गुरुवार, 5 नोव्हेंबर 2026
(फोटो सौजन्य-AI एआय)
Toyota Innova Crysta Limo भारतात 19.95 लाख रुपयांच्या सुरुवातीच्या एक्स-शोरूम किंमतीत लाँच करण्यात आली आहे. टोयोटा किर्लोस्कर मोटरने ही नवीन MPV खास कमर्शियल आणि फ्लीट कस्टमरना लक्षात घेऊन सादर केली आहे. ही कार GX-SLF व्हेरिएंटमध्ये 7-सीटर आणि 8-सीटर अशा 2 सीटिंग ऑप्शन्समध्ये अव्हेलेबल आहे. विशेष म्हणजे, नवीन लिमो मॉडेलच्या किंमती सध्याच्या फ्लीट व्हेरिएंट्सप्रमाणेच ठेवण्यात आल्या आहेत.
टोयोटा इनोव्हा क्रिस्टा लिमोची किंमत आणि सीटिंग
इनोव्हा क्रिस्टा लिमो GX-SLF 7S या 7-सीटर व्हेरिएंटची किंमत 19.95 लाख रुपये आहे. तर GX-SLF 8S या 8-सीटर व्हेरिएंटसाठी 19.99 लाख रुपये मोजावे लागतील. या दोन्ही किंमती एक्स-शोरूम आहेत. 7-सीटर व्हेरिएंटमध्ये दुसऱ्या रो मध्ये स्वतंत्र कॅप्टन सीट्स मिळतात. 8-सीटर व्हेरिएंटमध्ये जास्त प्रवाशांना सामावून घेण्याची सुविधा आहे. त्यामुळे टॅक्सी, ट्रॅव्हल्स आणि कॉर्पोरेट फ्लीटसाठी ही MPV उपयुक्त ठरू शकते.
ह्युंडाई मोटर इंडिया फाऊंडेशनकडून कलाकारांसाठी 60 लाखांचे अनुदान; ‘आर्ट फॉर होप’चा सीझन 6 सुरू
2.4-लिटर डिझेल इंजिन आणि मॅन्युअल गिअरबॉक्स
टोयोटा इनोव्हा क्रिस्टा लिमोमध्ये 2.4-लिटर 4-सिलिंडर डिझेल इंजिन देण्यात आले आहे. हे इंजिन मॅन्युअल गिअरबॉक्ससोबत जोडलेले आहे. नियमित इनोव्हा क्रिस्टाचे प्रमाणित मायलेज 15 kmpl पर्यंत आहे. महामार्गावरील प्रवास आणि सतत प्रवासी वाहतुकीसाठी हे इंजिन उपयुक्त मानले जाते.
कारमध्ये प्रवाशांसाठी एअर कंडिशनिंग, चांगली हेडरूम आणि लेगरूम मिळते. टचस्क्रीन इन्फोटेनमेंट सिस्टम, स्मार्टफोन कनेक्टिव्हिटी आणि स्टीयरिंग-माउंटेड कंट्रोल्स यांसारखी फीचर्सही क्रिस्टा रेंजमध्ये मिळतात. सुरक्षेसाठी ABS, EBD, ब्रेक असिस्ट, व्हेईकल स्टॅबिलिटी कंट्रोल आणि हिल स्टार्ट असिस्ट कंट्रोल देण्यात आले आहेत.
वॉरंटी आणि फ्लीट कस्टमरना सुविधा
टोयोटा इनोव्हा क्रिस्टा लिमोसोबत 3 वर्षे किंवा 1,00,000 किमीची स्टँडर्ड वॉरंटी मिळते. एक्स्टेंडेड वॉरंटीचा ऑप्शन 5 वर्षे किंवा 2,20,000 किमीपर्यंत आहे. कंपनी 7 वर्षांपर्यंत फायनान्स सुविधा, लो EMI योजना, एक्सप्रेस मेंटेनन्स आणि 24 तास रोडसाइड असिस्टन्स देते.
इनोव्हा क्रिस्टा लिमो ही नियमित क्रिस्टाच्या GX, GX+, VX आणि ZX व्हेरिएंट्सपासून वेगळी फ्लीट-केंद्रित आवृत्ती आहे. या कारमध्ये इंजिन किंवा किंमतीत बदल न करता कमर्शियल वापरासाठी नवीन ओळख देण्यात आली आहे.
