रविवार, 8 नोव्हेंबर 2026
Lambretta electric scooter at EICMA 2026 (फोटो सौजन्य-AI एआय)
रेट्रो स्टाइल आणि आधुनिक टेक्नोलॉजी यांचा मिलाफ असलेली लॅम्ब्रेटा Elettra S इलेक्ट्रिक स्कूटर EICMA 2026 मध्ये सादर करण्यात आली आहे. जुन्या काळातील स्कूटरची आठवण करून देणारा लूक आणि इलेक्ट्रिक पॉवरट्रेन यामुळे ही नवीन स्कूटर चर्चेत आली आहे. भारतात बजाज चेतक, TVS iQube, Vida VX2 आणि Ather सारख्या इलेक्ट्रिक स्कूटर्सना मिळणाऱ्या प्रतिसादाच्या पार्श्वभूमीवर लॅम्ब्रेटाची ही एन्ट्री विशेष ठरते. ही स्कूटर भारतीय मार्केटमध्ये लाँच झाली, तर रेट्रो स्कूटर चाहत्यांसाठी एक नवीन ऑप्शन ठरू शकते.
जुन्या लॅम्ब्रेटाचा लूक, नवीन टेक्नोलॉजी
लॅम्ब्रेटा Elettra S च्या डिझाइनमध्ये कंपनीच्या जुन्या स्कूटर्सची झलक पाहायला मिळते. स्कूटरला फिक्स्ड फ्रंट मडगार्ड, ट्रेलिंग-लिंक फ्रंट सस्पेंशन आणि आयताकृती हेडलॅम्प देण्यात आला आहे. हे डिझाइन घटक लॅम्ब्रेटाच्या ट्रेडीशनल ओळखीची आठवण करून देतात.
या स्कूटरमध्ये रेट्रो स्टाइलचे डिजिटल इन्स्ट्रुमेंट क्लस्टर देण्यात आले आहे. जुन्या डिझाइनचा आकार कायम ठेवत त्यामध्ये डिजिटल टेक्नोलॉजीचा वापर करण्यात आला आहे. फ्लोटिंग सीट डिझाइन आणि साइड पॅनेल्समुळे स्कूटरला वेगळी पर्सनालीटी मिळते. मागच्या बाजूला LED टेललॅम्प देण्यात आला असून, तो न्यू लूकमध्ये भर घालतो.
5kW इलेक्ट्रिक मोटर आणि 119 किमी रेंज
लॅम्ब्रेटा Elettra S मध्ये PMSM इलेक्ट्रिक मोटर देण्यात आली आहे. ही मोटर 5kW पीक पॉवर निर्माण करते. स्कूटरमध्ये Eco, Normal आणि Sport असे 3 रायडिंग मोड्स देण्यात आले आहेत. यामुळे राइडिंगच्या गरजेनुसार मोड निवडता येतो.
कंपनीच्या दाव्यानुसार, या इलेक्ट्रिक स्कूटरचा टॉप स्पीड 90 किमी/तास आहे. यात 4.5kWh बॅटरी पॅक देण्यात आला असून, एका चार्जमध्ये जास्तीत जास्त 119 किमी रेंज मिळू शकते. बॅटरी पूर्ण चार्ज होण्यासाठी 5 तासांपेक्षा जास्त वेळ लागतो.
टीव्हीएसची ऑक्टोबरमध्ये 7 लाख वाहनांची विक्री! इलेक्ट्रिक स्कूटरच्या विक्रीत 120% वाढ
भारतात लाँच होणार का?
EICMA 2026 मध्ये सादर झालेली लॅम्ब्रेटा Elettra S ही कंपनीच्या इलेक्ट्रिक मोबिलिटी क्षेत्रातील नवीन सुरुवात आहे. रेट्रो डिझाइन, इलेक्ट्रिक मोटर आणि डिजिटल फीचर्स यांचा मेळ या स्कूटरमध्ये पाहायला मिळतो. पण भारतात तिची एन्ट्री, किंमत आणि विक्री सुरू होण्याबाबत कंपनीकडून माहिती समोर आलेली नाही.
भारतीय ग्राहकांना लॅम्ब्रेटाच्या जुन्या स्कूटर्सची आठवण करून देणारी ही इलेक्ट्रिक स्कूटर आवडू शकते. विशेषतः रेट्रो लूक असलेल्या इलेक्ट्रिक स्कूटरच्या शोधात असणाऱ्यांसाठी Elettra S हा एक उत्सुकतेचा विषय ठरू शकतो.
Ans: लॅम्ब्रेटा कंपनीने EICMA 2026 मध्ये Elettra S इलेक्ट्रिक स्कूटर सादर केली आहे. ही कंपनीची इलेक्ट्रिक स्कूटर क्षेत्रातील नवीन एन्ट्री आहे.
Ans: कंपनीच्या दाव्यानुसार, या स्कूटरची एका चार्जमध्ये जास्तीत जास्त रेंज 119 किमी आहे. तिचा टॉप स्पीड 90 किमी/तास आहे.
Ans: भारतात या स्कूटरच्या लाँचबाबत कंपनीने सध्या कोणतीही माहिती दिलेली नाही. तिची भारतीय किंमत आणि विक्री सुरू होण्याची तारीखही जाहीर झालेली नाही.
