अवघ्या 4 सेकंदात 60 ची स्पीड, 154 KM रेज आणि बरंच काही! Royal Enfield लवकरच आणणार त्यांची E Bike

सध्या रॉयल एन्फिल्ड सुद्धा त्यांची पहिलीवाहिली ई बाईक ऑफर करण्याच्या तयारीत दिसत आहे. Flying Flea C6 असे या बाईकचे नाव असणार आहे.

• जगभरात इलेक्ट्रिक बाईकला चांगली मागणी
• Royal Enfield आणतेय त्यांची पहिली ई बाईक
• जाणून घ्या Flying Flea C6 बद्दल

भारतातील प्रसिद्ध दुचाकी निर्माता Royal Enfield आता पहिल्यांदाच इलेक्ट्रिक सेगमेंटमध्ये प्रवेश करण्याच्या तयारीत आहे. कंपनी लवकरच आपली नवीन इलेक्ट्रिक बाइक Flying Flea C6 लाँच करणार आहे. ही बाइक खास करून स्टायलिश, आधुनिक आणि पर्यावरणपूरक पर्याय शोधणाऱ्या ग्राहकांसाठी डिझाइन करण्यात आली आहे. तिचा लुक रेट्रो स्टाइलचा असला तरी त्यामध्ये अत्याधुनिक तंत्रज्ञानाचा वापर करण्यात आला आहे.

परफॉर्मन्स आणि रेंज

रॉयल एनफिल्डच्या या पहिल्या इलेक्ट्रिक बाइकची खासियत म्हणजे तिची दमदार परफॉर्मन्स आणि चांगली रेंज. रिपोर्ट्सनुसार, एकदा पूर्ण चार्ज केल्यावर ही बाइक सुमारे 154 किमीपर्यंत धावू शकते. तसेच ही बाइक 0 ते 60 किमी/तास वेग फक्त 3.7 सेकंदात गाठू शकते. त्यामुळे शहरातील दैनंदिन वापरासाठी ही बाइक अत्यंत उपयुक्त मानली जात आहे.

पुण्यात निसानचा धमाका! सिल्व्हर ज्युबिली ३एस सुविधेचे दिमाखात उद्घाटन, एकाच छताखाली विक्री, सेवा आणि स्पेअर पार्ट मिळणार

फीचर्स आणि टेक्नॉलॉजी

या बाइकमध्ये अनेक आधुनिक फीचर्स देण्यात येणार आहेत. यात TFT डिस्प्ले, स्मार्टफोन कनेक्टिव्हिटी, नेव्हिगेशन, कॉल आणि मेसेज अलर्ट यांसारख्या सुविधा मिळू शकतात. याशिवाय कीलेस स्टार्ट, नवीन डिझाइनचे स्विचेस आणि प्रगत डिजिटल सिस्टीम दिली जाईल. त्यामुळे ही बाइक पारंपरिक Royal Enfield बाइक्सपेक्षा पूर्णपणे वेगळी ठरणार आहे.

डिझाइन आणि हार्डवेअर

डिझाइनच्या बाबतीत ही बाइक युनिक आणि आकर्षक असेल. हलक्या अॅल्युमिनियम फ्रेममुळे ती मजबूत असूनही वजनाने हलकी राहील. यामध्ये विशेष बॅटरी केस आणि आधुनिक सस्पेंशन सिस्टम दिले जाईल, ज्यामुळे राइडिंग अनुभव अधिक चांगला होईल. यासोबत 4 राइडिंग मोड्स आणि 1 कस्टम मोड मिळेल, ज्यामुळे वेगवेगळ्या रस्त्यांनुसार सेटिंग करता येईल. सीट हाइट 823 मिमी आणि ग्राउंड क्लिअरन्स 207 मिमी असणार आहे.

ग्राहकांनोsss ही संधी सोडू नका! 27kmpl मायलेज देणाऱ्या ‘या’ कारवर 1.80 लाख रुपयांचे डिस्काउंट, Honda ची मोठी घोषणा

लाँच आणि किंमत

ही इलेक्ट्रिक बाइक 10 एप्रिल 2026 रोजी भारतीय बाजारात लाँच होण्याची शक्यता आहे. तिची किंमत सुमारे 2.5 लाख ते 4.5 लाख रुपये (एक्स-शोरूम) दरम्यान असू शकते. या बाइकमुळे इलेक्ट्रिक सेगमेंटमध्ये मोठी स्पर्धा निर्माण होण्याची शक्यता आहे.