(फोटो सौजन्य - सोशल मीडिया)
वैमानिकांना आकर्षित करण्याबरोबरच अनुभवी वैमानिकांना कंपनीत कायम ठेवण्यासाठी एअर इंडियाने वैमानिकांच्या वेतनात ८ ते १५ टक्क्यांपर्यंत वाढ करण्याची घोषणा केली आहे. एअर इंडियाच्या नव्या वेतनरचनेत बऱ्याच गोष्टींकडे लक्ष्य दिला जात आहे. त्यानुसार तसे बदलही करण्यात आले आहेत. एअर इंडिया एक्स्प्रेसमधील फर्स्ट ऑफिसर्सना प्रथम कमांडर पदावर बढती दिली जाणार आहे. त्यानंतर त्यांना एअर इंडियाच्या वाइड-बॉडी विमानांच्या ताफ्यात जाण्याची संधी मिळणार आहे. तसंच वाइड-बॉडी विमानांवर वैमानिकांना तुलनेने अधिक वेतन मिळते. त्यामुळे एअर इंडिया समूहात वैमानिकांना स्पष्ट करिअर मार्ग उपलब्ध करून देण्याचा कंपनीचा प्रयत्न आहे.
एअर इंडिया एक्स्प्रेसला वैमानिकांसाठी अधिक सुंदर आणि आकर्षक बनवण्यासाठी म्हणून हा निर्णय घेण्यात आला आहे. विशेषतः बोइंग ७३७ विमानांच्या ताफ्यांसाठी वैमानिकांची कमतरता जाणवत असल्याने त्यावरही हा एक उत्तम उपाय ठरु शकतो. त्यामुळे वेतन आणि करिअरच्या संधी सुधारणे हा महत्त्वपूर्ण पर्याय आहे. त्याचबरोबर वैमानिकांचे राजीनामे रोखून अनुभवी कॉकपिट क्रू कायम ठेवण्याचे कंपनीचे उद्दिष्ट आहे.
एअर इंडियाच्या वैमानिकांना सध्या महिन्याला ४० तासांच्या उड्डाणाची हमी वेतन व्यवस्था आहे. म्हणजे प्रत्यक्षात ४० तासांपेक्षा कमी उड्डाण झाले तरी या तासांचे किमान वेतन त्यांना मिळते. नव्या व्यवस्थेत ही ४० तासांची हमी कायम ठेवण्यात आली आहे. मात्र, ४० तासांनंतरच्या उड्डाणासाठी फ्लाइंग अलाउन्सचे दर देखील वाढवण्याचा विचार सुरु आहे. त्यामुळे अधिक तास उड्डाण करणाऱ्या वैमानिकांना त्यांच्या कामानुसार अतिरिक्त मोबदला मिळणार आहे.
एअर इंडिया इतर कंपन्यांशी स्पर्धा तर करत आहे. त्यात भारतात तिचा महत्त्वाचा स्पर्धेक इंडिगो आहे. त्यानंतर आखाती देशांतील विमान कंपन्यांकडूनही वैमानिकांना आकर्षक वेतनाच्या ऑफर्स दिल्या जात आहेत. त्यामुळे वैमानिकांना टिकवून ठेवणं हे एअर इंडिया समोरचं मोठं आणि अधिक महत्त्वाचं आव्हानं आहे. हे आव्हान पेलण्यासाठी या पार्श्वभूमीवर एअर इंडिया आणि एअर इंडिया एक्स्प्रेसने वेतनवाढीचा महत्त्वाचा आणि मोठा निर्णय घेतला आहे.
.png "Videos"){kind=small}
