शनिवार, 12 सप्टेंबर 2026
(फोटो सौजन्य-AI एआय)
कंपनीच्या नव्या प्रोडक्शनची सुरुवात ऑडी Q3 पासून होणार आहे. नवीन जनरेशन Q3 चे लॉन्च ऑक्टोबरमध्ये अपेक्षित असून त्यानंतर ऑडी A5 आणि फ्लॅगशिप ऑडी Q9 भारतीय बाजारात येणार आहेत. या नव्या मॉडेल्समुळे जुन्या उत्पादन पोर्टफोलिओमुळे निर्माण झालेली कमजोरी भरून काढण्याचा कंपनीचा प्रयत्न आहे. Q3 ची भारतातील बुकिंगही सुरू झाली असून ग्राहकांना ₹1 लाखांच्या टोकन रकमेत बुकिंग करता येते.
न्यू जनरेशन Audi Q3 चे बुकिंग भारतामध्ये अधिकृतपणे सुरू! लाँचपूर्वीच सुरू झाली प्रक्रिया
डीलर नेटवर्क वाढवणे हा देखील कंपनीच्या रणनीतीतील महत्त्वाचा भाग आहे. सध्या ऑडी इंडियाचे 29 शोरूम्स असून पुढील वर्षापर्यंत ही संख्या 40 पर्यंत नेण्याची योजना आहे. विस्तार केवळ मोठ्या शहरांपुरता मर्यादित न ठेवता टियर-1, टियर-2 आणि त्यापुढील शहरांमध्येही पोहोच वाढवण्याचा कंपनीचा मानस आहे.
यासोबतच ऑडी भारतात इलेक्ट्रिक वाहनांच्या सेगमेंटमध्ये पुन्हा जोरदार एंट्री करण्याची तयारी करत आहे. कंपनी भारतासाठी एका EV ला अंतिम रूप देत असून स्थानिक असेंब्ली किंवा उत्पादनाचा पर्याय तपासला जात आहे. आयात शुल्कामुळे EV ची किंमत वाढत असल्याने स्थानिक उत्पादन कंपनीसाठी अधिक स्पर्धात्मक किंमत देण्याच्या दृष्टीने महत्त्वाचे ठरू शकते.
कस्टमर एक्सपिरीअन्स सुधारण्यासाठी ऑडी आपल्या शोरूम्सचे ‘प्रोग्रेसिव्ह शोरूम’ संकल्पनेनुसार नूतनीकरण करत आहे. अधिक डिजिटल सुविधा, इंटरॅक्टिव्ह झोन आणि सुधारित विक्री प्रक्रिया यावर भर दिला जात आहे. त्यामुळे नवीन कार, विस्तारित नेटवर्क आणि EV धोरणाच्या जोरावर ऑडी भारतातील लक्झरी कार बाजारात आपला हिस्सा पुन्हा वाढवण्याच्या तयारीत आहे.
