Bajaj Auto: बजाज प्रेमींसाठी मोठी बातमी! या वर्षीच्या ख्रिसमसला बजाज लाँच करणार आपली पहिली अ‍ॅडव्हेंचर बाईक

बजाज कंपनी २५०सीसी इंजिनसह आपली पहिली अ‍ॅडव्हेंचर मोटरसायकल बाजारात आणण्यासाठी सज्ज झाली असून ख्रिसमसपूर्वी तिचे आगमन होण्याची शक्यता आहे. ही नवीन बाईक भारतीय दुचाकी बाजारात प्रस्थापित कंपन्यांना कितपत तगडे आव्हान देईल, याबद्दल आता प्रचंड उत्सुकता निर्माण झाली आहे.

• बजाजची पहिली  पर्पज बिल्ट अ‍ॅडव्हेंचर बाईक ख्रिसमसच्या मुहूर्तावर बाजारात दाखल होण्याची दाट शक्यता वर्तवली जात आहे.
• या नव्या अ‍ॅडव्हेंचर मोटरसायकलमध्ये पल्सर N250 मधील शक्तिशाली २५०सीसी इंजिन वापरले जाण्याचा अंदाज व्यक्त केला जातोय.
• स्पोक व्हील्स, उंच डिझाइन आणि आधुनिक वैशिष्ट्यांमुळे ही बाईक हिरो एक्सपल्स २१० सारख्या गाड्यांना थेट आव्हान देईल.

बजाज ऑटो अखेर आपली पहिली पर्पज बिल्ट अ‍ॅडव्हेंचर मोटरसायकल लाँच करून अ‍ॅडव्हेंचर सेगमेंटमध्ये प्रवेश करण्यासाठी सज्ज झाली आहे. ही बाईक भारतात अनेकदा चाचणीदरम्यान दिसून आली आहे आणि ताज्या माहितीनुसार, २०२६ संपण्यापूर्वी ही बाजारात दाखल होऊ शकते. ही बाईक सर्वात आधी ब्राझीलच्या बाजारात लाँच होण्याची शक्यता आहे, तर भारतामध्ये सणासुदीच्या काळात ही लाँच केली जाऊ शकते.

कंपनीने अद्याप लाँचची अधिकृत तारीख जाहीर केलेली नाही, परंतु बजाज ब्राझीलचे एक्झिक्युटिव्ह डायरेक्टर वॉल्डिर फेरेरा यांनी स्पष्ट केले आहे की, वर्षाच्या शेवटी ग्राहकांना ही नवीन ऑन-रोड/ऑफ-रोड बाईक “ख्रिसमस भेट” म्हणून मिळू शकते. ब्राझीलमध्ये या बाईकच्या पार्ट्सचे डेव्हलपमेंट आणि होमोलोगेशनचे काम सुरू झाले आहे, तर भारतातील चाचणीवरून हे स्पष्ट होते की भारतीय बाजारपेठ ही त्यांच्या मुख्य लाँच प्लॅनचा भाग आहे.

Bajaj Pulsar New Bikes: २८ ऑगस्टच्या लाँचिंगपूर्वी न्यू-जनरेशन बजाज पल्सर १२५ आणि पल्सर १५० चा टीझर रिलीज

डिझाईन आणि नाव

कंपनीने ‘Bajaj Trekker’ हे नाव ट्रेडमार्क केले असल्याने या बाईकला हे नाव दिले जाण्याची शक्यता आहे, तरीही बजाजने उत्पादनाचे नाव अजून अधिकृत केलेले नाही. या बाईकचे डिझाईन पारंपारिक अ‍ॅडव्हेंचर-बाईकसारखेच आहे. यामध्ये उंच फ्रंट एंड, बीक-स्टाईल मडगार्ड, फॉर्क गेटर्स, लांब सिंगल-पीस सीट आणि वरच्या बाजूला झुकलेला एक्झॉस्ट दिला आहे.

हार्डवेअर आणि फीचर्स

चाचणीदरम्यान दिसलेल्या मॉडेलमध्ये स्पोक व्हील्स वापरण्यात आले आहेत, जे पुढे १९-इंच आणि मागे १७-इंच असू शकतात. यामुळे रस्त्यावरील प्रवासासोबतच हलक्या ऑफ-रोडिंगसाठी चांगला समतोल मिळेल.

सस्पेंशन: समोर टेलिस्कोपिक फॉर्क्स आणि मागे मोनोशॉक सस्पेंशन.

ब्रेकिंग: दोन्ही चाकांना डिस्क ब्रेक्स.

सुरक्षा: स्विचेबल ABS मोड मिळण्याची शक्यता आहे

Pulsar Series vs. Splendor Series : ५ वर्षांच्या वापरानंतर दोन्ही गाड्यांचा मेंटेनन्स खर्च, स्पेअर पार्ट्सची उपलब्धता आणि रीसेल व्

इंजिन आणि परफॉर्मन्स

इंजिनच्या बाबतीत कंपनीने अधिकृत खुलासा केलेला नाही, परंतु यात Pulsar N250 मधील २४९ cc एअर/ऑइल-कुल्ड सिंगल-सिलिंडर इंजिन मिळण्याची सर्वाधिक शक्यता आहे. पल्सरमध्ये हे इंजिन २४.५ PS पॉवर आणि २१.५ Nm टॉर्क जनरेट करते आणि ते ५-स्पीड गिअरबॉक्सशी जोडलेले आहे. अ‍ॅडव्हेंचर टूरिंगच्या गरजा लक्षात घेता, बजाज याच्या इंजिन मॅपिंग आणि गिअरिंगमध्ये काही बदल करू शकते.

बाजारात आल्यानंतर ही मोटरसायकल Hero Xpulse 210, Yezdi Adventure आणि Suzuki V-Strom SX या बाईक्सशी थेट स्पर्धा करेल. इंजिनच्या आकारावरून बजाज या बाईकची किंमत अत्यंत स्पर्धात्मक ठेवेल अशी अपेक्षा आहे.