सोमवार, 10 ऑगस्ट 2026
(फोटो सौजन्य - सोशल मीडिया)
कंपनीचा एबिटा २०३ कोटी रुपये नोंदवला गेला असून, तो वार्षिक आधारावर १ टक्क्याने वाढला आहे, तर तिमाही-ते-तिमाही आधारावर २ टक्क्यांनी घटला आहे. या तिमाहीत एबिटा मार्जिन ११.७ टक्के राहिली, जी मागील वर्षाच्या याच तिमाहीत १२.० टक्के आणि मागील तिमाहीत ११.१ टक्के होती.
कंपनीचा करपूर्व नफा १४४ कोटी रुपये राहिला, ज्यामध्ये वार्षिक आधारावर २ टक्क्यांची घट झाली आहे, तर मागील तिमाहीच्या तुलनेत ०.३ टक्क्यांची किरकोळ वाढ दिसून आली आहे. या कालावधीत कंपनीचा कर खर्च ३६ कोटी रुपये राहिला. सर्व कर व खर्च वजा केल्यानंतर कंपनीने १०८ कोटी रुपयांचा करोत्तर नफा नोंदवला आहे. हा नफा मागील वर्षाच्या याच तिमाहीतील १०५ कोटी रुपयांच्या तुलनेत ३ टक्क्यांनी, तर मागील तिमाहीतील ९७ कोटी रुपयांच्या तुलनेत १२ टक्क्यांनी वाढला आहे. या तिमाहीत कंपनीचा करोत्तर नफा मार्जिन ६.२ टक्के राहिला, जो मागील वर्षाच्या याच तिमाहीत ६.३ टक्के आणि मागील तिमाहीत ५.२ टक्के होता.
चालू असलेले भू-राजकीय आणि पुरवठा साखळीतील अडथळे असूनही, कंपनीने कार्यसंचालनातील उत्कृष्टता आणि जवळून केलेल्या देखरेखीच्या जोरावर सुधारित मार्जिनसह स्थिर अंमलबजावणी सादर केली आहे. उत्पादन क्षमता व अंमलबजावणी कौशल्ये प्रबळ करण्यासाठी कंपनीने बुटीबोरी टॉवर उत्पादन सुविधा सुरू केली असून, गॅक्टेल टर्नकी प्रोजेक्ट्सच्या अधिग्रहणाद्वारे कूलिंग टॉवर ईपीसी क्षमतेत वाढ करत पायाभूत सुविधांचा विस्तार केला आहे. यासोबतच, मोनोपोल पुरवठा प्रोजेक्टसह ऑस्ट्रेलियामध्ये प्रवेश करत कंपनीने आपली जागतिक उपस्थिती ६ खंडांपर्यंत वाढवली आहे.
या तिमाहीत १,०३४ कोटी रुपयांच्या नवीन ऑर्डर्स आणि अतिरिक्त जवळपास ४०० कोटी रुपयांच्या L1 ऑर्डर्स मिळाल्यामुळे ३० जून २०२६ पर्यंत एकूण अन-एक्झिक्युटेड ऑर्डर बुक १६,०३५ कोटी रुपये झाले आहे, ज्यामधून दीर्घकालीन महसूल वाढीची स्पष्टता दिसून येते. उत्कृष्ट आर्थिक प्रोफाइलमुळे इंडिया रेटिंग्सद्वारे कंपनीला ‘आयएनडी एए -/स्टेबल’ श्रेणीत अपग्रेड करण्यात आले आहे. याशिवाय, वाढीचा दर, प्रशिक्षण व विकास, उद्योगातील प्रतिष्ठा आणि कामाच्या ठिकाणची संस्कृती या मानकांनुसार कंपनीला प्रतिष्ठित ईटी इज‘बेस्ट ऑर्गनायझेशन्स टू वर्क २०२६’ पुरस्काराने सन्मानित करण्यात आले आहे.
या आर्थिक निकालांबाबत मत व्यक्त करत व्यवस्थापकीय संचालक आणि मुख्य कार्यकारी अधिकारी श्री. रणदीप नारंग म्हणाले, “आम्ही गतिमान भू-राजकीय आणि आर्थिक वातावरणातही उत्तम आर्थिक कामगिरी कायम ठेवत आर्थिक वर्ष २०२७ ची सुरुवात केली आहे. नागपूर येथील आमच्या बुटीबोरी सुविधेची सुरुवात आणि आमच्या इतर प्लांट्सच्या विस्ताराने आमची टॉवर उत्पादन क्षमता दुप्पट केली आहे, जी आम्ही पुढे आणखी वाढवत आहोत. उत्पादनाचा विस्तार, अंमलबजावणी क्षमता आणि जागतिक बाजारपेठेचा विकास यासाठी आज आम्ही करत असलेली प्रत्येक गुंतवणूक आमचे स्थान दृढ करण्यासाठी आणि मोठ्या प्रमाणातील गुंतागुंतीचे पायाभूत सुविधांचे प्रकल्प पूर्ण करण्याची आमची क्षमता वाढवण्यासाठी केंद्रित आहे”.
पुढे ते म्हणाले, “वाढीचा दर, प्रशिक्षण व विकास, उद्योगातील प्रतिष्ठा, कामाच्या ठिकाणी संस्कृती आणि व्यावसायिक मूल्ये यांसारख्या मानकांचा विचार करून या तिमाहीत आम्हाला ईटी एजकडून ‘बेस्ट ऑर्गनायझेशन्स टू वर्क २०२६’ पुरस्कारासह सन्मानित करण्यात आले आहे. उत्तम ऑर्डरबुक, वाढलेली क्षमता, दृढ आर्थिक स्थिती आणि अंतर्गत व आंतरराष्ट्रीय बाजारपेठेतील सातत्यपूर्ण मागणीच्या जोरावर आम्हाला विश्वास आहे की, आर्थिक वर्ष २०२७ आमच्या फायदेशीर वाढीचा मार्ग अधिक दृढ करेल आणि आमच्या सर्व भागधारकांसाठी दीर्घकालीन मूल्य निर्माण करेल.”
