मंगळवार, 3 नोव्हेंबर 2026
घर आणि गाडी घेणाऱ्यांसाठी बँक ऑफ इंडियाकडून मोठं गिफ्ट! ( सौजन्य - सोशल मीडिया )
सणासुदीच्या काळात सुरू करण्यात आलेल्या या मर्यादित कालावधीच्या ऑफरचा उद्देश पात्र ग्राहकांचा कर्ज घेताना सुरुवातीला होणारा आर्थिक खर्च कमी करणे, त्यांची स्वतःचे घर आणि वाहन खरेदी करण्याची स्वप्ने पूर्ण करण्यास मदत करणे तसेच किरकोळ कर्ज क्षेत्रातील बँकेची उपस्थिती अधिक मजबूत करणे हा आहे.
725 किंवा त्यापेक्षा अधिक CIBIL वैयक्तिक क्रेडिट स्कोअर असलेले ग्राहक लागू प्रक्रिया शुल्कामध्ये संपूर्ण सूट मिळवू शकतात. या सवलतीचा लाभ टॉप-अप लोन, स्मार्ट होम लोन आणि स्टार डायमंड होम लोन यांसह गृहकर्जाच्या विविध प्रकारांवर मिळणार आहे. बँकेच्या लागू पात्रता निकषांच्या अधीन राहून गृहकर्ज हस्तांतरण सुविधेलाही ही सवलत लागू असेल.PMAY 2.0 अर्बन, अफोर्डेबल हाउसिंग लोन आणि स्टार समृद्धी होम लोन यांसारख्या काही गृहकर्ज योजनांमध्ये यापूर्वीच प्रक्रिया शुल्क माफ करण्यात आले आहे. या योजनांवरील विद्यमान सवलती यापुढेही कायम राहतील.
चारचाकी वाहन कर्जाच्या बाबतीत, 725 किंवा त्यापेक्षा अधिक CIBIL वैयक्तिक क्रेडिट स्कोअर असलेल्या वैयक्तिक ग्राहकांना पात्र नवीन वाहन कर्जांवरील लागू प्रक्रिया शुल्कात 100 टक्के सूट मिळू शकते. याशिवाय, BBB किंवा त्यापेक्षा अधिक बाह्य क्रेडिट रेटिंग असलेल्या किंवा CMR-3 आणि त्यापेक्षा चांगले रेटिंग असलेल्या पात्र बिगर-वैयक्तिक कर्जदारांनाही या सवलतीचा लाभ मिळणार आहे.
इलेक्ट्रिक मोबिलिटीला प्रोत्साहन देण्यासाठी बँक ऑफ इंडिया इलेक्ट्रिक चारचाकी वाहनांच्या खरेदीसाठी दिल्या जाणाऱ्या कर्जावरील लागू प्रक्रिया शुल्कातही 100 टक्के सूट देत आहे. या सुविधेसाठी अर्जदाराच्या CIBIL वैयक्तिक क्रेडिट स्कोअरची अट लागू नसून, बँकेच्या कर्जाच्या अटी व शर्ती लागू राहतील.
या निर्णयातून किरकोळ कर्ज अधिक सुलभ आणि किफायतशीर करण्यासोबतच गृहकर्ज आणि वाहन कर्ज पोर्टफोलिओ अधिक मजबूत करण्यावर बँक ऑफ इंडियाचा सातत्यपूर्ण भर दिसून येतो. कर्ज घेताना सुरुवातीला होणारा आर्थिक खर्च कमी करून घर किंवा चारचाकी वाहन खरेदी करण्याचे नियोजन करणाऱ्या पात्र ग्राहकांना अधिक लाभ देण्याचा बँकेचा प्रयत्न आहे.
ही ऑफर 31 मार्च 2027 पर्यंत वैध राहणार असून, बँकेने निर्धारित केलेले पात्रता निकष तसेच लागू अटी व शर्ती यांना अधीन असेल.या ऑफरची पात्रता, अधिक माहिती आणि अर्ज प्रक्रियेबाबत जाणून घेण्यासाठी ग्राहक त्यांच्या जवळच्या बँक ऑफ इंडिया शाखेला भेट देऊ शकतात किंवा बँकेच्या अधिकृत वेबसाइटला भेट देऊ शकतात.
Ans: विशेष ऑफर १ ऑक्टोबर २०२६ ते ३१ मार्च २०२७ या कालावधीत लागू राहणार आहे.
Ans: ग्राहकांचा CIBIL क्रेडिट स्कोअर ७२५ किंवा त्यापेक्षा अधिक असल्यास त्यांना या प्रक्रिया शुल्कातील पूर्ण सवलतीचा लाभ मिळवता येईल.
Ans: इलेक्ट्रिक चारचाकी वाहनांच्या खरेदीसाठी कर्जावरील प्रक्रिया शुल्कात १००% सूट देण्यासाठी CIBIL स्कोअरची कोणतीही अट ठेवली गेलेली नाही; मात्र बँकेच्या इतर अटी व शर्ती लागू राहतील.
