शनिवार, 3 ऑक्टोबर 2026
अचानक वाढले पेट्रोल-डिझेलचे भाव! ( सौजन्य - सोशल मीडिया )
देशातील अग्रगण्य खाजगी इंधन विक्रेता असलेल्या नायरा एनर्जीने पुन्हा एकदा पेट्रोल आणि डिझेलच्या दरात वाढ केली आहे. कंपनीने पेट्रोलच्या दरात प्रति लिटर ५ रुपयांनी आणि डिझेलच्या दरात प्रति लिटर ३ रुपयांनी वाढ केली आहे. हे नवीन दर शनिवारी तात्काळ लागू करण्यात आले आहेत. त्यामुळे आता पेट्रोल प्रति लिटर १००.७१ रुपये आणि डिझेल प्रति लिटर ९१.३१ रुपयांना उपलब्ध होणार आहे.
नायराचा हा निर्णय जागतिक ऊर्जा बाजारातील अस्थिरता आणि कच्च्या तेलाच्या किमतींमधील तीव्र चढ-उतारांच्या काळात घेतला गेला आहे. अहवालानुसार, कंपनी वाढत्या आंतरराष्ट्रीय किमती आणि देशांतर्गत विक्री किमतींमधील तफावत भरून काढण्यासाठी हा निर्णय घ्यावा लागला. भारत आपल्या कच्च्या तेलाच्या गरजेचा मोठा भाग आयात करतो. त्यामुळे, वाढत्या आंतरराष्ट्रीय कच्च्या तेलाच्या किमतींचा परिणाम शुद्धीकरण आणि इंधन विक्री खर्चावर होतो.
नायरा एनर्जीने यापूर्वी मार्च २०२६ मध्ये पेट्रोलच्या दरात ₹५ आणि डिझेलच्या दरात ₹३ प्रति लिटरने वाढ केली होती. त्यानंतर, आंतरराष्ट्रीय कच्च्या तेलाच्या किमती नरम पडल्याने, कंपनीने १ जुलैला पेट्रोलच्या दरात ₹५ आणि डिझेलच्या दरात ₹३ प्रति लिटरने केली आहे.
सध्या, सरकारी तेल विपणन कंपन्यांच्या किरकोळ इंधन किमती अपरिवर्तित राहिल्या आहेत. आंतरराष्ट्रीय कच्च्या तेलाच्या किमती वाढल्या असूनही, देशांतर्गत इंधन किमतींबाबत सरकारी आणि खाजगी कंपन्यांची धोरणे भिन्न असल्याचे दिसून येते.
स्थानिक कर, व्हॅट आणि इतर शुल्कांमुळे नायरा दरवाढीचा परिणाम राज्यानुसार वेगवेगळा असू शकतो. त्यामुळे, प्रति लिटर ₹५ ची मूळ वाढ होऊनही, ग्राहकांना मिळणारी अंतिम किंमत राज्यानुसार बदलू शकते.
पेट्रोल आणि डिझेलच्या दरवाढीचा परिणाम केवळ वाहनचालकांवरच होणार नाही. डिझेलच्या किमती वाढल्यामुळे वाहतूक आणि लॉजिस्टिक्सचा खर्च वाढू शकतो, ज्यामुळे मालवाहतूक आणि काही विशिष्ट वस्तूंच्या किमतींवर परिणाम होऊ शकतो.
