टीव्हीएस मोटर कंपनीने भारतात त्यांची नवीन ‘टीव्हीएस ज्युपिटर ड्युअल-टोन स्पेक्ट्रल रेंज’ (TVS Jupiter Dual-Tone Spectral Range) लॉन्च केली आहे. दिल्लीमध्ये या नवीन स्कूटरची एक्स-शोरूम किंमत ८९,८२५ रुपये ठेवण्यात आली आहे. या ११३.३ सीसी स्कूटरमध्ये कोणतेही यांत्रिक बदल करण्यात आले नसले, तरी नवीन रंगांसह अनेक आधुनिक फीचर्स जोडण्यात आले आहेत.
या नवीन सिरिजमधील सर्वात मोठे आकर्षण म्हणजे ‘स्पेक्ट्रल ब्लू’ आणि ‘स्पेक्ट्रल कॉपर’ हे दोन नवीन ड्युअल-टोन रंगांचे पर्याय आहेत. टीव्हीएसने या दोन्ही शेड्ससाठी कलर-शिफ्टिंग फिनिश विकसित केले आहे. तसेच जुळणारे इनर पॅनल्स, सुधारित सीट फिनिश आणि क्रोम मिरर्समुळे स्कूटरला अधिक आकर्षक लूक मिळाला आहे. ड्युअल-टोन ट्रिटमेंटमध्ये स्पेक्ट्रल रंगांचा समावेश करणारी ज्युपिटर ही ११३.३ सीसी सेगमेंटमधील पहिलीच स्कूटर ठरली आहे.
TVS ठरली भारतातील नंबर वन इलेक्ट्रिक दुचाकी ब्रँड; ओला इलेक्ट्रिकलाही टाकले मागे!
ज्युपिटरमध्ये प्रथमच सिक्वेन्शियल टर्न इंडिकेटर्सचा समावेश करण्यात आला आहे. या लॅम्प्समुळे स्कूटरला एक वेगळी आणि आधुनिक लायटिंग सही मिळते. याशिवाय रायडर आणि सहप्रवाशाच्या चांगल्या आरामदायी प्रवासासाठी इंटिग्रेटेड बॅकरेस्ट असलेली प्रीमियम लांब सीट देण्यात आली आहे. स्कूटरमध्ये ३३ लिटरची सर्वोत्तम अंडर-सीट स्टोरेज क्षमता कायम ठेवण्यात आली आहे, ज्यामध्ये दोन हेल्मेट सहज सामावू शकतात. नेव्हिगेशन, कॉल आणि एसएमएस अलर्ट देणारी स्मार्टएक्सकनेक्ट ब्लूटूथ तंत्रज्ञान आणि यूएसबी टाईप-सी चार्जिंग पोर्ट यांसारखी फीचर्स देखील यात उपलब्ध आहेत.
या स्कूटरमध्ये ११३.३ सीसीचे सिंगल-सिलिंडर, फोर-स्ट्रोक पेट्रोल इंजिन दिले आहे. टीव्हीएस आयजीओ असिस्टच्या मदतीने हे इंजिन सुमारे ७.९ एचपी पॉवर आणि ९.८ एनएम टॉर्क निर्माण करते. ही प्रणाली चांगला वेग आणि उत्तम फयुल एफीशिअन्सी देण्यास मदत करते. ही नवीन ड्युअल-टोन रेंज लवकरच देशभरातील अधिकृत टीव्हीएस डीलरशिपवर उपलब्ध होईल.
.png "Videos"){kind=small}
