IPL 2026 मध्ये आता सौर ऊर्जेचा प्रकाश! ‘GREW Solar’ आता मुंबई इंडियन्स आणि गुजरात टायटन्सचा अधिकृत पार्टनर

ग्रू सोलरने आगामी टी-२० क्रिकेट हंगामासाठी मुंबई इंडियन्स आणि गुजरात टायटन्ससोबत भागीदारी जाहीर केली आहे. स्वच्छ ऊर्जेचा संदेश देण्यासाठी हा मोठा धोरणात्मक निर्णय आहे.

 

• IPL 2026 मध्ये आता सौर ऊर्जेचा प्रकाश!
• ‘GREW Solar’ आता मुंबई इंडियन्स आणि गुजरात टायटन्सचा अधिकृत पार्टनर

अहमदाबाद / दिल्ली / मुंबई, 20 मार्च 2026: अहमदाबाद-आधारित चिरिपाल समूहाच्या पाठबळावर भारतातील सर्वात तरुण आणि वेगाने वाढणाऱ्या सौर उत्पादकांपैकी एक ग्रू सोलरने आगामी पुरुष टी२० क्रिकेट हंगामासाठी मुंबई इंडियन्स आणि गुजरात टायटन्ससह अधिकृत सौर ऊर्जा भागीदार म्हणून आपली भागीदारी जाहीर केली. ही बहु-टीम भागीदारी ग्रू सोलरच्या महिला टी२०सहच्या यशस्वी सहकार्याचा पुढचा टप्पा आहे आणि क्रिकेटच्या जागतिक लोकप्रियतेच्या माध्यमातून स्वच्छ ऊर्जा स्वीकारण्याच्या कंपनीच्या धोरणात मोठ्या प्रमाणावर विस्तार दर्शवते.

गुजरात टायटन्सच्या हेल्मेट आणि टोपीवर, मैदानावरील एलईडी बोर्डांवर, बिग स्क्रीनवर तसेच दूरदर्शन आणि डिजिटल प्लॅटफॉर्मवर प्रसारणादरम्यान ग्रू सोलरचा लोगो प्रमुखपणे दिसणार आहे. मुंबई इंडियन्सच्या माध्यमातून ब्रँड संपूर्ण भारतभर तसेच जागतिक स्तरावर क्रिकेटच्या सर्वात ओळखीच्या चाहते वर्गाशी संपर्क साधेल.या भागीदारीत डिजिटल कथा सांगणे, प्रभावशाली व्यक्तींसह सहयोग, प्रादेशिक उपक्रम आणि चाहते सहभाग यांचा समावेश असेल. तसेच ऑनलाइन स्पर्धा, सामने तिकीट, वस्त्रसामग्री आणि इतर आकर्षणे याद्वारे चाहत्यांपर्यंत संदेश पोहोचवला जाईल.

ग्रू सोलरचे मुख्य कार्यकारी अधिकारी आणि संचालक विनय थडाणी म्हणाले, “गुजरात ही भारताची सौर राजधानी आहे, आणि गुजरात टायटन्ससह भागीदारी ही सहज सुसंगतीसारखी आहे; एक राज्य जे सौर क्षेत्रात आघाडीवर आहे आणि एक संघही आणि हा संघही त्याच नवोन्मेषी भावनेचे प्रतीक आहे.. मुंबई इंडियन्सची जोड ही राष्ट्रीय पातळीवरची भूमिका साकारते आणि आम्हाला भारतातील सर्वात महत्त्वाकांक्षी व प्रगत विचार करणाऱ्या प्रेक्षकांशी जोडते. क्रिकेट प्रत्येक भारतीयापर्यंत पोहोचतो, आणि आता सौर ऊर्जा देखील तशीच पोहोचायला हवी. हा एक धोरणात्मक निर्णय आहे, जो ग्रू सोलरचा स्वच्छ आणि परवडणारी ऊर्जा यांचा संदेश जगाच्या सर्वात मोठ्या मंचावर पोहोचवतो. आम्ही पुढच्या पिढीस ऊर्जा पुरवत आहोत.”

बॉक्स ऑफिसच नाही शेअर बाजारावरही धुरंदर – 2 ची जादू! PVR Inox झाले मालामाल

गुजरात टायटन्सचे मुख्य कार्यकारी अधिकारी कर्नल अरविंदर सिंह यांनी ग्रू सोलर सोबतच्या नव्या भागीदारीबाबत आनंद व्यक्त केला आहे. त्यांनी सांगितले की, नवकल्पना आणि जलद प्रगतीचा समान ध्यास असलेल्या ग्रू सोलर या ब्रँडसोबत हातमिळवणी करताना त्यांना आनंद होत आहे. २०२२ पासून गुजरात टायटन्स आणि ग्रू सोलर या दोन्ही संस्थांनी दमदार कामगिरी करत आपली वेगळी ओळख निर्माण केली आहे. ही भागीदारी नेतृत्व आणि प्रेरणा देण्याच्या समान ध्येयाचे प्रतीक असल्याचे त्यांनी नमूद केले. तसेच, चाहत्यांशी जोडणारी आणि शाश्वत प्रगतीच्या महत्त्वावर भर देणारी ही अर्थपूर्ण सहकार्याची नाळ अधिक दृढ करण्याची अपेक्षा त्यांनी व्यक्त केली.

मुंबई इंडियन्सच्या प्रवक्त्याने सांगितले, “स्वच्छ ऊर्जा अधिक सुलभ बनवण्याचा जी ग्रू सोलरचा दृष्टिकोन प्रगती आणि उत्कृष्टतेवरील आमच्या विश्वासाशी जुळतो. आम्ही या भागीदारीच्या विकासासाठी उत्साहित आहोत. हंगाम जसजसा पुढे सरकेल, तसतसे ग्रू सोलरची दुहेरी भागीदारी स्वच्छ आणि सुलभ ऊर्जा संदेश लाखो लोकांपर्यंत पोहोचवण्यासाठी एक सामर्थ्यशाली व्यासपीठ तयार करेल आणि भारताच्या शाश्वत भविष्यातील संक्रमणास वेग देईल.

अर्थव्यवस्थेवर दुहेरी संकट! इतिहासात पहिल्यांदाच एका डॉलरचे मूल्य 93 पार, भारतीय चलनाला मोठा फटका