E10 Vs E20 Petrol : शाप की वरदान? E 20 च्या वादात सरकारचा नवा निर्णय! पंपावर E 10 ची एन्ट्री, नेमका काय आहे प्लॅन?

E10 Vs E20 Petrol : पेट्रोल पंपांवरून E20 इंधनाच्या वापरावरून निर्माण झालेल्या वादानंतर केंद्र सरकार पुन्हा E10 पेट्रोलचा पर्याय उपलब्ध करून देण्याच्या तयारीत असल्याचं बोललं जात आहे. मात्र, जुन्या वाहनांसाठी सुरक्षित मानल्या जाणाऱ्या या E10 पेट्रोलसाठी वाहनधारकांना जास्त किंमत मोजावी लागण्याची शक्यता आहे.

• E 20 च्या वादात सरकारचा नवा निर्णय!
• पंपावर E 10 ची एन्ट्री
• नेमका काय आहे प्लॅन?

E10 Vs E20 Petrol : भारतात सध्या विविध प्रश्नांवरुन वाद पेटला आहे. त्यातील एक प्रश्न म्हणजे इथेनॉल. पेट्रोल पंपावरुन E 20 इंधनाचा केला जाणारा प्रचार आणि वाढता वापर पाहता या सगळ्यावरुन वाद निर्माण झाला आहे. E 20 पेट्रोलमुळे मोठ्या प्रमाणावर गाड्यांचं नुकसान होत असल्याचा आवाज संपूर्ण देशभरातून उठवला जात आहे. हा सगळा वाद सुरु असताना केंद्र सरकारने एक मोठा निर्णय घेतला आहे. आता लवकरच पेट्रोल पंपावर पुन्हा E 10 ची एन्ट्री होणार आहे. जुन्या वाहनांसाठी सुरक्षित मानलं जाणारं E 10 येतंय म्हटल्यावर वाहनधारक आनंदीत होतील. मात्र हा निर्णय शाप ठरणार का वरदान? नेमकी किती किंमत मोजावी लागणार? E10 पेट्रोलच्या पुनरागमनामुळे सामान्य वाहनधारकांवर काय परिणाम होणार नेमका काय आहे सरकारचा प्लॅन? ( E10 Vs E20 Petrol )

Milk Price Hike : अरे देवा, मोठा दणका! 1 सप्टेंबरपासून दूध ९ रुपयांनी महागणार, डेअरी असोसिएशनचा मोठा निर्णय

सरकार आता E10 पेट्रोलचा विचार करत आहे. जुन्या वाहनांच्या मालकांना होणारा त्रास कमी करण्यासाठी, सरकार १० टक्के इथेनॉल मिश्रणासह E10 पेट्रोल आणण्याच्या पर्यायाचा विचार करण्याचा निर्णय घेतला आहे. यासाठी, प्रीमियम पेट्रोलचे E10 मध्ये रूपांतर करण्याची योजना आखली जात आहे. अलीकडेच BPCL च्या CMD नी स्वतः या माहितीबाबत खुलासा केला आहे.

काय आहे सरकारची योजना?

सरकार E 10 पेट्रोल पुन्हा आणण्याच्या प्रस्तावावर विचार करत आहे, पण यावर अजून कोणताही अंतिम निर्णय झालेला नाही. कंपनीच्या वार्षिक सर्वसाधारण सभेनंतर झालेल्या व्हर्च्युअल पत्रकार परिषदेत BPCL च्या CMD यांनी ही माहिती दिली आहे. त्यांच्या मते,E 10 पेट्रोल विकण्यासाठी कोणत्याही नवीन पायाभूत सुविधांची आवश्यकता गरजेची नाही. तेल कंपन्यांना सध्या सध्या पुरवठ्याबाबतही कोणत्या मोठ्या संकटांचा सामना करवा लागत नाही आहे.

अजून अंतिम निर्णय नाही

सध्या, या प्रकरणी सरकार आणि तेल कंपन्यांमध्ये चर्चा सुरू आहे. त्यामुळे अजून अंतिम निर्णयाबाबत चित्र स्पष्ट झालेलं नाही. जुलैमध्ये पेट्रोलियम मंत्रालयाने संसदेत सांगितल्या प्रणाणे E0 आणि E10 पेट्रोल परत आणण्याची कोणतीही योजना नाही. त्यामुळे आता ऑगस्टमध्ये सुरु झालेल्या या चर्चा प्रश्न निर्माण करतात. सरकार आणि उद्योग यांच्यात प्राथमिक चर्चा झाल्याचे वृत्त समोर आले आणि मुख्य आर्थिक सल्लागार व्ही. अनंत नागेश्वरन यांनीही जुन्या वाहनांसाठी E10 चा पर्याय उपलब्ध करून देण्याबद्दल सांगितलं त्यामुळे या सगळ्या परिस्थितीबाबत सशंका वाढत आहे.

किमतीबाबत साशंकता

देशभरातील पेट्रोल पंपांवर आता 20% इथेनॉल असलेले E20 पेट्रोल वापरले जात आहे. जुन्या वाहनांच्या मालकांनी E20 चा इंजिनवर होणारा परिणाम आणि कमी मायलेज यामुळे वाहनांवर होणारा परिणाम त्यामुळे सरकारचा विश्वास आहे की E10 पेट्रोलचा पर्याय दिला तर हे प्रश्न सोडवले जाऊ शकतात. पण, E10 पेट्रोल 95-ऑक्टेन पेट्रोल म्हणून जास्त किमतीत दिले जाईल की ग्राहकांना स्वस्त किमतीत पेट्रोल मिळेल हे अजून काहीच स्पष्ट नाही.

Multibagger Stock Return : काय सांगता? 6 वर्षांत 6000% रिटर्न! 100 शेअर्सचे झाले 900 शेअर्स, गुंतवणूकदारांची चांदी