(फोटो सौजन्य - सोशल मीडिया)
अमृत भारत एक्सप्रेस ही आतापर्यंत एक नॉन-एसी लांब पल्ल्याची प्रवासी ट्रेन होती. ज्यामध्ये जनरल क्लास आणि स्लीपर क्लासचे डबे होते. सर्वसामान्यांसाठी असलेल्या इतर एक्सप्रेस गाड्यांच्या तुलनेत अमृत भारत एक्सप्रेस सुपरफास्ट प्रवास करते आणि याचा प्रवास फार इतर एक्स्प्रेसच्या तुलनेत सुखद आणि आरामदायी आहे. पण या सगळ्यात आता एसीच्या सुखद प्रवासाची भर पडणार आहे. त्यामुळे बजेट फ्रेंडली एसी प्रवासाचा अनुभव सामान्यांनाही घेता येणार आहे.
२०२३ मध्ये सुरू झालेल्या अमृत भारत ट्रेनपैकी ६० पेक्षा जास्त ट्रेन या भारतीय रेल्वेच्या नेटवर्कवर धावत आहेत. स्लीपर क्लासचा दर प्रति १००० किलोमीटर अंदाजे मध्ये अंदाजे ₹५०० इतका आहे. प्रवास परवडणारा असावा हा यामागील उद्देश आहे. या ट्रेनला बराच प्रतिसाद मिळत असलेला दिसून येतो. भारतीय रेल्वेच्या आकडेवारीनुसार, अमृत भारत ट्रेनच्या स्लीपर क्लासमधील सरासरी प्रवासी संख्या जवळजवळ १००% पेक्षा जास्त आहे.
अमृत भारत एक्सप्रेस गाड्यांना दोन्ही टोकांना लोकोमोटिव्ह इंजिन असतात. त्यामुळे गती आणि वेगाचा संगम नियंत्रित करण्यास मदत होते. वेग वाढवण्यासाठी व कमी करण्यासाठी पुश-पुल तंत्रज्ञानाचा इथे वापर केला जातो. यामुळे प्रवाशांचा एकूण प्रवासाचा वेळ कमी होतो. ट्रेनचा कमाल वेग ताशी १३० किमीपर्यंत असू शकतो. अमृत भारत एक्सप्रेस सामान्य नागरिक, मजून आणि इतर राज्यांमध्ये काम करणाऱ्या प्रवाशांसाठीचा देखील महत्त्वाचा भाग आहे. सणासुदीच्या दिवसांतील गर्दीचे व्यवस्थापन करणे आणि आधुनिक, काही प्रमाणात प्रीमियम प्रवासी सेवा प्रदान करणे हे देखील या गाडीचे उद्दिष्ट आहे.
भारतीय रेल्वे आता अमृत भारत एक्सप्रेससाठी एसी डबे विकसित करत आहे. सूत्रांनी सांगितलेल्या माहितीनुसार, प्रवाशांना एक उत्तम अनुभव देण्यासाठी वातानुकूलित अमृत भारतच्या डब्यांमध्ये वंदे भारत स्लीपर आणि राजधानी एक्सप्रेससारखी अनेक वैशिष्ट्ये असतील.त्यांनी सांगितले की, लांब पल्ल्याच्या प्रवासासाठी एसी फर्स्ट क्लास, एसी-२ टियर आणि एसी-३ टियर अशा तीन प्रकारच्या एसी डब्यांची योजना आखण्यात आली आहे.
अमृत भारत ३.० साठी एसी डब्यांच्या एकूण १४ रेक्सची ऑर्डर देण्यात आली आहे.एसी डब्यांच्या अमृत भारत एक्सप्रेस गाड्या इतर लांब पल्ल्याच्या एक्सप्रेस गाड्यांसारख्याच असतील, पण त्यात वंदे भारत आणि राजधानी एक्सप्रेसप्रमाणे आधुनिक प्रवासी सुविधा आणि सोयीदेखील असतील.
.png "Videos"){kind=small}
