मंगळवार, 10 नोव्हेंबर 2026
Pearl Stone Benefits: (फोटो सौजन्य-सोशलमीडिया)
ज्योतिषशास्त्र आणि रत्नशास्त्रात मोती या रत्नाला विशेष महत्त्व आहे. मोतीचा संबंध चंद्र ग्रहाशी जोडला जातो. धार्मिक मान्यतेनुसार मोती धारण केल्याने काही समस्या लगेच दूर होतात. मात्र, मोती घालताना काही नियम पाळणेही महत्त्वाचे आहे.
आपल्या घरात बऱ्याच जणांच्या हातात मोत्याची अंगठी दिसते. कोणी फॅशन म्हणून घालतो, तर कोणी ज्योतिषाने सांगितलं म्हणून घालतो. पण मोती म्हणजे फक्त दागिना नाही. त्याचा थेट संबंध चंद्राशी आहे. आणि चंद्र म्हणजे आपलं मन. मन शांत नसेल तर सगळं बिघडतं. म्हणूनच मोती घालायच्या आधी त्याबद्दल नीट माहिती असणं गरजेचं आहे. Pearl Stone Benefits:
रत्नशास्त्रात प्रत्येक रत्नाचा संबंध विशिष्ट ग्रहाशी जोडला जातो. त्यानुसार मोती हे रत्न चंद्र ग्रहाचे प्रतीक मानले जाते. ज्योतिषशास्त्रीय मान्यतेनुसार, चंद्राचा प्रभाव मन, भावना आणि मानसिक शांततेशी संबंधित असतो. त्यामुळे मन अस्थिर राहणे, छोट्या छोट्या गोष्टींवरून राग येणे किंवा एकाग्रता कमी होणे अशा समस्या असणाऱ्यांना मोती धारण करण्याचा सल्ला दिला जातो
.सोप्या भाषेत सांगायचं तर, ज्याचं मन सारखं इकडे-तिकडे पळतं, ज्याला कशातच लक्ष लागत नाही, त्याच्यासाठी मोती सांगितला जातो. मोती केवळ दागिना म्हणून नव्हे, तर ज्योतिषीय उपाय म्हणूनही वापरला जातो. मात्र, हे रत्न धारण करण्यापूर्वी त्याचे फायदे आणि ते घालण्याची योग्य पद्धत जाणून घेणे आवश्यक आहे. चला तर मग जाणून घेऊया मोती धारण केल्याने कोणते फायदे मिळतात आणि तो घालताना कोणते नियम पाळावेत.
रत्नशास्त्रानुसार, मोती धारण केल्याने मन शांत राहण्यास मदत होते, अशी मान्यता आहे. ज्या लोकांना छोट्या छोट्या गोष्टींवरून राग येतो किंवा सतत चिडचिड होते, त्यांच्यासाठी मोती फायदेशीर मानला जातो.काही लोक असतात, जरा काही झालं की लगेच भडकतात. घरात, ऑफिसमध्ये सतत चिडचिड. अशा लोकांचं मन मोतीमुळे थोडं शांत होतं, असं सांगितलं जातं. मनातली अस्वस्थता कमी होऊन भावनांवर ताबा ठेवायला मदत होते.
काही लोकांना रात्री झोप न लागण्याची समस्या असते. त्यामुळे दिवसभर थकवा, चिडचिड आणि अस्वस्थता जाणवू शकते. ज्योतिषीय मान्यतेनुसार, मोती धारण केल्याने मन शांत राहते आणि झोपेची गुणवत्ता सुधारण्यास मदत होते.रात्री उशिरापर्यंत विचार करत पडून राहणारे लोक खूप आहेत. डोळे बंद केले तरी झोपच येत नाही. अशा लोकांना मोती घालायचा सल्ला दिला जातो. मन शांत झालं की झोप आपोआप चांगली लागते.
रत्नशास्त्रानुसार, मोती धारण केल्याने एकाग्रता वाढते, असे मानले जाते. विशेषतः अभ्यासात लक्ष केंद्रित करण्यात अडचण येणाऱ्या विद्यार्थ्यांसाठी हे रत्न उपयुक्त मानले जाते.विद्यार्थी पुस्तक उघडून बसतात, पण मन दुसरीकडेच असतं. 10 मिनिटं पण एका जागी लक्ष लागत नाही. अशावेळी मोती मन स्थिर ठेवायला मदत करतो, अशी श्रद्धा आहे. काम करणाऱ्या लोकांनाही याचा फायदा होतो.
ज्योतिषशास्त्रीय मान्यतेनुसार, मोती नेहमी चांदीच्या अंगठीत बसवून धारण करावा. चंद्र ग्रहाचा संबंध चांदीशी जोडला जात असल्याने या धातूमध्ये मोती घालणे शुभ मानले जाते.
मोती सोन्यात घालू नका. तो नेहमी चांदीतच घालायचा असतो. आणि दिवस पण सोमवारच पकडायचा. सोमवार हा चंद्राचा दिवस मानला जातो. त्यामुळे सोमवारी मोती घातला तर जास्त चांगला, असं सांगतात. आणि बोट कोणतं? उजव्या हाताचं सगळ्यात लहान बोट, म्हणजे करंगळी. तिथेच मोत्याची अंगठी घालायची असते.
मोत्याची अंगठी थेट बोटात घालण्याऐवजी आधी तिचे शुद्धीकरण करावे, असे ज्योतिषशास्त्रात सांगितले जाते. यासाठी अंगठी कच्चे दूध आणि गंगाजलाने स्वच्छ करावी. त्यानंतर ‘ॐ सोमाय नमः’ या मंत्राचा १०८ वेळा जप करावा.
दुकानातून आणली आणि थेट घातली, असं करायचं नाही. आधी ती कच्च्या दुधात आणि गंगाजलात धुवायची. मग 108 वेळा ‘ॐ सोमाय नमः’ म्हणायचं. आणि मगच बोटात घालायची. ही सगळी पद्धत आहे.पण एक गोष्ट लक्षात ठेवा, मोती सगळ्यांनाच चालतो असं नाही. काही लोकांना मोती घातल्यावर उलटा त्रास होऊ शकतो. त्यामुळे आधी आपली कुंडली बघा. त्यात चंद्र कसा आहे, हे ज्योतिषाला विचारूनच मोती घाला. उगाच कोणाचं बघून घालू नका.
Ans: ज्योतिषीय मान्यतेनुसार मोती धारण केल्याने राग आणि चिडचिड कमी होते, मन शांत राहते आणि एकाग्रता वाढण्यास मदत होते.
Ans: मोत्याची अंगठी चांदीमध्ये बसवून धारण करावी, असे रत्नशास्त्रात सांगितले जाते.
Ans: ज्योतिषशास्त्रीय मान्यतेनुसार मोत्याची अंगठी सोमवारी घालणे शुभ मानले जाते.
