Amazon वरून Royal Enfield Hunter खरेदी केल्याने किती बचत होणार?
भारतात काही कंपन्या अशा आहेत, ज्यांच्या बाईक्सची एक वेगळीच क्रेझ पाहायला मिळते. अशीच एक कंपनी म्हणजे Royal Enfield. आपल्याकडे रॉयल एन्फिल्ड बाईक असावी असे कित्येक तरुणांचे स्वप्न असते. कंपनीच्या अनेक बाईक लोकप्रिय आहेत. Royal Enfield Hunter 350 ही त्यातीलच एक बाईक.
जर तुम्ही Royal Enfield Hunter 350 खरेदी करण्याचा विचार करत असाल, तर ही माहिती तुमच्यासाठी उपयुक्त ठरू शकते. कारण आता ही बाईक Amazon वर देखील उपलब्ध आहे, ज्यावर आकर्षक discount आणि No Cost EMI सारख्या सुविधा दिल्या जात आहेत. चला, या बाईकची किंमत आणि फीचर्सबद्दल जाणून घेऊयात.
New Hyundai Venue मध्ये मिळणार ‘हे’ अफलातून फीचर्स, सध्याच्या मॉडेलपेक्षा किती वेगळी असेल कार?
Royal Enfield ने Amazon India सोबत भागीदारी करून आपली लोकप्रिय 350cc रेंज ऑनलाइन विक्रीसाठी उपलब्ध केली आहे. या अंतर्गत तुम्ही Hunter 350 केवळ 4,999 रुपयांच्या बुकिंग रकमेवर घरबसल्या बुक करू शकता. या बाईकची एक्स-शोरूम किंमत 1.37 लाख ते 1.66 लाख दरम्यान आहे. तसेच निवडक क्रेडिट कार्ड युजर्सना नो-कॉस्ट EMI आणि एक्सचेंज ऑफर चा लाभही मिळू शकतो.
Hunter 350 मध्ये 349cc J-Series एयर-कूल्ड, सिंगल-सिलेंडर इंजिन दिले आहे. हे इंजिन 20.2 bhp ची पॉवर आणि 27 Nm टॉर्क जनरेट करते. यामध्ये 5-स्पीड गिअरबॉक्स आणि स्लिप-असिस्ट क्लच देण्यात आला आहे. नव्या कलर एडिशन ची बुकिंग Royal Enfield डीलरशिप, अधिकृत वेबसाइट आणि ॲप वर सुरू झाली आहे.
2 लाखांच्या डाउन पेमेंटनंतर Tata Tigor चा EMI फक्त असेल ‘इतकाच’, असा असेल फायनान्स प्लॅन
याच्या स्पर्धक बाईक्सकडे पाहिल्यास, Royal Enfield Hunter 350 ही TVS Ronin, Honda H’ness CB350/CB350 RS सारख्या रेट्रो-स्टाईल बाइक्सला थेट टक्कर देते. याशिवाय Jawa 42 आणि Bullet 350 या बाईक्सही तिच्या स्पर्धेत आहेत.
Royal Enfield Hunter 350 चे मायलेज सुमारे 36–40 km/l आहे, जे तिच्या सेगमेंटमध्ये उत्कृष्ट मानले जाते. हलक्या वजनामुळे आणि कमी व्हीलबेसमुळे ही बाइक सिटी ट्रॅफिकमध्ये सहज कंट्रोल करता येते आणि आरामदायी राइडिंग अनुभव देते.
