Water Stove : तेल, गॅस नाही तर पाण्यावर चालतो हा Made In India चुल्हा, किंमत जरा जास्त पण मोठा फायदा

पुन्हा गॅसचा तुटवडा निर्माण होईल का अशी भिती ही निर्माण झाली आहे. आता, एका भारतीय कंपनीने तेल आणि गॅस या दोन्हीची गरज दूर करू शकणारी एक चुल्हा विकसित केला आहे.

• चुल्हा चालवण्यासाठी फक्त पाण्याची आवश्यकता
• स्टेनलेस स्टीलच्या शेगडयांसारखाच दिसतो
• शेगडी पूर्णपणे पर्यावरणपूरक

Made in India Water Stove:मध्य पूर्वेतील तणावामुळे जागतिक स्तरावर इंधन आणि वायू संकट ओढावलं आहे. परिस्थिती तणावपूर्ण असल्यामुळे याचा परिणाम देशांतर्गत गोष्टींवर दिसून येत आहे. सगळ्या महत्त्वाचं म्हणजे गॅस पुरवठ्यावर धोका निर्माण झाला होता. देशात एलपीजीची कमतरता टाळण्यासाठी सरकारने गॅस बुकिंगच्या नियमांमध्ये सुधारणा केली आहे. अगोदरच्या तुलनेत सध्या देशात घरगुती गॅसची कमतरता नाही, परंतु जनतेमध्ये अजूनही भीतीचे वातावरण कायम आहे. अमेरिका आणि इराण यांच्यातील शांतता चर्चा अयशस्वी झाल्यामुळे ही भीती आता आणखीनच वाढली आहे. पण यासगळ्यात पुन्हा गॅसचा तुटवडा निर्माण होईल का अशी भिती ही निर्माण झाली आहे. आता, एका भारतीय कंपनीने तेल आणि गॅस या दोन्हीची गरज दूर करू शकणारी एक चुल्हा विकसित केला आहे.

UPI Wrong Transaction : चुकीच्या UPI ID वर पैसे ट्रान्सफर झाले? Undo बटण नसलं तरी पैसे परत मिळवणं शक्य

चुल्हा चालवण्यासाठी फक्त पाण्याची आवश्यकता

‘द टाइम्स ऑफ इंडिया’च्या एका अहवालानुसार, या “मेड इन इंडिया” चुल्हाला “प्लग-अँड-प्ले हायड्रोजन कुकिंग स्टोव्ह” असंही नाव देण्यात आले आहे. घरगुती आणि व्यावसायिक या दोन्ही प्रकारच्या वापरासाठी त्याची त्या पद्धतीने रचना अत्यंत अगदी उत्कृष्टपणे करण्यात आली आहे. याचे एक प्रमुख वैशिष्ट्य म्हणजे, हा चुल्हा चालवण्यासाठी गॅस किंवा तेलाची नव्हे, तर केवळ पाण्याची आवश्यकता असते.

पाण्यावर कसा चालतो चुल्हा?

Greenvize नावाच्या एका कंपनीने हा चुल्हा विकसित केली आहे. या शेगडीचे सर्वात महत्त्वपूर्ण वैशिष्ट्य म्हणजे तिची कार्यप्रणाली; ती चक्क पाण्यावर चालते. यामध्ये एका विशेष ‘प्रोटॉन एक्सचेंज मेम्ब्रेन’ (PEM) इलेक्ट्रोलायझरचा समावेश करण्यात आला आहे. हीच ती तंत्रज्ञान प्रणाली आहे, जी विजेच्या साहाय्याने पाण्याच्या रेणूंचे विघटन करून थेट शेगडीच्या आतच हायड्रोजन वायू निर्माण करते आणि त्याद्वारे बर्नर प्रज्वलित करते.

स्टेनलेस स्टीलच्या शेगडयांसारखाच दिसतो

दिसण्याच्या बाबतीत, ही शेगडी टेबलावर ठेवता येण्यासारखे एक उपकरण आहे. अगदी स्वयंपाकघरात सहसा आढळणाऱ्या नेहमीच्या स्टेनलेस स्टीलच्या शेगडयांसारखीच. या शेगडीवर सलग सहा तास स्वयंपाक करण्यासाठी, केवळ १०० मिलीलिटर distilled किंवा RO पाण्याची आवश्यकता असते. शिवाय, ही शेगडी चालवण्यासाठी विजेचा केवळ १ युनिट वापर होतो. दुसऱ्या शब्दांत सांगायचे तर, यामध्ये जड सिलिंडर्स उचलण्याची कटकट नाही, की वारंवार सिलिंडर्स भरून घेण्याचीही चिंता नाही.

शेगडी पूर्णपणे पर्यावरणपूरक

तज्ज्ञांच्या मते, ही शेगडी ‘शून्य उत्सर्जन’ (Zero Emission) या तत्त्वावर कार्य करते. याचा अर्थ असा की, स्वयंपाक करताना यातून विषारी कार्बन मोनॉक्साईड वायू उत्सर्जित होत नाही, तसेच कोणत्याही प्रकारचा काळा धूरही निर्माण होत नाही. स्वयंपाक पूर्ण झाल्यानंतर, यातून केवळ ‘पाण्याची वाफ’ बाहेर पडते; ज्यामुळे ही शेगडी पूर्णपणे पर्यावरणपूरक ठरते.
ही शेगडी ‘कॅटॅलिटिक हायड्रोजन बर्नर’ तंत्रज्ञानाचा वापर करते, ज्यामुळे अत्यंत नियंत्रित आणि सुरक्षित ज्योत निर्माण होते. यामध्ये दोन बर्नर्स आहेत, जे हाताने प्रज्वलित करता येतात. व्हेंटिलेशनबाबत कोणतीही चिंता नाही, अगदी लहान आणि बंदिस्त स्वयंपाकघरांमध्ये देखील तुम्ही अगदी सहजपणे याचा वापर करु शकता.

चुल्हाची नेमकी किंमती किती?

किमतीबाबत बोलायचं तर दोन बर्नर असलेल्या शेगडीची किंमत ₹१,५०,००० आहे, तर एका बर्नरच्या मॉडेलची किंमत ₹१,०५,००० आहे. किमतीचे हे उच्च प्रमाण पाहता, सध्या ही शेगडी सामान्य घरांपेक्षा मोठ्या व्यावसायिक स्वयंपाकघरांसाठी, सामुदायिक स्वयंपाकघरांसाठी, सरकारी प्रकल्पांसाठी आणि औद्योगिक उपहारगृहांसाठी अधिक उपयुक्त मानली जात आहे. सध्या कंपनीचा मुख्य भर, पायलट प्रोजेक्टचा भाग म्हणून, या युनिट्सची मोठ्या संस्थांमध्ये उभारणी करण्यावर आहे. या चुलीची किंमत अधिक असल्यामुळे, सध्या ती कदाचित प्रत्येक घरातील स्वयंपाकघरापर्यंत पोहोचू शकत नसली, तरीही भविष्यातील ऊर्जा सुरक्षेच्या दिशेने हे एक महत्त्वपूर्ण आणि निर्णायक पाऊल आहे. जसजसा या तंत्रज्ञानाचा विस्तार होईल, तसतशी याची किंमतही कमी होईल, अशी अपेक्षा आहे.

Ambedkar Jayanti Bank Holiday: 14 एप्रिल रोजी आंबेडकर जयंतीनिमित्त कुठे राहणार बँक बंद? RBI ची यादी पहाच