रविवार, 8 नोव्हेंबर 2026
(फोटो सौजन्य - Chatgpt)
स्ट्रॅटेजीचे संस्थापक आणि कार्यकारी अध्यक्ष, अब्जाधीश मायकल सेलर यांनी सांगितले की, ChatGPT च्या मदतीने त्यांच्या कंपनीने अंदाजे १५ अब्ज डॉलर्स, म्हणजेच अंदाजे १.२ लाख कोटी रुपये कमवले आहेत. पण ही रक्कम सेलर यांची वैयक्तिक कमाई नाही तर त्यांच्या स्ट्रॅटेजी कंपनीने कमवलेलेल पैसे आहेत.
स्ट्रॅटेजी पूर्वी एक एंटरप्राइझ सॉफ्टवेअर कंपनी होती, परंतु आता ती जगातील सर्वात मोठी कॉर्पोरेट बिटकॉइन होल्डर कंपनी बनली आहे. ही कंपनी शेअर्स, कर्ज आणि प्रेफर्ड शेअर्स जारी करून निधी उभारते आणि या पैशाचा एक मोठा भाग बिटकॉइन खरेदीमध्ये गुंतवला जातो. कंपनीने यापूर्वीच शेअर्स आणि कन्व्हर्टिबल बॉण्ड्सच्या माध्यमातून बराच पैसा उभारला होता. यानंतर, सेलर यांना अशा एका नवीन उत्पादनाची गरज होती, जे सातत्यपूर्ण उत्पन्नाच्या शोधात असलेल्या गुंतवणूकदारांना आकर्षित करेल.
६ ऑगस्ट रोजी, सेलरने स्पष्ट केले की ही समस्या सोडवण्यासाठी त्याने OpenAI च्या चॅटजीपीटीची मदत घेतली. त्याने AI ला एक अशी सिक्युरिटी डिझाइन करण्यास सांगितले, जी कॉमन स्टॉक आणि कॉमन डेट यांच्यासाठी एक मोठा आणि चांगला पर्याय ठरेल.
चॅटजीपीटीने STRK नावाचा Bitcoin backed convertible preferred stock तयार करण्यास मदत केली. AI ने एका अल्प-मुदतीच्या उत्पादनाचे मॉडेल देखील तयार करुन दिलं. ज्याची किंमत सुमारे $100 ठेवता येणारी होती.
ChatGPT ने शिफारस केली की प्रेफर्ड स्टॉकचा डिव्हिडंड दर महिन्याच्या आधारावर बदलली जावी. गरजेनुसार जास्त किंवा कमी रिटर्न दिल्याने त्याची किंमत सुमारे $100 च्या आसपास टिकवून ठेवण्यास मदत होऊ शकते, ज्यामुळे गुंतवणूकदारांना हमीपूर्ण रिटर्न मिळेल.
ChatGPT ने बँकर्स आणि वकिलांच्या चिंतांना प्रतिसाद तयार करण्यासही मदत केली. त्यांनी यापूर्वी व्हेरिएबल-डिव्हिडंड प्रेफर्ड शेअर्सचे असे मॉडेल पाहिले नव्हते. नंतर स्ट्रॅटेजीने आपल्या प्रेफर्ड-स्टॉक उत्पादनांद्वारे अंदाजे १५ अब्ज डॉलर्स उभारले. यामुळे, चॅटजीपीटीने त्यांना १५ अब्ज डॉलर्स मिळवून दिले, असे सेलर म्हणाले.
स्ट्रॅटेजीच्या बिटकॉइनमधील गुंतवणुकीवर दबाव कायम आहे. ३ ऑगस्ट रोजी, कंपनीने अंदाजे १०४.७ दशलक्ष डॉलर्समध्ये १,६३८ बिटकॉइन्स विकले. ६ ऑगस्टपर्यंत, कंपनीकडे ८४२,१३८ बिटकॉइन्स होते, जे अंदाजे ७५,४१९ डॉलर्स प्रति बिटकॉइन दराने खरेदी केले होते.
३१ जुलै रोजी जाहीर झालेल्या आपल्या दुसऱ्या तिमाहीच्या निकालांमध्ये, कंपनीने बिटकॉइनच्या किमतीतील घसरणीमुळे ८.३२ अब्ज डॉलर्सचा अवास्तव तोटा झाल्याचे नोंदवले. दरम्यान, स्ट्रॅटेजीचा स्टॉक ९६.५४ डॉलर्सवर होता, जो वर्षाच्या सुरुवातीपासून ३७.५४% नी घसरला होता.
