18 कॅरेट सोन्याने मढवलेल्या ‘या’ कारचा विषयच हार्ड! James Bond च्या चित्रपटाशी आहे खास कनेक्शन

रोल्स रॉयसच्या कार नेहमीच चर्चेचा विषय ठरत असतात. अशातच आज आपण अशा कारबद्दल जाणून घेणार आहोत, ज्याला 18 कॅरेट सोन्याने बनवलेले आहे.

फोटो सौजन्य: @007 (X.com)

Follow Us:

Follow Us:

भारतासह जगभरात वेगवेगळ्या सेगमेंटमध्ये अनेक उत्तम फीचर्स आणि परफॉर्मन्स असणाऱ्या कार्स उपलब्ध आहेत. ग्राहक आपल्या गरजेनुसार बजेट, SUV, सेडान, किंवा लक्झरी अशा विविध प्रकारातील कार्स खरेदी करतात. विशेषतः लक्झरी सेगमेंटमध्ये डिझाइन, स्टाईल, टेक्नोलॉजी आणि हाय परफॉर्मन्समुळे ग्राहकांमध्ये एक वेगळीच क्रेझ पाहायला मिळते. BMW, Mercedes-Benz, Audi, Lexus यांसारख्या ब्रँड्सच्या कार्सना भारतात चांगली मागणी आहे.

जगभरात अनेक उत्तम लक्झरी कार उत्पादक कंपन्या आहेत. Rolls-Royce ही त्यातीलच एक. रोल्स-रॉइस कंपनी जगभरात लक्झरी कार बनवण्यासाठी प्रसिद्ध आहे. त्याच वेळी, कंपनीची एक अनोखी कार देखील आहे, ज्याचे केबिन 18 कॅरेट सोन्याने बनलेले आहे. ही कार जेम्स बाँड या स्पाय चित्रपटात दिसलेल्या रोल्स-रॉइस कारला लक्षात घेऊन डिझाइन करण्यात आली आहे. या चित्रपटातील खलनायक गोल्डफिंगरने या चित्रपटात रोल्स-रॉइस फॅंटम वापरली होती.

Rolls-Royce Goldfinger चे डिझाइन

रोल्स-रॉइस वेगवेगळ्या प्रकारे कार कस्टमायझ करण्यासाठी ओळखली जाते. सोन्यापासून बनवलेली ही कार 1937 च्या फॅंटम III सारखी डिझाइन करण्यात आली आहे, जी डबल टोन कॉम्बिनेशनसह येते. या कारची किंमत सुमारे 6 मिलियन डॉलर्स आहे. तेच भारतीय चलनात त्याची किंमत 51.39 कोटी रुपये आहे.

ही कार काळ्या आणि पिवळ्या रंगात आणण्यात आली आहे. या कारवरील Spirit of Ecstasy चा पुतळा 18 कॅरेट सोन्याची लेपित आहे. या लक्झरी कारमध्ये फ्लोटिंग सिल्व्हर हबकॅपसह 21 इंच काळे व्हील्स आहेत. या व्हील्समुळे कारला गोल्डफिंगरच्या कारसारखा लूक देण्यात आला आहे.

कसा आहे कारचा इंटिरिअर?

रोल्स-रॉइस गोल्डफिंगरच्या केबिनमधील एलिमेंट सोन्याने बनलेले आहेत. या कारमध्ये 18 कॅरेट सोन्याचा बार आहे. 1964 च्या चित्रपटात गोल्डफिंगरने एक ओळ म्हटली होती – ‘हे सोने आहे, मिस्टर बाँड’, ही ओळ ग्लोव्हबॉक्सवर लिहिलेली आहे, जेणेकरून चित्रपटाची थीम संपूर्ण आतील भागात दिसून येईल. चित्रपटात गोल्डफिंगर कारमध्ये सोने तस्करी करत होता.

हा लोगो कारवर बसवण्यात आला आहे

रोल्स-रॉइस फॅंटम गोल्डफिंगरच्या बूट-स्पेसमध्ये 007-लोगो प्रोजेक्टर बसवण्यात आला आहे. या कारच्या लायसन्स प्लेटवर AU 1 लिहिलेले आहे, कारण रसायनशास्त्रात सोन्याचे प्रतीक AU आहे, जे ही कार सोन्यापासून बनवल्याबद्दल माहिती देते.

Web Title: Know about rolls royce goldfinger made with 18 carat gold

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com