अखेर भारतात Audi Q8 झाली लाँच, जाणून घ्या किंमत आणि अन्य फीचर्स

ऑडी कंपनी ही ओळखली जाते ती आपल्या विशेष आणि आकर्षक कार्समुळे. ऑडी कंपनीच्या कार्सची क्रेज आपल्याला संपूर्ण देशभर पाहायला मिळते. याच ग्राहकांच्या प्रेमामुळे कंपनीने फक्‍त १५ वर्षांमध्‍ये भारतात १ लाख विक्रीचा टप्‍पा गाठला आहे. तसेच नुकतेच ऑडी क्‍यू८ ही त्यांची नवीन कार भारतात लाँच झाली आहे. जाणून घेऊया या कारबद्दल.

फोटो सौजन्य: YouTube

Follow Us:

Follow Us:

ऑडी या जर्मन लक्‍झरी कार उत्‍पादक कंपनीने आज भारतात नवीन ऑडी क्‍यू८ च्‍या लाँचची घोषणा केली. नवीन ऑडी क्‍यू८ मध्‍ये डायनॅमिक स्‍पोर्टीनेस आणि सुधारित आकर्षकतेचे परिपूर्ण संयोजन आहे, जेथे प्रत्‍येक वैशिष्‍ट्यामधून आकर्षकता व शक्‍ती दिसून येते. नवीन ऑडी क्‍यू८ भारतात 1.17 रूपये (एक्‍स–शोरूम) या सुरूवातीच्‍या किंमतीत उपलब्‍ध आहे.

नवीन ऑडी क्‍यू८ च्‍या लाँच व्‍यतिरिक्‍त, ऑडी इंडियाने भारतात विक्रीचा चांगला टप्पा गाठला आहे. कंपनीने फक्‍त पंधरा वर्षांमध्‍ये एक लाख कार्सची विक्री केली आहे. हा क्षण साजरा करण्‍यासाठी ब्रँडने ऑडी ग्राहकांसाठी 100 डे सेलिब्रेशन बेनीफिट सादर केले आहे, ज्‍यामध्‍ये कोणत्‍याही खरेदीवर लॉयल्‍टी फायदे, सर्विस प्‍लॅन्‍स, एक्‍स्‍टेण्‍डेड वॉरंटी, ऑडी जेन्‍यूएन अ‍ॅक्‍सेसरीज, ऑडी जेन्‍यूएन मर्चंडाइज व कलेक्‍शन्‍स आणि आकर्षक कॉर्पोरेट व ट्रेड-इन फायद्यांचा समावेश आहे.

हे देखील वाचा: या दमदार फीचर्ससह लाँच झाली TVS Jupiter 110, जाणून घ्या किंमत आणि बरंच काही

ऑडी क्‍यू८ची वैशिष्ट्ये

ड्राइव्‍ह आणि कार्यक्षमता

• 3 लीटर टीएफएसआय इंजिनची शक्‍ती, जे देते 340 एचपी शक्‍ती आणि 500 एनएम टॉर्क, तसेच उच्‍च दर्जाची का‍मगिरी व कार्यक्षमतेसाठी 48 व्‍होल्‍ट माइल्‍ड हायब्रिड तंत्रज्ञानासह सुधारण्‍यात आले आहे.
• फक्‍त 5.6 सेकंदांमध्‍ये 0 ते 100 किमी/तास गती प्राप्‍त करते. या कारची अव्‍वल गती 250 किमी/तास आहे.
• डॅम्‍पर कंट्रोलसह सस्‍पेंशन संतुलित व आरामदायी राइड देते.
• इलेक्‍ट्रोमेकॅनिकल पॉवर स्‍टीअरिंग अचूक व सुधारित ड्रायव्हिंग गतीशीलता देते.
• सहा कस्‍टमायझेबल ड्रायव्हिंग मोड्ससह ऑडी ड्राइव्‍ह सिलेक्‍ट, तसेच ‘इंडिव्हिज्‍युअल’ मोड क्‍यू८ च्‍या कार्यक्षमतेमध्‍ये वाढ करते.

एक्‍स्‍टीरिअर

• नवीन एअर इनटेक ग्रिल व स्‍पॉयलर नवीन क्‍यू८ चे ऐरोडायनॅमिक प्रोफाइल आणि डायनॅमिक लुकमध्‍ये भर घालते.
• पॅनोरॅमिक सनरूफ आणि फ्रेमलेस दरवाजे स्‍लीक, आधुनिक डिझाइन देतात, जी आरामदाणीपणा व स्‍टाइलमध्‍ये भर घालते.
• प्रगत एचडी मॅट्रिक्‍स एलईडी हेडलाइट्ससह एक्‍स-शेप्‍ड डिझाइन असलेले लेझर बीम, तसेच सुधारित दृश्‍यमानता आणि विशिष्‍ट लुकसाठी डायनॅमिक इंडीकेटर्स.
• चार कस्‍टमायझेबल डिजिटल लाइट सिग्‍नेचर्स आकर्षक नवीन ऑडी क्‍यू८ च्‍या व्हिज्‍युअल लुकमध्‍ये अधिक भर घालतात.

आरामदायीपणा व तंत्रज्ञान:

• नवीन पार्क असिस्‍ट प्‍लस प्रभावी अचूक पार्किंगसाठी प्रगत पार्किंग असिस्‍टण्‍स देते.
• ३६०-डिग्री सराऊंड व्‍ह्यू कॅमेरा आसपासच्‍या भागांचे परिपूर्ण दृश्‍य देत सर्वसमावेशक दृश्‍यमानता आणि सुधारित सुरक्षितता देतो.
• दरवाज्‍यांसाठी पॉवर लॅचिंग सोयीसुविधेसह सुलभ व सुरक्षित क्‍लोजरची खात्री देते.
• इलेक्ट्रिकली उघडणारे व बंद होणारे टेलगेट बटन दाबल्‍यास एैसपैस सामानाची जागा उपलब्‍ध करून देते.

सेफ्टी फीचर्स

• ऑडी प्री-सेन्‍स इमर्जन्सी ब्रेकिंगच्‍या वेळी किंवा मर्यादेनुसार ड्रायव्हिंग करण्‍यासाठी प्रतिबंधात्‍मक संरक्षण देते.
• अधिक सुरक्षिततेसाठी आठ एअरबॅग्‍जसह कारमध्ये देण्यात आले आहे.
• इलेक्‍ट्रॉनिक स्‍टेबिलायझेशन प्रोग्राम आव्‍हानात्‍मक स्थितींमध्‍ये घर्षण कायम राखण्‍यासाठी आपोआपपणे पॉवर व ब्रेकिंग समायोजित करत एकूण व्हेईकल स्थिरता आणि नियंत्रण वाढवते.

Web Title: Audi q8 launched in india know all features

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com