बुधवार, 7 ऑक्टोबर 2026
दुग्ध व्यवसाय क्षेत्रासाठी Findability Sciencesचे Lacta Insight लाँच ( सौजन्य - सोशल मीडिया )
नुसता क्रेझ… Grey Market मध्ये Jio IPO चा धुमाकूळ! GMP थेट ₹170 वर; जाणून घ्या कधी होणार लाँच?
भारत हा २०२४-२५ मध्ये २४७.८७ दशलक्ष टन दूध उत्पादनासह जगातील अग्रगण्य देश बनून राहिला आहे. या अथांग क्षमतेचा विचार करता, दुधाचे संकलन, प्रक्रियेतील स्थैर्य आणि ऊर्जेचा वापर यांमधील लहान सुधारणा देखील दुग्ध प्रक्रिया केंद्रांसाठी मोठा आर्थिक फायदा निर्माण करू शकतात. प्रक्रियेदरम्यान होणारी दुधातील मौल्यवान घटकांची तूट अनेकदा प्रयोगशाळेचे निष्कर्ष आल्यावरच समजते, ज्यामुळे ही हानी भरून काढणे अशक्य होते.
‘लॅक्टा इनसाईट’ हे उत्पादन, प्रयोगशाळा, गुणवत्ता, निगा आणि एंटरप्राइज डेटा यांना एकमेकांशी जोडते. यामुळे प्रक्रिया केंद्रांना उत्पादनातील तूट वाढण्यापूर्वीच ओळखणे आणि सर्व संकेतांचे एकत्रित विश्लेषण करून संभाव्य कारणे जलद शोधणे सोपे जाते. तसेच बाष्पीभवन आणि वाळवण्याच्या प्रक्रियेत टाळता येणारा वाफेचा, पाण्याचा व ऊर्जेचा वापर ओळखून मोठी आर्थिक बचत साधता येते. विशेष म्हणजे, ही प्रणाली स्वतंत्रपणे प्लांटच्या सेटिंग्जमध्ये बदल न करता ऑपरेटिंग टीमचे पूर्ण नियंत्रण कायम ठेवते, जिथे ऑपरेटरच्या प्रत्येक निर्णयाची पुढील ऑडिटसाठी नोंद ठेवली जाते.
या उपक्रमाविषयी बोलताना फाइंडॅबिलिटी सायन्सेसचे संस्थापक आणि मुख्य कार्यकारी अधिकारी आनंद माहूरकर म्हणाले, “बहुतेक दुग्ध प्रक्रिया केंद्रांकडे नुकसान ओळखण्यासाठी आवश्यक माहिती उपलब्ध असते, मात्र ती वेगवेगळ्या यंत्रणांमध्ये विखुरलेली असते. ‘लॅक्टा इनसाईट’ उत्पादन अजूनही लाईनवर असताना काय बदलत आहे, ते का महत्त्वाचे आहे आणि कुठे हस्तक्षेप करणे गरजेचे आहे हे पाहण्यास प्लांट टीमला मदत करते. सध्या भारतातील एका मोठ्या दुग्ध प्रक्रिया केंद्रात याचे यशस्वी मूल्यमापन सुरू असून प्रत्यक्ष अडचणींवर मात करून स्पष्ट परिणामांवर आमचा भर आहे.”
‘लॅक्टा इनसाईट’ हे केंद्रातील सध्याच्या पीएलसी, एससीएडीए, डीसीएस, इआरपी, एमईएस आणि एलआयएमएस यंत्रणांशी सहजासहजी जोडले जात असल्याने केंद्रांना सध्याच्या पायाभूत सुविधांमध्ये बदल करण्याची गरज नाही. सध्या लोणी, दुधाची पावडर, मिल्क प्रोटीन कन्संट्रेट आणि व्हे लाईन्ससाठी हे उपलब्ध असून, भविष्यात चीज व इतर उत्पादनांसाठीही याचा विस्तार केला जाऊ शकतो.
दुग्ध प्रक्रिया केंद्र ३० मिनिटांच्या मोफत ‘डेअरी एआय रेडीनेस असेसमेंट’ची विनंती करून आपल्या प्लांटमधील डेटा या प्रणालीसाठी किती सुसंगत आहे हे तपासून पाहू शकतात.
Cab Booking केल्यावर बिल कुठच्या कुठे जातं? निष्काळजीपणामुळे लागतात अतिरिक्त पैसे; असं वाचवा बिल
