शेअर बाजारातील चढउतारातही येस बँकेचे शेअर्स 8 टक्के वाढले, कारण काय? जाणून घ्या

Yes Bank Shares Marathi: येस बँकेच्या बोर्डाची बैठक ३ जून २०२५ रोजी म्हणजेच उद्या, मंगळवारी होणार आहे. या बोर्ड बैठकीत, निधी उभारणीचा प्रस्ताव बोर्ड सदस्यांसमोर मांडला जाईल. जर बोर्ड सदस्यांनी या प्रस्तावाला सहमती

शेअर बाजारातील चढउतारातही येस बँकेचे शेअर्स 8 टक्के वाढले, कारण काय? जाणून घ्या (फोटो सौजन्य - सोशल मीडिया)

Follow Us:

Follow Us:

Yes Bank Shares Marathi News: भारतीय शेअर बाजार सोमवारी घसरणीसह बंद झाला. दिवसभर शेअर बाजार लाल रंगात व्यवहार करत होता. तथापि, या मंदीच्या बाजारातील वातावरणातही, प्रसिद्ध खाजगी क्षेत्रातील बँक ‘येस बँक’ पुन्हा एकदा वाढीसह व्यवहार करताना दिसली आहे. आजच्या इंट्राडे सत्रात येस बँकेच्या शेअर्समध्ये ८ टक्क्यांची वाढ झाली आणि ते २३ रुपयांच्या पातळीवर पोहोचले.

येस बँकेच्या शेअर्समध्ये सलग तिसऱ्या दिवशी वाढ दिसून येत आहे. गेल्या तीन दिवसांत येस बँक लिमिटेडच्या शेअर्समध्ये झालेल्या मोठ्या प्रमाणात खरेदीमागे दोन मुख्य कारणे पुढीलप्रमाणे आहेत: 

गुंतवणूकदारांसाठी सुवर्णसंधी, टाटा अ‍ॅसेट मॅनेजमेंटने नवीन ‘टाटा निफ्टी मिडकॅप १५० इंडेक्स फंड’ केला लाँच

प्राथमिक कारण

खरंतर, येस बँकेच्या बोर्डाची बैठक ३ जून २०२५ रोजी म्हणजेच उद्या, मंगळवारी होणार आहे. या बोर्ड बैठकीत, निधी उभारणीचा प्रस्ताव बोर्ड सदस्यांसमोर मांडला जाईल. जर बोर्ड सदस्यांनी या प्रस्तावाला सहमती दर्शवली, तर कंपनी निधी उभारण्यासाठी पुढे जाईल. असे मानले जाते की हा निधी उभारण्यासाठी, कंपनी इक्विटी शेअर्स, कर्ज सिक्युरिटीज किंवा खाजगी प्लेसमेंट किंवा प्राधान्य वाटप यासारख्या मार्गांचा अवलंब करू शकते.

दुसरे कारण

येस बँकेच्या शेअर्समध्ये गुंतवणूकदारांचा उत्साह वाढण्यामागील दुसरे सर्वात महत्त्वाचे कारण म्हणजे देशाच्या सीमेपलीकडे गुंतवणूक करणे. खरंतर, घडलं असं की जपानची प्रसिद्ध वित्तीय कंपनी सुमितोमो मित्सुशी बँकिंग कॉर्पोरेशन (SMBC) ने येस बँकेतील सुमारे २०%टक्के हिस्सा खरेदी करण्याची घोषणा केली आहे. २० टक्के हिस्सा खरेदी करण्यासाठी एसएमबीसी सुमारे १३,४८३ कोटी रुपये देईल.

एकदा हा करार पूर्ण झाला की, जपानी वित्तीय संस्था येस बँकेच्या शेअरहोल्डिंग पॅटर्नमधील सर्वात मोठी शेअरहोल्डर बनेल. गुंतवणूकदारांनी ही घोषणा सकारात्मकतेने घेतली आहे. भारताच्या बँकिंग व्यवस्थेचा इतिहास पाहिला तर आतापर्यंत देशाबाहेरून कोणत्याही बँकेत इतक्या मोठ्या गुंतवणुकीची घोषणा झालेली नाही. या कराराने एक नवा इतिहास रचला आहे.

येस बँकेच्या शेअर्सच्या किमतीचा ट्रेंड

गेल्या ३ महिन्यांपासून येस बँकेचे शेअर्स सातत्याने मजबूत कामगिरीसह व्यवहार करताना दिसत आहेत. स्टॉकच्या परताव्याच्या आकडेवारीतही ही ताकद दिसून येते. या स्टॉकने गेल्या ३ महिन्यांत ३८ टक्के, गेल्या १ महिन्यात ३१ टक्के आणि गेल्या एका आठवड्यात १० टक्के परतावा दिला आहे. तथापि, गेल्या एका वर्षात या स्टॉकची कामगिरी जवळजवळ स्थिर राहिली आहे. आकडेवारीनुसार, या कालावधीत या स्टॉकने फक्त १ टक्के परतावा दिला आहे.

गुंतवणूक करून श्रीमंत व्हायचंय? प्रत्येकाला माहिती असावेत ‘हे’ महत्वाचे नियम

Web Title: Yes bank shares rose 8 percent despite the fluctuations in the stock market what is the reason know

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com