Tata Curvv विकत घेण्यासाठी तुमचा पगार किती असावा? जाणून घ्या

नुकतेच Tata Motors ने आपली नवीन इलेक्ट्रिक SUV Tata Curve EV भारतीय कार मार्केटमध्ये लाँच केली आहे. या शानदार इलेक्ट्रिक कारची किंमत 17.49 लाख रुपयांपासून (एक्स-शोरूम) सुरू होते. अनके जण ही कार खरेदी करण्यासाठी आपल्या पैशाचा हिशोब मांडत आहे. चला जाणून घेऊया, ही कार घेण्यासाठी तुमचा पगार किती असावा.

फोटो सौजन्य: YouTube

Follow Us:

Follow Us:

भारतीय ऑटोमोबाइल क्षेत्र टाटा मोटर्स शिवाय अपूर्ण आहे. टाटा आपल्या ग्राहकांसाठी नेहमीच नवनवीन कार्स मार्केटमध्ये लाँच करत असतात. आता येणार काळ पाहता कंपनी इलेक्ट्रिक कार्सच्या निर्मितीवर भर देताना दिसत आहे.

नुकतेच कंपनीने आपली नवीन इलेक्ट्रिक SUV Tata Curve EV भारतीय बाजारात लाँच केली आहे. या दमदार इलेक्ट्रिक कारची किंमत 17.49 लाख रुपयांपासून (एक्स-शोरूम) सुरू होते. ही इलेक्ट्रिक कार एकूण सात व्हेरियंटमध्ये आणि 5 वेगवेगळ्या रंगांमध्ये उपलब्ध आहे. या कारची ड्रायव्हिंग रेंज सुमारे 550 किलोमीटर असल्याचे सांगितले जाते, ज्यामुळे ती लांब पल्ल्यासाठीही उत्तम इलेक्ट्रिक कार बनते. पण प्रश्न असा पडतो की ही कार घेण्यासाठी तुमचा पगार किती असला पाहिजे.

जर तुम्ही ही SUV खरेदी करण्याचा विचार करत असाल तर सर्वप्रथम तुम्हाला तुमची आर्थिक स्थिती लक्षात घेऊन योग्य योजना बनवावी लागेल. एखादी कार खरेदी करताना तुम्हाला काही महत्त्वाच्या गोष्टी लक्षात घेणे फार महत्वाचे आहे, ज्यात डाउन पेमेंट, EMI, कर्जाचा कालावधी इत्यादी बाबींचा समावेश असतो.

हे देखील वाचा: कार लोन हवंय? मग २० /४ /१० चा नियम तुम्हाला माहीतच हवा…

20% डाउन पेमेंट करावे लागेल

Tata Curvv EV ची एक्स-शोरूम किंमत 17.49 लाख रुपये आहे. यानंतर, विमा, नोंदणी आणि इतर शुल्क जोडल्यानंतर या कारची ऑन रोड किंमत अंदाजे 18.55 लाख रुपये होईल. या किंमतीवर तुम्हाला 20% डाउन पेमेंट करावे लागेल, जे सुमारे 3.71 लाख रुपये असेल.

असा EMI ठरवा

जेव्हा तुम्ही कुठल्याही वाहनासाठी कर्ज घेता तेव्हा लक्षात ठेवा की तुमचा EMI तुमच्या मासिक उत्पन्नाच्या 10% पेक्षा जास्त नसावा. उदाहरणार्थ, तुमचे मासिक उत्पन्न 1 लाख रुपये असल्यास, तुमचा ईएमआय 10,000 रुपयांपेक्षा जास्त नसावा.

हे देखील वाचा:Tata Nexon CNG लवकरच लॉंच होणार, ही कार असणार देशातील पहिली टर्बोचार्ज्ड CNG SUV

कार लोन घेताना त्या लोनचा कालावधी लक्षात ठेवणे अत्यंत आवश्यक आहे. कर्जाचा कालावधी 4 वर्षांपेक्षा जास्त नसावा. दीर्घ कालावधीसाठी कर्ज घेतल्याने तुमच्या एकूण व्याजाची रक्कम वाढू शकते, ज्यामुळे कारची सुद्धा एकूण किंमत वाढेल.

किती असावा पगार?

जर तुम्ही Tata Curvv EV खरेदी करण्यासाठी रु. 15 लाख कर्ज घेतले असेल, तेही 9.5% व्याजदराने 4 वर्षांसाठी, तर तुमचा मासिक EMI सुमारे 37,685 रुपये असेल. 20-4-10 रोजी कार खरेदी करण्याच्या नियमानुसार, तुमचा मासिक पगार सुमारे 3.5 लाख रुपये असायला हवा.

Web Title: Know the exact price of tata curvv

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com