रविवार, 27 सप्टेंबर 2026
(फोटो सौजन्य-AI एआय)
कियाच्या डीलरशिप विक्री परिसंस्थेत समाविष्ट केलेले किया क्विक फायनान्स डीलरशिप्सना ग्राहकांचा फायनान्स अर्ज डिजिटल पद्धतीने सुरू करण्यास, उपलब्ध कर्ज ऑफर्सची तुलना करण्यास आणि मंजूरीसाठी ग्राहकाने निवडलेल्या फायनान्सरकडे अर्ज पाठवण्यास मदत करते. यामुळे जलद निर्णय घेणे शक्य होते आणि फायनान्सिंग प्रक्रिया पूर्ण होण्याचा वेळ कमी होतो.
कियाच्या कारवर या सप्टेंबरमध्ये तब्बल ₹1.70 लाखांपर्यंत सूट; जाणून घ्या ऑफर्स
रिअल-टाइम अॅप्लिकेशन ट्रॅकिंगमुळे डीलरशिप्सना ग्राहकांना त्यांच्या कर्ज अर्जाच्या प्रक्रियेबाबत सातत्याने अपडेट ठेवता येते, ज्यामुळे खरेदीच्या प्रवासात पारदर्शकता वाढण्यास आणि होणारा विलंब टाळण्यास मदत होते.
किया क्विक फायनान्स ग्राहकांची माहिती आणि फायनान्सिंग गरजांची नोंद घेण्यापासून कर्जाच्या ऑफर्सची तुलना करणे, अर्ज सबमिट करणे आणि अर्जाची सद्यस्थिती ट्रॅक करणे यांसारखे आर्थिक प्रक्रियेचे महत्त्वाचे टप्पे डिजिटल स्वरूपात आणते. एकात्मिक डिजिटल प्रक्रियेद्वारे डीलरशिप्स आणि सहभागी फायनान्सर्सना एकत्र आणून हे सोल्यूशन ग्राहकांना अधिक पारदर्शकता आणि सुलभता प्रदान करते, तसेच वेईकल खरेदीचा अनुभव अधिक विनाव्यत्यय बनवण्यास मदत करते.
किया क्विक फायनान्सच्या माध्यमातून किया इंडियाचा आपली डिजिटल रिटेल परिसंस्था अधिक दृढ करण्याचा आणि एकूण वेईकल खरेदीचा अनुभव उत्साहवर्धक करण्याचा मनसुबा आहे. या उपक्रमामधून ग्राहकांना अधिक सुविधा, पारदर्शकता आणि नियंत्रण देणारे तंत्रज्ञानाधारित पर्याय उपलब्ध करून देण्यावर कंपनीचे असलेले सातत्यपूर्ण लक्ष दिसून येते.
