला जाऊ शकतो.
