गोदावरी इलेक्ट्रिक मोटर्सचा Shriram Finance लिमिटेडसोबत पार्टनरशिप
देशात इलेक्ट्रिक वाहनांना चांगली मागणी मिळत आहे. हीच मागणी अनेक आघाडीच्या वाहन उत्पादक कंपन्या ग्राहकांसाठी स्वस्तात मस्त अशा इलेक्ट्रिक वाहने लाँच करत आहे. यातीलच एक महत्वाचे नाव म्हणजे गोदावरी इलेक्ट्रिक.
गोदावरी इलेक्ट्रिक मोटर्स, एक नाविन्यपूर्ण इलेक्ट्रिक वाहन उत्पादक कंपनी, ने आज श्रीराम फायनान्स लिमिटेडसोबत धोरणात्मक सहयोगाची घोषणा केली. या सहयोगामुळे भारतभरातील ग्राहकांना गोदावरी इलेक्ट्रिक वाहन खरेदीसाठी विशेष फायनान्सिंग सोल्यूशन्स उपलब्ध होणार आहेत. यामुळे ग्राहकांना आर्थिक दृष्ट्या सोयीस्कर आणि सुलभ अटींवर इलेक्ट्रिक वाहन खरेदी करण्यास मदत मिळेल. या सहयोगाचा उद्देश इलेक्ट्रिक गतीशीलतेच्या प्रसाराला गती देणे आणि भारतातील पर्यावरणीय बदलांचा सामना करण्यासाठी इलेक्ट्रिक वाहनांच्या वापराला प्रोत्साहन देणे आहे. गोदावरी इलेक्ट्रिक मोटर्स आणि श्रीराम फायनान्स यांच्या या उपक्रमाने भारतीय बाजारात मोठे परिवर्तन आणण्याची आशा आहे.
या सहयोगाचा ‘श्रीराम ग्रीन फायनान्स’ उपक्रमांतर्गत गोदावरी इलेक्ट्रिक मोटर्सच्‍या इलेक्ट्रिक दुचाकी व तीनचाकींच्‍या संपूर्ण श्रेणीसह लो-स्‍पीड व हाय-स्‍पीड इलेक्ट्रिक वेईकल्‍स (ईव्ही – एल३ व एल५)साठी सर्वसमावेशक फायनान्सिंग पर्याय देण्‍याचा मनसुबा आहे.
10 हजारांपेक्षा कमी पैसे भरून Hunter 350 होईल तुमच्या नावावर, फक्त जाणून घ्या EMI चं संपूर्ण गणित
या सहयोगाच्‍या माध्‍यमातून श्रीराम फायनान्स लिमिटेड गोदावरी इलेक्ट्रिक मोटर्ससाठी पसंतीची फायनान्स सहयोगी म्‍हणून सेवा देईल, तसेच सर्वोत्तम फायनान्सिंग सोल्यूशन्स देईल, जे ग्राहकांना अधिक किफायतशीरपणे व सुलभपणे इलेक्ट्रिक वेईकल्‍सचा अवलंब करण्यास साह्य करतील. फायनान्सिंग पर्याय संपूर्ण भारतात उपलब्ध असतील, जेथे देशभरातील ग्राहकांना आकर्षक कर्ज ऑफर्स आणि सुलभ मुदत व कमी प्रक्रिया शुल्‍कांमधून फायदा होऊ शकण्‍याची खात्री मिळेल.
EV पेक्षा CNG Cars चा बोलबाला जास्त ! रोजच्या प्रवासासाठी ‘या’ CNG कार आहेत बेस्ट
गोदावरी इलेक्ट्रिक मोटर्सचे मुख्‍य कार्यकारी अधिकारी हैदर खान म्हणाले, “आम्‍हाला ग्राहकांकरिता सोईस्‍कर व स्थिर फायनान्सिंग पर्याय सादर करण्यासाठी श्रीराम फायनान्स लिमिटेडसोबत या धोरणात्मक सहयोगाची घोषणा करताना आनंद होत आहे. शाश्‍वत ई-गतीशीलता सोल्‍यूशन्‍सना चालना देण्‍याप्रती आमच्‍या सुरू असलेल्‍या कटिबद्धतेचा भाग म्‍हणून हा सहयोग ग्राहकांना उच्‍च दर्जाच्‍या इलेक्ट्रिक वेईकल्‍सचे मालक बनणे सोपे करेल. आमची पंसतीची सहयोगी म्‍हणून श्रीराम फायनान्‍ससोबत आम्‍हाला विश्‍वास आहे की, भारतभरातील अधिकाधिक लोक पर्यावरणपूरक गतीशीलता सोल्‍यूशन्‍सचा अवलंब करतील.”
फायनान्सिंग सोल्‍यूशन्‍समध्‍ये स्‍पर्धात्‍मक व्‍याजदर, दीर्घकालीन कर्ज मुदत आणि सोपी अर्ज प्रक्रिया यांचा समावेश असेल, तसेच श्रीराम फायनान्स लि. आकर्षक फायनान्स पर्याय देतील, ज्‍यामुळे ईव्‍हींच्‍या विक्रीला गती मिळेल. हे सोल्यूशन्स गोदावरी इलेक्ट्रिक मोटर्सच्‍या इलेक्ट्रिक दुचाकी, तीन-चाकी आणि एल३ व एल५ कॅटेगरी इलेक्ट्रिक वेईकल्‍स खरेदी करू पाहणाऱ्या ग्राहकांच्‍या गरजांची पूर्तता करतील.
