Toyota ची पहिली E-SUV बाजारात! एका चार्जवर 543km ची रेंज, पाहा दमदार फीचर्स

टोयोटाने आपली पहिली इलेक्ट्रिक कार,Urban Cruiser Ebella, मिड-साईज सेगमेंटमधील इलेक्ट्रिक एसयूव्ही बाजारात आणली हे. भारतात लवकरच याची किंमत जाहीर केली जाणार आहे.

Toyota First EV For India : टोयोटाने आपली पहिली इलेक्ट्रिक कार,Urban Cruiser Ebella, मिड-साईज सेगमेंटमधील इलेक्ट्रिक एसयूव्ही बाजारात आणली हे. भारतात लवकरच याची किंमत जाहीर केली जाणार आहे. मारुती ई-विटारा इलेक्ट्रिक SUVप्रमाणेच,  हार्टेक्ट ई-स्केटबोर्ड इलेक्ट्रिक आर्किटेक्चरवर आधारित आहे. कंपनीने सुझुकीच्या सहकार्याने हे मॉडेल विकसित केले आहे. सध्या गुजरातमधील SMC च्या प्लांटमध्ये याचे उत्पादन सुरू आहे. कंपनी लवकरच किंमतीचा तपशील जाहीर करेल अशी अपेक्षा आहे. टोयोटा अर्बन क्रूझर एबेला ही मारुती सुझुकी ई-विटारा, ह्युंदाई क्रेटा इलेक्ट्रिक, MG विंडसर ईव्ही, MG ZS EV, महिंद्रा XUV 400 आणि टाटा कर्व्ह EV यांसारख्या मॉडेल्सशी स्पर्धा करणार आहे.

BYD ची स्वस्त Electric Car देतेय 380 km ची रेंज; पाहा किंमत आणि जबरदस्त फीचर्स

दोन फ्रंट-व्हील-ड्राइव्ह बॅटरी कॉन्फिगरेशन

ही एसयूव्ही दोन फ्रंट-व्हील-ड्राइव्ह बॅटरी कॉन्फिगरेशनसह उपलब्ध असेल: एक ४९ kWh पॅक जो अंदाजे १४२ bhp पॉवर निर्माण करतो, आणि एक मोठे ६१ kWh युनिट जे सुमारे १७१.५ bhp पॉवर आणि १८९ Nm टॉर्क देते. मोठा बॅटरी पॅक एका चार्जवर ५४३ किमीची ड्रायव्हिंग रेंज देतो असा दावा केला जातो. शिवाय, दोन्ही कॉन्फिगरेशनमध्ये स्टँडर्ड एसी चार्जिंग आणि CCS2 डीसी फास्ट चार्जिंग या दोन्ही सुविधा देण्यात आल्या आहेत.

इंटिरियर

केबिनमध्ये ड्युअल-स्क्रीन लेआउट आहे, ज्यामध्ये १०.२५-इंचाचा डिजिटल इन्स्ट्रुमेंट क्लस्टर आणि १०.१-इंचाची इन्फोटेनमेंट सिस्टीम आहे, ज्यात वायरलेस कनेक्टिव्हिटीचे पर्याय समाविष्ट आहेत. हाय-एंड व्हेरिएंट्समध्ये व्हेंटिलेटेड फ्रंट सीट्स, ॲम्बियंट लायटिंग, पॅनोरॅमिक ग्लास रूफ, वायरलेस चार्जिंग आणि प्रीमियम JBL साउंड सिस्टीम आहे, तर मागील सीट्समध्ये स्लाइडिंग आणि रिक्लायनिंगची सुविधा आहे.

सेफ्टीसाठी विशेष सोय

सुरक्षेच्या बाबतीत, ही ५-सीटर एसयूव्ही ७ एअरबॅग्ज, इलेक्ट्रॉनिक स्टॅबिलिटी कंट्रोल (ESC) आणि एका मजबूत बॉडी स्ट्रक्चरने सुसज्ज आहे. तिच्या टॉप-स्पेक व्हेरिएंटमध्ये अ‍ॅडव्हान्स्ड ड्रायव्हर असिस्टन्स सिस्टीम्स (ADAS), जसे की अ‍ॅडॅप्टिव्ह क्रूझ कंट्रोल, लेन-कीपिंग असिस्ट, कोलिजन अव्हॉइडन्स आणि ३६०-डिग्री कॅमेरा, यांचाही समावेश असेल. डिझाइनच्या बाबतीत, एबेलाला एक आकर्षक लूक देण्यात आला आहे, ज्यामध्ये एलईडी लायटिंग एलिमेंट्स, फ्लेअर्ड व्हील आर्चेस, १८-इंची अलॉय व्हील्स आणि ड्युअल-टोन पेंट स्कीम यांचा समावेश आहे.

मोठ्या कारखान्यांसाठी केंद्र सरकारचा मास्टरस्ट्रोक; इंधनावर नाही तर आता ‘या’वर देणार भर