सोमवार, 2 नोव्हेंबर 2026
Chandrashekhar Bawankule
येथील निंभोरा खुर्द भागात स्थित स्कूल ऑफ स्कॉलर्स मध्ये नव्याने निर्मित धनुर्विद्या मैदानावर पालकमंत्री श्री. बावनकुळे यांच्या उपस्थितीत शाळेच्या प्रशिक्षित तिरंदाज विद्यार्थ्यांनी नेम धरला व औपचारिकरित्या फित कापून धनुर्विद्या मैदानाचे उद्घाटन केले. त्यावेळी ते बोलत होते. खासदार डॉ. अनिल बोंडे,आमदार सर्वश्री प्रताप अडसळ, प्रवीण तायडे, राजेश वानखडे, अग्निहोत्री गृप ऑफ इन्स्टिट्यूटचे सचिव सचिन अग्निहोत्री, शाळेचे मुख्याध्यापक एन. संतोष कुमार आदी यावेळी उपस्थित होते.
पालकमंत्री श्री. बावनकुळे म्हणाले शालेय स्तरावर उत्तमोत्तम क्रीडा सुविधा उपलब्ध झाल्याने या क्षेत्रात पुढे जाण्याची दालन उघडतात. स्कूल ऑफ स्कॉलर्सच्या धनुर्विद्या मैदानाहून प्रशिक्षित होऊन जागतिक दर्जाचे खेळाडू घडतील. नुकतेच आशियाई क्रीडा स्पर्धेत धनुर्विद्या खेळात अमरावतीच्या खेळाडूंचे यशाने ही बाब अधोरेखित झाल्याचे त्यांनी सांगितले. क्रीडा क्षेत्रातील उत्तम सुविधा व खेळाडूंच्या सातत्यपूर्ण मेहनतीने या जिल्ह्यातून येत्याकाळातही आंतरराष्ट्रीय खेळाडू घडतील असेही त्यांनी सांगितले. शाळेचे मुख्याध्यापक एन. संतोष कुमार यांनी स्वागतपर भाषण केले तर अग्निहोत्री गृप ऑफ इन्स्टिट्यूटचे सचिव सचिन अग्निहोत्री यांनी प्रास्ताविक केले.
या शाळेचे माजी विद्यार्थी आंतरराष्ट्रीय धनुर्धर यशदीप भोगे यांचे प्रशिक्षक गणेश विश्वकर्मा यांच्या उपस्थितीत यशदीप यांचे वडील संजय भोगे यांचा यावेळी श्री. बावनकुळे यांच्या हस्ते सत्कार करण्यात आला.
जपान येथे नुकत्याच आयोजित आशियाई क्रीडा स्पर्धेतील सुवर्णपदक विजेत्या आंतरराष्ट्रीय कीर्तीच्या धनुर्धर कुमकुम मोहोड यांच्या साई नगर परिसरातील गोसावी कॉलनीत स्थित घरी जाऊन पालकमंत्री चंद्रशेखर बावनकुळे यांनी त्यांचा सत्कार केला. खासदार डॉ. अनिल बोंडे, आमदार सर्वश्री प्रताप अडसळ, प्रवीण तायडे, राजेश वानखडे, कुमकुम यांचे वडील अनिल मोहोड, आई रुपाली मोहोड आणि कुटुंबीय आदी यावेळी उपस्थित होते.
श्री. बावनकुळे यांनी यावेळी कुमकुम यांच्याशी अनौपचारिक गप्पा मारल्या व तिरंदाजीतील त्यांच्या प्रवासाविषयी आणि आशियाई क्रीडा स्पर्धेतील यशासह विविध आंतरराष्ट्रीय स्पर्धेतील यशाबाबत माहिती जाणून घेतली. ऑलिम्पिक स्पर्धेतही कुमकुम यांनी यश मिळवून देशाचे नाव उज्ज्वल करावे अशा अपेक्षा व्यक्त करून त्यांच्या पुढील वाटचालीसाठी शुभेच्छा दिल्या.
Satara News : सातारा बँक निवडणुकीत बोगस महिला निरीक्षकाचा शिरकाव; पोलिसांनी घेतले ताब्यात
Ans: पालकमंत्री चंद्रशेखर बावनकुळे यांनी स्कूल ऑफ स्कॉलर्सच्या नवनिर्मित धनुर्विद्या मैदानाचे उद्घाटन केले.
Ans: अमरावतीतील निंभोरा खुर्द येथे असलेल्या स्कूल ऑफ स्कॉलर्स शाळेत धनुर्विद्या मैदानाचे उद्घाटन करण्यात आले.
Ans: पालकमंत्री चंद्रशेखर बावनकुळे यांनी आशियाई क्रीडा स्पर्धेत सुवर्णपदक जिंकणाऱ्या आंतरराष्ट्रीय धनुर्धर कुमकुम मोहोडचा सत्कार केला.
