Honda एका मागोमाग एक अशा 5 पॉवरफुल कार लाँच करण्याच्या तयारीत, EV सोबतच Hybrid Car वर जास्त लक्ष

भारतीय मार्केटमध्ये Honda च्या कार्सना दमदार मागणी मिळते. अशातच आता कंपनी लवकरच एक दोन नव्हे तर 5 नवीन कार्स लाँच करणार आहे. चला याबद्दल अधिक माहिती जाणून घेऊयात.

भारतीय मार्केटमध्ये अनेक उत्तम ऑटो कंपन्या आहेत, त्यातीलच एक आघाडीची कार कंपनी म्हणजे Honda. होंडाने देशात ग्राहकांच्या सोयीनुसार बेस्ट आणि चांगला परफॉर्मन्स देणाऱ्या कार, बाईक आणि स्कूटर ऑफर केल्या आहेत. अशातच आता कंपनी 5 नवीन कार लाँच करणार आहे.

गेल्या काही वर्षांत भारतात हायब्रिड कारची मागणी झपाट्याने वाढली आहे. पेट्रोल-डिझेल आणि इलेक्ट्रिक वाहनांच्या बरोबरीने अनेक कार कंपन्या आता हायब्रिड तंत्रज्ञानावर देखील काम करत आहेत. आता होंडा देखील या शर्यतीत सामील झाली आहे.

सध्या भारतात होंडाकडे फक्त एकच हायब्रिड कार City e:HEV आहे, परंतु कंपनी आता आणखी स्वस्त हायब्रिड कार आणण्याची तयारी करत आहे, ज्याची सुरुवातीची किंमत सुमारे 15 लाख रुपये असू शकते.

Shefali Jariwala च्या कलेक्शनमध्ये महागड्या कारचा समावेश, सुरवातीची किंमतच कोटींपासून सुरु

होंडाने भारतात आपल्या भविष्यातील योजनांबद्दल मोठी घोषणा केली आहे. कंपनी 2029 पर्यंत देशात एकूण 5 नवीन कार लाँच करण्याच्या तयारीत आहे, ज्यामध्ये हायब्रिड एसयूव्ही, नवीन जनरेशनची होंडा सिटी, सब-4 मीटर एसयूव्ही आणि दोन इलेक्ट्रिक कार असतील. हे सर्व मॉडेल होंडाच्या नवीन PF2 मॉड्यूलर प्लॅटफॉर्मवर आधारित असतील, जे पेट्रोल, हायब्रिड आणि ईव्ही या तिन्ही पॉवरट्रेनला सपोर्ट करते.

2027 मध्ये नवीन हायब्रीड एसयूव्हीची एंट्री

होंडा 2027 मध्ये एक पूर्णपणे नवीन 7-सीटर एसयूव्ही सादर करेल, जी सध्याच्या Honda Elevate च्या वर असेल. ही एसयूव्ही 1.5 -लिटर पेट्रोल इंजिनसह मजबूत हायब्रिड सिस्टमने सुसज्ज असेल, जी टोयोटा इनोव्हा हायक्रॉस सारख्या कारच्या बरोबरीची असेल. ही कार होंडाच्या PF2 प्लॅटफॉर्मवर आधारित असेल, जी मल्टी-एनर्जीला सपोर्ट करते.

2028 मध्ये 6Th जनरेशन Honda City होणार लाँच

2028 मध्ये, होंडा त्यांच्या लोकप्रिय मॉडेल सिटीचे सहाव्या जनरेशनचे मॉडेल लाँच करेल. त्यात पूर्णपणे नवीन डिझाइन, आधुनिक तंत्रज्ञान आणि चांगल्या फ्युएल एफिशियन्सीसह मजबूत हायब्रिड पॉवरट्रेनचा समावेश असेल. याशिवाय, नियमित पेट्रोल इंजिनचा पर्याय देखील दिला जाईल. त्याचे उत्पादन मे 2028 पासून सुरू होण्याची शक्यता आहे.

2029 मध्ये सब-4 मीटर एसयूव्ही

2029 मध्ये होंडा एक नवीन सब-कॉम्पॅक्ट एसयूव्ही लाँच करणार आहे, जी पूर्णपणे भारतीय ग्राहकांच्या गरजा लक्षात घेऊन डिझाइन केली जाईल. ती PF2 प्लॅटफॉर्मवर देखील तयार केली जाईल आणि त्यात 1.5 लिटर पेट्रोल इंजिनसह एक मजबूत हायब्रिड सिस्टम समाविष्ट असू शकते. ती टाटा नेक्सॉन आणि मारुती ब्रेझा सारख्या कारशी स्पर्धा करू शकते.

Old Vehicles Ban : १ जुलैपासून लाखो वाहने होणार भंगारात जमा , पॅनेलने दिली मंजुरी, CNG वाहनांचे काय होणार?

कंपनीची पहिली इलेक्ट्रिक कार

होंडा 2026 मध्ये EV Elevate म्हणून आपली पहिली इलेक्ट्रिक कार लाँच करणार आहे. ही कार सध्याच्या होंडा एलिव्हेटवर आधारित असेल, परंतु त्यात पूर्णपणे बॅटरी इलेक्ट्रिक पॉवरट्रेन असेल. कंपनी भारतातच मोठ्या प्रमाणात त्याचे स्थानिकीकरण करण्याची योजना आखत आहे, जेणेकरून त्याची किंमत 15 ते 18 लाख रुपयांच्या दरम्यान असू शकते.

ईव्ही एलिव्हेट नंतर, होंडा 2029 पर्यंत आणखी एक इलेक्ट्रिक एसयूव्ही लाँच करणार आहे , जी ईव्ही एलिव्हेटच्या खाली असेल. ही नवीन ईव्ही देखील PF2 प्लॅटफॉर्मवर आधारित असेल आणि त्याची किंमत 12 ते 14 लाख रुपयांच्या दरम्यान असू शकते.