LPG Cylinder Rate: सर्वसामान्यांच्या खिशाला पुन्हा कात्री? घरगुती सिलिंडरच्या किमतीत वाढ; तुमच्या शहरातील दर काय?

सध्या सुरू असलेल्या संघर्षामुळे, भारताला LPG आयात करण्यात अडचणींचा सामना करावा लागत आहे. भारत आपल्या LPG पैकी ६० टक्के साठा हा आखाती देशांकडून आयात केला जातो.

• भारत LPG पैकी ६० टक्के साठा हा आखाती देशांकडून आयात
• LPG सिलिंडरच्या दरांमध्ये काही बदल झालेत का?
• देशाकडे ६० दिवसांचा साठा उपलब्ध

LPG Cylinder Rate: आंतरराष्ट्रीय स्तरावरील युद्धजन्य परिस्थितीमुळे सध्या जगाचा बॅलन्स बिघडला आहे. सगळ्या देशातील आयात निर्यातीचं गणित तर पूर्णपणे विस्कळीत झालं आहे. त्यामुळे या सगळ्याचा परिणाम देशातील इतर गोष्टींसोबतच जीवनावश्यक गोष्टींवरही होताना दिसत आहे. त्यातली अत्यंत महत्त्वाची गोष्टी म्हणजे रोजच्या वापरातील LPG गॅस सिलेंडर. सध्या सुरू असलेल्या संघर्षामुळे, भारताला LPG आयात करण्यात अडचणींचा सामना करावा लागत आहे. भारत आपल्या LPG पैकी ६० टक्के साठा हा आखाती देशांकडून आयात केला जातो. मात्र, युद्धामुळे या पुरवठा मार्गांमध्ये व्यत्यय आला आहे. त्याचा परिणामी, देशाला आता एका नव्या संकटाचा सामना करावा लागत आहे. सध्याच्या परिस्थितीत LPG सिलिंडरच्या दरांमध्ये काही बदल झाले आहेत का आणि तुमच्या शहरात सध्याचे दर काय आहेत, हे आपण जाणून घेऊया.

कोरोनापेक्षाही भयानक हाल! बाजारातून रू. 1,00,00,00,00,000 गायब, कोणी काढले इतके पैसे?

LPG सिलिंडरच्या दरांमध्ये काही बदल झालेत का?

नवी दिल्ली – ₹९१३
मुंबई – ₹९१२.५०
कोलकाता – ₹९३९
चेन्नई – ₹९२८.५०
हैदराबाद – ₹९६५
लखनौ – ₹९५०.५०
बंगळुरू – ₹९१५.५०
पाटणा – ₹१,००२.५०

व्यावसायिक LPG सिलिंडरचे सध्याचे दर काय?

दिल्ली – ₹१,८८४.५०
मुंबई – ₹१,८३६
कोलकाता – ₹१,९८८.५०
चेन्नई – ₹२,०४३.५०
हैदराबाद – ₹२,००७
बंगळुरू – ₹१,९५८
पाटणा – ₹२,१३३.५०

देशाकडे ६० दिवसांचा साठा उपलब्ध

केंद्र सरकारने स्पष्ट केले आहे की, त्यांच्याकडे सध्या पेट्रोल आणि डिझेलचा ६० दिवसांचा राखीव साठा उपलब्ध आहे. सरकारने असेही नमूद केले आहे की, सध्याच्या घडीला देशांतर्गत पेट्रोल, डिझेल किंवा LPG ची कोणतीही कमतरता नाही. त्यामुळे, घाबरून जाण्याची अजिबात गरज नाही. सरकारने Oil Marketing Companies LPG चे उत्पादन वाढवण्याचे निर्देशही दिले आहेत. अलीकडेच, राज्यांना वाटप करण्यात आलेला कोटा पुन्हा एकदा वाढवण्यात आला आहे. तो २० टक्क्यांवरून ५० टक्क्यांपर्यंत नेण्यात आला आहे. केंद्र सरकार पेट्रोल, डिझेल आणि गॅसच्या पुरवठ्यावर बारकाईने लक्ष ठेवून आहे.

या महिन्याच्या सुरुवातीलाच दरांमध्ये वाढ

LPG सिलिंडरच्या दरांमध्ये याच महिन्याच्या सुरुवातीला वाढ करण्यात आली होती. त्यावेळी, १४.२ किलोग्राम वजनाच्या घरगुती गॅस सिलिंडरच्या किमतीत ₹६० ची वाढ करण्यात आली होती. त्याच वेळी, व्यावसायिक गॅस सिलिंडरची किंमत ₹१४४ ने वाढवण्यात आली होती. तेव्हापासून, आजतागायत किमतींमध्ये कोणतीही वाढ झालेली नाही. गॅसची उपलब्धता किंवा त्यात लागणारा खर्च या सगळ्यावरुन भविष्यात ही वाढ कधी करायची हे ठरवण्यात येईल.

घाबरून केल्या जाणाऱ्या बुकिंगमध्ये घट

गेल्या काही दिवसांत, एलपीजी सिलिंडर्ससाठी घाबरून केल्या जाणाऱ्या बुकिंगमध्येही घट झाली आहे. सिलेंडरची कमतरता आहे हे कळताच मोठी अंधाधुंद माजली होती. पण परिस्थिती नियंत्रणात आल्यानंतर आता गॅस एजन्सींमध्ये आता गर्दी कमी दिसून येत आहे.

कच्च्या तेलाचा दर 2022 प्रमाणे, मग भारताला का द्यावे लागत आहे 24% जास्त पैसे; समजून घ्या गणित