Ampere Xyber इलेक्ट्रिक मोटारसायकलचा डिझाइन पेटंट भारतात दाखल! जाणून घ्या या बाईक बद्दल

ॲम्पियर कंपनीच्या पहिल्या वहिल्या इलेक्ट्रिक बाईक 'झायबर'चे डिझाइन पेटंट भारतात दाखल झाल्याने ऑटो बाजारात मोठी खळबळ उडाली आहे. एका चार्जमध्ये तब्बल २०० किमी धावणारी आणि १०० किमी स्पीड असणारी ही हाय-टेक स्ट्रीटफायटर बाईक बाजारात कधी धडकणार आणि तिची किंमत किती असणार, ते जाणून घ्या.

• ग्रीव्हज इलेक्ट्रिक मोबिलिटीने ॲम्पियर झायबर या पहिल्या इलेक्ट्रिक बाईकचे डिझाइन पेटंट भारतात दाखल केले आहे.
• ही बाईक एका चार्जमध्ये १८० ते २०० किमीची रेंज आणि १०० किमी प्रतितासचा टॉप स्पीड देईल.
• यामध्ये ५-इंच डिजिटल क्लस्टर, क्रूझ कंट्रोल, फास्ट चार्जिंग आणि ओटीए अपडेट्ससारखे आधुनिक फीचर्स मिळतील.

ग्रीव्हज इलेक्ट्रिक मोबिलिटी या ॲम्पियरच्या मूळ कंपनीने भारतात आपल्या पहिल्या इलेक्ट्रिक मोटारसायकल ‘झायबर’ साठी डिझाइन पेटंट दाखल केले आहे. कंपनीने हे डिझाइन पेटंट दाखल केल्यामुळे या ऑल-इलेक्ट्रिक बाइकचे काम अजूनही वेगाने सुरू असल्याचे स्पष्ट होत असून, लवकरच याचे प्रॉडक्शन-रेडी मॉडेल रस्त्यावर धावताना दिसू शकते. ही गाडी २०२७ च्या ‘भारत मोबिलिटी ग्लोबल एक्स्पो’मध्ये प्रदर्शित केली जाण्याची शक्यता आहे.

आकर्षक डिझाइन आणि दमदार परफॉर्मन्स

ॲम्पियर झायबर ही नेकेड स्ट्रीटफायटर डिझाइनसह सादर केली जाणार आहे. या बाइकची थेट स्पर्धा बाजारात आधीपासून उपलब्ध असलेल्या ओला रोडस्टर एक्स, ओबेन रोर एव्हो आणि रिव्हॉल्ट आरव्हिए ४०० शी असेल.

बाईक प्रेमींसाठी खूशखबर! व्ह्यूअर्स चॉईस अवॉर्ड विजेत्या Jawa 42 FJ चे नवीन ऑल स्टार्स रूप लाँच; 6 रंगांत उपलब्ध

व्हील्स आणि ब्रेक्स: या बाइकमध्ये १७-इंच फ्रंट आणि रिअर अलॉय व्हील्स देण्यात आले आहेत. सुरक्षेसाठी दोन्ही चाकांना डिस्क ब्रेक आणि सिंगल-चॅनेल एबीएस दिले आहे.

मोटर आणि स्पीड: यात ८ ते १० kW ची मोटर वापरली जाण्याची शक्यता आहे, ज्यामुळे ही बाइक १०० किमी/तासचा टॉप स्पीड गाठू शकते.

रेंज आणि चार्जिंग: एका पूर्ण चार्जमध्ये ही बाइक १८० ते २०० किलोमीटरची रेंज देईल. ही बाइक एसी होम चार्जिंग आणि डीसी फास्ट चार्जिंग या दोन्ही पर्यायांना सपोर्ट करेल.

Best Bikes In India : कमी बजेट, दमदार परफॉर्मन्स! 200cc ते 250cc सेगमेंटमधील या बाइक्स ठरू शकतात फायदेशीर पर्याय

आधुनिक फीचर्स आणि कनेक्टिव्हिटी

नुकत्याच लाँच झालेल्या ॲम्पियर मॅग्नस जी मॅक्स या स्कूटरप्रमाणेच ‘झायबर’मध्येही हाय-टेक फीचर्स पाहायला मिळतील. यात ५-इंच पीएमव्हीए डिजिटल क्लस्टर, क्रूझ कंट्रोल, हिल होल्ड, टर्न-बाय-टर्न नेव्हिगेशन, जिओ-फेन्सिंग आणि ओव्हर-द-ॲअर (OTA) अपडेट्स मिळण्याची दाट शक्यता आहे. याशिवाय, ॲम्पियर कनेक्ट ॲपद्वारे रायडर्सना रिअल-टाइम चार्जिंग स्टेटस, लाइव्ह ट्रॅकिंग, थेफ्ट अलर्ट आणि बॅटरी हेल्थची माहिती मोबाईलवरच मिळेल.