सुरक्षित Electric car च्या शोधात आहात? ‘या’ आहेत 5-स्टार सेफ्टी रेटिंग मिळवणाऱ्या EV

जर तुम्ही एका अशा इलेक्ट्रिक कारच्या शोधात असाल जिला सेफ्टी टेस्टमध्ये 5 स्टार सेफ्टी रेटिंग मिळाली आहे, तर ही बातमी तुमच्यासाठी आहे.

• 5-स्टार सेफ्टी रेटिंग मिळवणाऱ्या इलेक्ट्रिक कार
• लिस्टमध्ये मारुती, टाटा आणि महिंद्राच्या कारचा समावेश
• जाणून या कार्सची माहिती

भारतामध्ये इलेक्ट्रिक कार्सच्या मागणीत गेल्या काही वर्षांत झपाट्याने वाढत आहे. त्यामुळे विविध कंपन्या वेळोवेळी नवीन ईव्ही मॉडेल्स भारतीय बाजारात लाँच करत आहेत. या इलेक्ट्रिक कार्स उत्कृष्ट रेंजसोबतच दमदार सेफ्टी फीचर्ससह येत आहेत. भारतात अशा अनेक इलेक्ट्रिक कार्स आहेत ज्यांनी Bharat NCAP सेफ्टी टेस्टमध्ये 5 सेफ्टी रेटिंग मिळवली आहे . या यादीत आता टाटा आणि महिंद्रासारख्या कंपन्यांसोबत मारुती सुजुकीचाही समावेश झाला आहे.

Ola-Uber चा बाजार उठला म्हणून समजाच! भारत सरकारचा ‘हा’ ॲप ड्रायव्हरला देईल 100 टक्के भाडे

मारुती ई-विटारा (Maruti E-Vitara)

मारुती सुजुकीने आपली पहिली इलेक्ट्रिक कार E-Vitara भारतीय बाजारात अधिकृतपणे रिव्हील केली आहे. याचे लाँच जानेवारी 2026 मध्ये होणार आहे. ही कार लाँच होण्यापूर्वीच या कारने Bharat NCAP क्रॅश टेस्ट उत्तीर्ण केली असून तिला 5-स्टार सेफ्टी रेटिंग मिळाले आहे. Adult Occupant Protection (AOP) मध्ये या कारला 32 पैकी 31.49 गुण तर Child Occupant Protection (COP) मध्ये 49 पैकी 43 गुण मिळाले आहे.

भारत NCAP कडून 5-स्टार रेटिंग मिळालेल्या इलेक्ट्रिक कार्स

टाटा मोटर्सच्या अनेक इलेक्ट्रिक कारना इंडिया एनसीएपीकडून 5-स्टार सेफ्टी रेटिंग मिळाले आहे. या कारमध्ये पंच ईव्ही, हॅरियर ईव्ही, नेक्सन ईव्ही आणि कर्व्ह ईव्ही यांचा समावेश आहे.

• टाटा हॅरियर ईव्हीने ॲडल्ट ऑक्यूपेंट प्रोटेक्शन (एओपी) मध्ये 32 पैकी 32 आणि चाइल्ड ऑक्युपंट प्रोटेक्शन (सीओपी) मध्ये 49 पैकी 45 गुण मिळवले आहेत.
• टाटा पंच ईव्हीनेॲडल्ट ऑक्यूपेंट प्रोटेक्शन (एओपी) मध्ये 32 पैकी 31.46 आणि चाइल्ड ऑक्युपंट प्रोटेक्शन (सीओपी) मध्ये 49 पैकी 45 गुण मिळवले आहेत.
• टाटा नेक्सन ईव्हीने ॲडल्ट ऑक्यूपेंट प्रोटेक्शन (एओपी) मध्ये ३२ पैकी 29.86 आणि चाइल्ड ऑक्युपंट प्रोटेक्शन (सीओपी) मध्ये 49 पैकी 44.95 गुण मिळवले आहेत.
• टाटा कर्व्ह ईव्हीने ॲडल्ट ऑक्यूपेंट प्रोटेक्शन (एओपी) 32 पैकी 30.81 गुण मिळवले आणि चाइल्ड ऑक्युपंट प्रोटेक्शन (सीओपी) 49 पैकी 44.83 गुण मिळवले.

543 Km रेंज, 7 एअरबॅग्स आणि ADAS फिचर! Maruti E-Vitara कंपनीसाठी का गेमचेंजर ठरणार? जाणून घ्या

महिंद्राच्या कार्सचा जलवा

भारतीय बाजारात टाटा मोटर्सनंतर सर्वाधिक इलेक्ट्रिक कार्स महिंद्रा कंपनीकडे आहेत. प्रवाशांच्या सुरक्षेला प्राधान्य देताना महिंद्राने आपल्या ईव्ही मॉडेल्समध्ये उत्कृष्ट सेफ्टी फीचर्स दिले आहेत. महिंद्राच्या अनेक इलेक्ट्रिक गाड्यांनी Bharat NCAP क्रॅश टेस्ट उत्तीर्ण करत 5-स्टार सेफ्टी रेटिंग मिळवले आहे. या यादीमध्ये Mahindra XUV400 EV, XEV 9e आणि BE 6 या मॉडेल्सचा समावेश आहे.

Mahindra XUV400 EV

• AOP: 32 पैकी 30.38 गुण
• COP: 49 पैकी 43 गुण

Mahindra XEV 9e

• AOP: 32 पैकी 32 गुण
• COP: 49 पैकी 45 गुण

Mahindra BE 6

• AOP: 32 पैकी 31.97 गुण
• COP: 49 पैकी 45 गुण